Сундерьковонь 27-це чистэ топодсть колмо иеть, кода юткстонок тусь Мордовия Республикань Журналистэнь вейсэндявксонь прявтось, ёроков сёрмадыцясь, ламо од тевень ушодыцясь Лидия Григорьевна Снегирева.
Те иень тунда сонензэ топодевельть бу сизьгемень иеть… Апак учонь куломась лоткавтсь ламо тевть, арсемат…
Нейгак сельмень икеле: ушосо теле, минь тешкстатано Россиянь Печатень кенярксчинть. Республикань Кудосо торжественной пельксэнть ютамодо мейле весе сыргинек Н.П. Огарёв лемсэ госуниверситетэнь столовоев. Тосо, вейсэ вейке курос пурнавомадо мейле, Кадошкинань райгазетань прявт редакторось казсь Л.Г. Снегиреванень цецянь покш пусмо, тень, келя, тонеть кучизе «Мир цветов» Кадошкинасо уликс предприятиянь коллективесь. Кода бу теевель юткстонок малав эрьвась? Саевлизе кудов. Одтнэнь ютксто ламот кармавольть мартонзо снимсеме. Лидия Григорьевна жо саизе пусмонть ды сюкпрянь валтнэнь ёвтамодо мейле весе цецятнень явшинзе минек ланга, эстензэ вейкеяк эзь кадо.
Лидия Григорьевнань чачома-касома ёнксозо – Курской областень Ивня райононь куншкакурось. Самай те таркасонть Ине Отечественной войнань шкасто ульнесть ятонть каршо пси тюрематне. Кода содатано историясто, тосонь эрицятненьгак покш лезксэст Ине Изнямонть малавгавтомасо. Вейкесь юткстост ульнесь Лидия Григорьевнань авазо, Антонина Сергеевна, эштё од тейтерькакс важодемань фронтсоль. Л.Г. Снегирева аволь весть тенек ёвтнекшнесь, кодамо а пелицякс ды эрьва тевсэ чарькодицякс ульнесь авазо. Нать, а стяко сонзэ прявтсо отрядонтень малав сядо ломанть вейсэндявкшность. Лангозост путозель пек стака тев: леднематнень лангс апак вано, эрявсь теемс чугункань ки.
Антонина Сергеевнань васенце мирдезэ, К.Н. Хлудеев, истя жо ютась войнань толонть пачк, косо пек лавшомсь шумбрачизэ, ды орматнеде а шкастонзо кулось. Шкань ютазь Пазось тензэ макссь уцяска, сон лиссь мирденень Чаунза ёнксонь эрзянь цёранть, тевензэ парсте содыця агрономонть экшс. Те ульнесь Лидия Григорьевнань тетязо – Григорий Семёнович Сыркин.
Тешкстасынек, авазо эрясь кувака пинге ды свал, ков сатотсть виензэ, лездась тейтеренстэнь.
Журналистэнь тевентень Лидия Снегирева (сестэ эштё Сыркина) бажась эйкакшпингстэ: школасо тонавтнемстэ сонзэ сочинениятне сёрмадозельть ансяк «ветес», тень кувалма школанть прядомадо мейле сонензэ а стакаль понгомс тонавтнеме Мордовиянь Н.П. Огарёв лемсэ государственной университетэнь филологиянь факультетс. Истя, 1967-1972 иетне сонзэ туртов пек уцяскавольть аволь ансяк ламо содамочинь пурнамонь, эштё эрямонь покш тевень коряскак. Эдь самай те шкастонть, студенткакс улемстэ теевсь содавиксэкс вечкевиксэнзэ ды сы шкань мирдензэ Николай Снегирев марто, кие уш сестэ од поэттнэнь ютксо невтсь покш ёрокчи стихотворениянь ладсемасо.
Пингень перть, мезе ютксост аволь уле (эрьва семиясо аволь весемесь валанясто юты), Л.Г. Снегирева свал покш каштанчисэ аштесь мирдензэ ёроков сёрмадовкстнэнь коряс ды сонзэ покш путовксозо содавикс поэтэнть лемензэ а стувтомга куломадонзо мейлеяк.
