Апрелень 30-це чинть самс моли вайгелень максомась 2025 иестэ вадрялгавтомань туртов общественной таркатнень кочкамга. 

Эсь вайгеленть мереви максомс зярыя лувонь коряс – Россиянь Минстроень вейкине федеральной цифровой платформасонть (13.gorodsreda.ru), истя жо Госуслугань порталсонть личной кабинетэнть вельде. Мереви тень теемс волонтёртнэнь вельдеяк, конатне эрьва чистэ важодить ошонь ульцятнесэ, ломантнень пурнавома таркатнесэ, ТРЦ-тнесэ, культурань учреждениятнесэ. 

Волонтёрттнэнь неемстэ илядо юта вакска. Ёвтынк тыньгак эсь меленк общественной се тарканть кисэ, конань бажатадо неемс вадрякс ды мазыекс.

«Апреленть прядовомс эрьва эрицянтень мереви макомс эсь вайгеленть парктнень, площадьтнень, сквертнэнь, аллеятнень кисэ, конатненень эряви витнемс-мадрялгавтомс. Саранскойсэ вайгелень макосмась моли колмо истят таркатнень кисэ – Московская ульцясо Фонтанной валгома таркась, Мордовская ульцясо Скверэсь ды Советской площаденть перька таркась, – тешкстызе волонтёрось, Н. П. Огарёв лемсэ МГУ-нь Довузовской анокстамонь факультетэнь 1-це курсонь тонавтницясь Арина Дергунова.
Саранск ошонь эрицянтень, од тейтерентень Мариянень сон домкасто толковизе, кодат таркатнень кисэ мереви максомс вайгеленть. Волонтёртнэ жо лездыть теемс тень куроксто ды мелявкстомо.

Эряви меремс, таркатнень вадрялгавтомань коряс вайгелень максомань весероссиянь рейтингесь ютавтови «Жильё и городская среда» нацпроектэнь «Формирование комфортной городской среды» федеральной проектэнть юрсо. Проектэнь прявт аравтлувось – 2030-це иентень ошонь среданть вадрялгавтовс 1,5-ксть, ды истя жо седе кастомс истят оштнень ламочинть.