Паро кулядонть маринек неть читнестэ. Лиссь эрзянь кельсэ од книга. Сонзэ авторось – Марина Слугина.
Сон чачсь 1983 иестэ Дубёнкань райононь Кобалесэ. Школанть прядомадо мейле тонавтнесь Н. П. Огарёв лемсэ МГУ-нь филологиянь факультетэнь эрзянь отделениясо. Стихень сёрмадомо кармась школасо тонавтнемстэ саезь. Сеедьстэ сакшныль Саранскоев од сёрмадыцянь семинаров, косо минек содавикс поэттнэ ды писательтне макссть лезэв содамочить, тонавтсть литературань тевентень.
Марина Владимировна важоди Саранскоень 3 № школасо вишка классонь ды эрзянь келень тонавтыцякс. «Тюст» книгась – те васенце книгазо, конань учось сонсь ды ловныцятнеяк. Тов совасть икеле иетнестэ сёрмадозь валморотне ды конат чачсть меельце шкастонть. Пусмось ашти кото пельксстэ. Васенцесь – «Эрямонок – ве лекстявкс» – алтави Пазонтень, авторось пачти, эрямонок нурькине ды эряви кирдемс мельсэ, ков ды Кинень минь мольтяно… «Адя, ялгай, Солаведев» пельксэсь алтави тиринь ёнксонтень. «Ули вием – Вечкемась» пелькссэнть кепедеви вечкемань ёжомарямодо темась. Седе тов юты «Алтамот» пельксэсь. Тесэ валморотне алтазь ломантненень, кинь марто авторось содавикс. «Кельть-валт» ды «Мезе машты эрзянь кель» пелькстнэсэ эрзянь кельсэ пейдемань произведеният, конат пек ладить неень шкантень ды течинь чинтень. Эряви меремс, Маринань парсте удалы невтемс пейдемань ёнкстнэнь.
«Тюст» книганть нолдамс лездасть РФ-нь Литераторонь союзось ды РФ-нь Культурань министерствась. Пусмонь витницясь – Мария Левщанова, компьютерэнь вёрсткась Михаил Потаповонь, лангаксось Юрий Агафоновонь. Книгась лиссь вадря, мазый, алкуксонь. Сон шождасто ловнови ды кармавты ломаненть арсеме.
М. В. Слугина – од автортнэнь туртов МР-нь Прявтонь литературань премиянь лауреат (2015). Произведениянзо лиснесть «От Урала до Невы» (2001), «Монь вайгелем» (2005), «Эскелькс» (2008), «Тешкс» (2014), «Тядянь-авань вал» (2019) вейсэнь пусмотнесэ. Стихензэ свал лиснить «Чилисема» ды «Сятко» журналтнэсэ.
Ёвтатано седейшкавань лембе валт авторонть туртов! Икелев молемань тевть, шкинемасо – од изнявкст!
Татьяна МАТОРКИНА
Марина Владимировна важоди Саранскоень 3 № школасо вишка классонь ды эрзянь келень тонавтыцякс. «Тюст» книгась – те васенце книгазо, конань учось сонсь ды ловныцятнеяк. Тов совасть икеле иетнестэ сёрмадозь валморотне ды конат чачсть меельце шкастонть. Пусмось ашти кото пельксстэ. Васенцесь – «Эрямонок – ве лекстявкс» – алтави Пазонтень, авторось пачти, эрямонок нурькине ды эряви кирдемс мельсэ, ков ды Кинень минь мольтяно… «Адя, ялгай, Солаведев» пельксэсь алтави тиринь ёнксонтень. «Ули вием – Вечкемась» пелькссэнть кепедеви вечкемань ёжомарямодо темась. Седе тов юты «Алтамот» пельксэсь. Тесэ валморотне алтазь ломантненень, кинь марто авторось содавикс. «Кельть-валт» ды «Мезе машты эрзянь кель» пелькстнэсэ эрзянь кельсэ пейдемань произведеният, конат пек ладить неень шкантень ды течинь чинтень. Эряви меремс, Маринань парсте удалы невтемс пейдемань ёнкстнэнь.
«Тюст» книганть нолдамс лездасть РФ-нь Литераторонь союзось ды РФ-нь Культурань министерствась. Пусмонь витницясь – Мария Левщанова, компьютерэнь вёрсткась Михаил Потаповонь, лангаксось Юрий Агафоновонь. Книгась лиссь вадря, мазый, алкуксонь. Сон шождасто ловнови ды кармавты ломаненть арсеме.
М. В. Слугина – од автортнэнь туртов МР-нь Прявтонь литературань премиянь лауреат (2015). Произведениянзо лиснесть «От Урала до Невы» (2001), «Монь вайгелем» (2005), «Эскелькс» (2008), «Тешкс» (2014), «Тядянь-авань вал» (2019) вейсэнь пусмотнесэ. Стихензэ свал лиснить «Чилисема» ды «Сятко» журналтнэсэ.
Ёвтатано седейшкавань лембе валт авторонть туртов! Икелев молемань тевть, шкинемасо – од изнявкст!
Татьяна МАТОРКИНА
https://sun9-41.userapi.com/impg/j5hOrwe30aZIqHXq7hN9MOKQH4DEJcrC6SfENw/Ak-Tm3sI0FE.jpg?size=449x604&quality=96&sign=8219ffe74aa7b727a0b25e3f8510db4a&type=album");">https://sun9-33.userapi.com/impg/hYnAN75OvzkAiVfu0gtXZxwbY4aqLw4K39oPSA/2xSwGQolXuU.jpg?size=604x463&quality=96&sign=990856d4a3c75af8bef467c8244fd0a7&type=album");">
Оценили 49 человек