Виде, те ульнесь мейле, зярс жо кавто ёроков од специалисттнэ – Николай ды Лидия Снегиревтне – тусть важодеме Орданьбуень районсо лисиця «Маяк» газетав. Сынст туртов сон ульнесь алкуксонь школакс, косо аволь ансяк, кода кортыть, толгаст седе пштикс теевсь, истя жо обуцясткак кемекставсь. Кода ледстнесь Лидия Григорьевна, сонензэ неть иетне, косо теинзе журналистикасо васенце эскельксэнзэ, косо вастовсь алкуксонь тевс тонавтыцянзо марто, ульнесть профессияс совавтомань пек питней шкакс. А мезть сёпомс, одсто минь прянок марятано ламонь содыцякс, эрьва мезень тееме маштыцякс...
Ансяк иетнень ютазь чарькодьсынек, кодат пенгеть керявлинек, бути маласонок авольть уле чарькодиця ды превс путыця покш ялганок. Истямо ломанекс Лидия Григорьевнань эрямосо, профессияс тонавтомасо ульнесь «Маяк» райгазетань редакторонь полавтыцясь, Ине Отечественной войнань участникесь, седеймариця тейтерь-авась Г.С. Наумова ды ламо лият, кить умок уш топавтсть журналистэнь а шожда тевенть.
Шкань ютазь Николай Снегиревонь эрямосо ульнесть покш полавтомат. Сонензэ мерсть улемс сестэ пек ловновиця «Молодой ленинец» газетань редакторокс, од журналистэнтень Лидия Снегиреванень муевсь тев «Центролит» заводонь «Литейщик» ламо тиражонь газетасо. Се шкась прась масторсонок тевтнень одс ладямонтень. Виде, те предприятиясонть важодицятнень ютксто ламот апак пеле (ламо иень перть чатьмонемадо мейле) видестэ ёвтасть мелест-арсемаст. Лидия Григорьевна жо весементь бажась невтемс истя, кода ульнесь, мезень кисэ аволь весть тердезель предприятиянь прявтонтень…
Комсьветее иеде икеле Мордовия Республикань Журналистэнь вейсэндявксонь инекужосо Лидия Григорьевна кочказель прявтокс. Комсте ламо иень перть сонзэ васень тевезэ ульнесь седе ламолгавтомс те вейсэндявксонтень совицятнень, лездамс одтнэнень сынст ушодкстнэнь топавтомасо, а стувтомс сетнень, кить пингест алтызь журналистэнь а шожда тевентень.
Комсь иеде икеле, Л.Г. Снегиревань пингстэ, МР-нь Журналистэнь вейсэндявксось, сестэ эштё МР-нь Печатень ды информациянь министерстванть, райгазетань редактортнэнь ассоциациянь ды районтнэнь администрациятнень марто вейсэ путозель ушодкс райононь прессань фестивальтненень. Икелепелев арсезель – сынст ютавтомс кода профессиональной кенярксчить «районкатнень» туртов. Сынь теевсть кенярксов вастовома таркакс кода республикань весе сёрмадыцятненень, истя жо сеть райононь эрицятненень, косо сон яла ютавтовсь.
Аволь аламо вийть путозельть фестивальтнень правительствань программас совавтомга, эдь эрявсь свал яжамс прянть, косто муемс ярмакт журналистэнь пелькстамотнень ды сонзэ перька ламо лия тевтнень топавтомантень.
Лидия Григорьевна маштсь ладямо ояксчинь сюлмот масторонь регионтнэсэ уликс журналистэнь вейсэндявкстнэнь марто. Миненек сакшность инжеть Чувашия, Марий Эл республикатнестэ, Пензань, Нижней Новгородонь, Рязанень ды Ульяновскоень областтнестэ.
