Неть читнестэ А. С. Пушкин лемсэ библиотекань покш залсонть ульнесь промкс, конань ютавтызь Эрзя-мокшонь раськень регионъютконь вейсэндявксонтень совицятне. Сонзэ панжизе ды ветясь те общественной организациянь прявтось Юрий Мишанин.
Промксонтень сакшность те вейсэндявксонь отделениянь прявттнэ кода Саранскойстэ, истя республикань районтнэстэ. Кортамось мольсь Мордовиясо ды весе Россиясо сёрмадстомань тевтнеде, организациянть те кевкстеманть коряс важодемадонзо.
Юрий Александрович пачтясь сеть мероприятиятнеде, конат меельце шкастонть ютавтовсть пандемиянь стакачитнень лангс апак вано. Невтемакс, «Шумбрат» фестивальтне ульнесть Ульяновск, Москов, Самара, Керчь оштнесэ. Истя жо эрзятне ды мокшотне пурнавкшность Чувашиянь, Татарстанонь, Пензань, Челябань ды лия ёнкстнэсэ.
Сёрмадстомань кевкстемантень алтавсть вастовомат Мордовия Республикань Прявтонть Артём Здуновонь, Федеральной Собраниянь Государственной Думань депутатонть, Мордовиянть пельде сенаторонть Пётр Тултаевень ды ламо лия содавикс ломантнень марто.
Юрий Мишанин ледстинзе икелень сёрмадстомань невтевкстнэнь, сехте пек мель явсь раськеденть ды кельденть кевкстематненень. Сон тердинзе весе эрзятнень ды мокшотнень, кить ловить пряст истямокс, эли кинь улить истят ундоксост, видестэ, апак сёпо ёвтамс теде сёрмадстыцянтень эли тешкстамс госуслугань порталонть вельде.
Юрий Александрович истя жо пачтясь, сёрмадстомань кулятне сехте сеедьстэ кармить пурнавомо видьстэ кудова яказь, ломантнень кевкстнезь.
Седе тов те теманть поладызе МР-ва Госстатистикань Федеральной службань территориальной органонь руководителень полавтыцясь Николай Залогов. Николай Александрович истя жо ледстинзе икелень иетнестэ сёрмадстоматнень ды сынст яволявтомань ёнкстнэнь.
Васняяк, те сёрмадстомась ютавтови аволь шожда шкане, зярдо эрицятне пелить ормалгадомадо, а кемить вейке-вейкенень.
Теке шкасто весенень чарькодема те тевенть эрявиксчинзэ. Эдь теде ашти, кода минь карматано ванды эрямо, кодамо лезкс тенек карми явовомо федеральной центрасто, карматано содамо, зяро течи эйстэнек эрзятнеде, мокшотнеде ды лия раськетнеде.
Николай Залогов пачтясь те иень сёрмадстомань башка ёнкстнэде. Невтемакс, сынь вастовсть истямо стакачи марто, кода кадратнень (сёрмадстыцятнень) асатномась. Виде, сынь седе казямо вешемат путсть эсест ды важодицяст икелев. Ней а кармить сёрмадстомо сеть, кинень 65 иеде седе ламо. Ков седе пштить вешематне шумбрачинь коряс, те тевенть кармить топавтомо ансяк прививкань путовтыцятне ды важодемань шкане асэредицятне.
Ламо лезэв превс путомат пурнавозтненень ёвтась МР-нь Культурань, национальной политикань ды архивень тевень коряс министрань васенце полавтыцясь Александр Карьгин.
Неень шкане, бути минь а невтьсынек эсенек раськенек, сестэ а карматано домкасто содамо ундоксонок, минек покштянок-сырькаенек коест-кирдаст ды а мезе карми улеме кадомс эйкакшонок, нуцьканок ды сынст эйкакшост туртов. Тень мельсэ кирдезь, эряви ванстомс раськенек ды мик сы шканок.
Валентина Юдина
Юрий Александрович пачтясь сеть мероприятиятнеде, конат меельце шкастонть ютавтовсть пандемиянь стакачитнень лангс апак вано. Невтемакс, «Шумбрат» фестивальтне ульнесть Ульяновск, Москов, Самара, Керчь оштнесэ. Истя жо эрзятне ды мокшотне пурнавкшность Чувашиянь, Татарстанонь, Пензань, Челябань ды лия ёнкстнэсэ.
Сёрмадстомань кевкстемантень алтавсть вастовомат Мордовия Республикань Прявтонть Артём Здуновонь, Федеральной Собраниянь Государственной Думань депутатонть, Мордовиянть пельде сенаторонть Пётр Тултаевень ды ламо лия содавикс ломантнень марто.
Юрий Мишанин ледстинзе икелень сёрмадстомань невтевкстнэнь, сехте пек мель явсь раськеденть ды кельденть кевкстематненень. Сон тердинзе весе эрзятнень ды мокшотнень, кить ловить пряст истямокс, эли кинь улить истят ундоксост, видестэ, апак сёпо ёвтамс теде сёрмадстыцянтень эли тешкстамс госуслугань порталонть вельде.
Юрий Александрович истя жо пачтясь, сёрмадстомань кулятне сехте сеедьстэ кармить пурнавомо видьстэ кудова яказь, ломантнень кевкстнезь.
Седе тов те теманть поладызе МР-ва Госстатистикань Федеральной службань территориальной органонь руководителень полавтыцясь Николай Залогов. Николай Александрович истя жо ледстинзе икелень иетнестэ сёрмадстоматнень ды сынст яволявтомань ёнкстнэнь.
Васняяк, те сёрмадстомась ютавтови аволь шожда шкане, зярдо эрицятне пелить ормалгадомадо, а кемить вейке-вейкенень.
Теке шкасто весенень чарькодема те тевенть эрявиксчинзэ. Эдь теде ашти, кода минь карматано ванды эрямо, кодамо лезкс тенек карми явовомо федеральной центрасто, карматано содамо, зяро течи эйстэнек эрзятнеде, мокшотнеде ды лия раськетнеде.
Николай Залогов пачтясь те иень сёрмадстомань башка ёнкстнэде. Невтемакс, сынь вастовсть истямо стакачи марто, кода кадратнень (сёрмадстыцятнень) асатномась. Виде, сынь седе казямо вешемат путсть эсест ды важодицяст икелев. Ней а кармить сёрмадстомо сеть, кинень 65 иеде седе ламо. Ков седе пштить вешематне шумбрачинь коряс, те тевенть кармить топавтомо ансяк прививкань путовтыцятне ды важодемань шкане асэредицятне.
Ламо лезэв превс путомат пурнавозтненень ёвтась МР-нь Культурань, национальной политикань ды архивень тевень коряс министрань васенце полавтыцясь Александр Карьгин.
Неень шкане, бути минь а невтьсынек эсенек раськенек, сестэ а карматано домкасто содамо ундоксонок, минек покштянок-сырькаенек коест-кирдаст ды а мезе карми улеме кадомс эйкакшонок, нуцьканок ды сынст эйкакшост туртов. Тень мельсэ кирдезь, эряви ванстомс раськенек ды мик сы шканок.
Валентина Юдина