Мордовиянь Прявтось Артём Здунов Республикань Кудосо вастневсь «Отечество» республикань вокально-инструментальной коллективенть марто. Дмитрий Топтунов ды Алексей Дигалев морыть авторской морот военно-патриотической тематиканть коряс, ардтнить концерт марто Донецкой ды Луганской народной республикатнес, истя жо СВО-нь таркатнес.
Коллективенть вадрясто содасызь Мордовиясо ды сонзэ томбале. СВО-нь ютавтоманть ушодовомсто саезь «Отечество» группась ютавтсь боецтнэнь туртов комсте ламо благотворительной концертт, истя жо госпитальтнесэ.
Кода ёвтнесь коллективень художественной руководителесь Дмитрий Топтунов, сынь морсить тонавтнемань организациятнесэ, эйкакштнень марто ютавтнить вастовомат школатнесэ ды шумбрачинь витемань лагертнесэ, ёвтнить геройтнеде, конат топавтыть воинской долгост.
Вастовомасонть кортасть од ломантнень патриотизмань лувсо тонавтомань-превс путомань ды минек боецтнэнень лездамонь коряс вейсэнь важодемадонть.
Вастовомасонть ульнесь МР-нь Культурань, раськень политикань ды архивень тевень министрась Светлана Баулина.