Пятница, февраля 23, 2024
Важное
Течи Мордовия Республикань Пресс-центрасо таго ульнесь пресс-конференция, конась алтавсь минек республикасо «Бессмертный полк» акциянть ютавтомантень.


Журналисттнэнь кевкстемаст лангс каршо валт макссть «Бессмертный полк России» ОДД-нь МР-со Российской отделениянь исполкомонь прявтось Евгений Ячинов ды те акциянть-шествиянть коряс штабонь руководителесь, Мордовской республиканской «Поиск» патриотической вейсэндявксонь прявтось Николай Кручинкин.

Кода мерсь Евгений Ячинов, «А кулыця полкось» Мордовиянь прявт ошсо ушодкс саи Саранскойсэ уликс Геройтненень-стратонавттнэнень алтазь кеврунгонть эйстэ. Эрицятне тов пурнавить 14 чассто, пельчасонь перть тееви колоннась ды 15 чассто весе сыргить Изнямонь площадентень.

Седе тов ютавтови культурной кенярксов программа. Социальной сеттнень вельде пачтяви, Саранскоев Ине Изнямонь кенярксчинтень арсить само 35 тёжат ломанть. Теде башка, эштё кармить само республикань районтнэстэ эрицятне. Сыненст мереви таркатнесэ те акциянть-шествиянть ушодомс 15 часто седе икеле. Николай Кручинкин тешкстызе, те мероприятиянтень, политической партиянь флагт а мереви кандомс, ансяк Россиянь, Мордовиянь ды Изнямонь. Истя жо а мереви саемс ведь суликань кедьгесэ.

Сень ловозь, што эштё аволь умок ульнесть ламо сэредицят ковидэнь ормасо ды маскатнень каямс тенек зярс а мереви, эряви топавтомс санитарно-эпидемиологиянь весе вешематнень.
Эштё весть ледстязель, фронтовиктнень фотографияст питневтеме печатавтовить ламофункциянь центратнесэ.

Валентина Юдина
 

О ГАЗЕТЕ "ЭРЗЯНЬ ПРАВДА"

Газета Эрзянь правда в настоящее время издается один раз в неделю на 16 страницах, четыре из них в цвете. Газета широко отражает вопросы общественно-политической, социально-экономической, культурной и духовной жизни республики, публикует международную информацию. «Эрзянь правда» распространяется в Оренбургской, Пензенской, Самарской, Ульяновской, Нижегородской областях, в республиках Татарстан, Чувашия, Башкортостан. Вместе с тем, для эрзян России вот уже не один год успешно функционирует электронная версия газеты, которую можно в настоящее время читать в Интернете. В этом большая заслуга всего редакционного коллектива газеты «Эрзянь правда».