Вейке истямо фестиваленть ютавтомсто Л.Г. Снегирева мерекшнесь:
– Стака чарькодемс, неть фестивальтне а кармить улеме минек эрямосо…
Те иень кизна васенцеде эзинек пурнавкшно истямо вастовомас. Педиця ормась, пандемиясь, ламо паро тевть яжась-пекстась.
Шкань ютазь Л.Г. Снегирева ушодсь важодеме Мордовия Республикань Государственной Собраниянь информационно-аналитической роботань отделэнь прявтонь полавтыцякс. Се шкане республикань законодательной органсонть республикань, Саранск ошонь ды райгазетатнень ютксо яволявтозель «Депутатось ды шкась» журналистэнь пелькстамось, конась мейле кармась лемдевеме «Законось ды властесь».
Лидия Григорьевна вейке таркасо эзь аште, эзь кадово ве ёнов Россиянь Журналистэнь вейсэндявксонть эйстэ. Кодат бу тонавтнемат, семинарт авольть уле масторлангонь келес, сон бажась эрьва ков кучомс минек журналисттнэнь. Виде, умок те весе ульнесь, ялатеке кадовсть ломантнень ледстнематнес, пингень перть сынь а стувтовить. Истя, минек Журналистэнь вейсэндявксонтень совицятне пачколесть мик Америкав, ульнесть Нижний Новгород, Пермь, Рязань ды Новочебоксарск оштнесэ. А лововияк зяроксть республикань ды райгазетань журналисттнэ ульнесть эрьва кодамо тонавтнемасо масторонь прявт ошсо – Московсо. 2003 иестэ саезь эрьва иестэ Дагомыс ошсо – Весероссиянь прессань фестивальсэ.
Лидия Григорьевна МР-нь Журналистэнь вейсэндявксонтень ламо совавтсь стувтозь таштодонть, эдь сонензэ савсь неемс ды тонавтнемс советско-партийной важодема лувонть эйстэ. Сон мельспаросо вельмевтинзе «летучкатнень», ансяк сынст лемдинзе семинарокс, конат ютавтозельть кочказь темань коряс ды публикациятнень домкасто ванкшнозь. Теемест тердезельть Н.П. Огарёв лемсэ государственной университетэнь региональной журналистикань кафедрань тонавтыцятне: В.И. Антонова, Л.А. Поелуева, Ю.А. Мишанин.
Те сонзэ ушодксонзо коряс республикань, Саранск ошонь ды райгазетань лопатнесэ седе парсте экономикань теманть панжомга, домка публикациянь анокстамга Мордовияв тердезельть мастер-классонь ютавтомо Нижегородской «Биржа+карьера» газетань редакторось Ирина Панченко ды Равчирень Журналистэнь вейсэндявксонь координаторось Наталья Скворцова. Те шкас сёрмадейтне эзизь стувто, кода неть тонавтнематне ютавтовсть «Норов» Агрофирмасо, сонзэ прявтонть Д.А. Поздняковонь лезксэнзэ вельде.
Сонзэ туртов меельце инекужосонть, косо тейсь отчёт, мерекшнесь: журналисттнэнь зарплатаст паро, ансяк сон вишкине. Нать, секс тейтерь-авась бажась ютавтомс седе ламо мелень витиця тевть. Невтемакс, МР-нь Журналистэнь вейсэндявксось вейсэ МР-нь Печатень ды информациянь министерстванть марто ютавтокшность журналистэнь династиянь чокшне. Самай сестэ редявсь, ламот те профессиясонть важодить семиянек. Эйкакштне поладыть тетяст-аваст тевенть…
Мезесь каявсь сельмс, Лидия Григорьевна вейсэндясь перьканзо ломантнень, аволь ансяк журналистэнь диплом мартотнень, сон совавтсь минек вейсэндявксонтень весень, кинь ульнесь ёрокчизэ сёрмадома тевсэнть: вузонь тонавтыцят ды тонавтницят, историкть, юристт, биологт ды ламо лия тевень теицят, кить эзть неень эрямост апак сёрмадо, кить кандсть газетатнес седеест пачк нолдазь сёрмадозенть.
