Паро коекс теевсть специальной военной операциянь участниктнень тонавтницятнень марто вастовоматне. Евгений ветеранось «Защитники Отечества» фондонь филиалонть лезксэнзэ пингстэ неть читнестэ ютавтсь «Мужествань урок» Саранскоень 33-це № школань тонавтницятнень туртов. Вастовомасонть ульнесть 8-9-це класстнэсэ тонавтницятне.

Специальной военной операциясонть участвовамо Евгений туекшнесь эсь олясо, ульнесь взводонь командирэкс. Топавтсь боевой задачат Донецкой Народной Республикасо. Апелемачинть кис, конань сон невтизе воинэнь долгонть топавтомсто, тешкстазь «За отвагу» медальсэ.

СВО-нь ветеранось тонавтницятненень ёвтнесь Россиянь военнослужащейтнень героизмадо, тиринь масторонть вечкемадо ды эйкакштнень пельде сёрматнеде, конатне сакшность фронтов. Мекс Евгений сайсь мельс эсь олясо туемс фронтов? Од ломантнень пельде кевкстеманть лангс сон мерсь истя: «Мон – тиринь масторонь вечкиця. Покштям тюрсь яттнэнь каршо Ине Отечественной войнасонть, эйкакшокс улезь, мон мельспаросо кунсолынь сонзэ ёвтнематнень ды аштинь каштанчисэ советской солдаттнэнь, конатне олякстомтызь масторонок фашизмадонть, подвигест кувалма. Секс, зярдо монь масторонтень кармась эрявомо лезксэм, истя жо стинь сонзэ мельтнень-вановттнэнь идеме».