Масторонть ды республиканть туртов стака шкастонть (перестройкань иетнестэ) Л.Г. Снегиревань арсеманзо коряс теезель ды нолдазель тейтерь-аватнень ды семиятнень туртов «Сударыня» газетась, конась ней уш кадовсь историяс.
Лидия Григорьевнань ламо казнетнень ютксо: «МР-нь культурань заслуженной роботник» почетонь лемесь.
Сон казезь Мордовия Республикань Почетной грамотасо, Россиянь Журналистэнь вейсэндявксонь Почетной грамотасо, Россиянь Журналистэнь знаксо ды ламо лия казнесэ.
Л.Г. Снегирева сонсь ульнесь ёроков сёрмадыця, панжадо седей, ванькс ойме ломань ды неть ёнкстнэнь маштсь редямо лия ломантнень эйстэяк. Лемезэ зярдояк а нардави сёрмадейтнень ютксто, свал кадови ледстнематнес, кода а стувтовияк Саранск ошонь куншкакуросо эрзя-мокшонь печатень 100 иетненень журналистэнь аллеянь озавтомась ды те датантень «Пресса Мордовии: вековая летопись родного края» книгань нолдамось, косо сонзэяк покш путовксозо.
Валентина Юдина,
Россиянь Журналистэнь
вейсэндявксонь член.
Нейгак сельмень икеле: ушосо теле, минь тешкстатано Россиянь Печатень кенярксчинть. Республикань Кудосо торжественной пельксэнть ютамодо мейле весе сыргинек Н.П. Огарёв лемсэ госуниверситетэнь столовоев. Тосо, вейсэ вейке курос пурнавомадо мейле, Кадошкинань райгазетань прявт редакторось казсь Л.Г. Снегиреванень цецянь покш пусмо, тень, келя, тонеть кучизе «Мир цветов» Кадошкинасо уликс предприятиянь коллективесь. Кода бу теевель юткстонок малав эрьвась? Саевлизе кудов. Одтнэнь ютксто ламот кармавольть мартонзо снимсеме. Лидия Григорьевна жо саизе пусмонть ды сюкпрянь валтнэнь ёвтамодо мейле весе цецятнень явшинзе минек ланга, эстензэ вейкеяк эзь кадо.
Лидия Григорьевнань чачома-касома ёнксозо – Курской областень Ивня райононь куншкакурось. Самай те таркасонть Ине Отечественной войнань шкасто ульнесть ятонть каршо пси тюрематне. Кода содатано историясто, тосонь эрицятненьгак покш лезксэст Ине Изнямонть малавгавтомасо. Вейкесь юткстост ульнесь Лидия Григорьевнань авазо, Антонина Сергеевна, эштё од тейтерькакс важодемань фронтсоль. Л.Г. Снегирева аволь весть тенек ёвтнекшнесь, кодамо а пелицякс ды эрьва тевсэ чарькодицякс ульнесь авазо. Нать, а стяко сонзэ прявтсо отрядонтень малав сядо ломанть вейсэндявкшность. Лангозост путозель пек стака тев: леднематнень лангс апак вано, эрявсь теемс чугункань ки.
Антонина Сергеевнань васенце мирдезэ, К.Н. Хлудеев, истя жо ютась войнань толонть пачк, косо пек лавшомсь шумбрачизэ, ды орматнеде а шкастонзо кулось. Шкань ютазь Пазось тензэ макссь уцяска, сон лиссь мирденень Чаунза ёнксонь эрзянь цёранть, тевензэ парсте содыця агрономонть экшс. Те ульнесь Лидия Григорьевнань тетязо – Григорий Семёнович Сыркин.
Тешкстасынек, авазо эрясь кувака пинге ды свал, ков сатотсть виензэ, лездась тейтеренстэнь.
Журналистэнь тевентень Лидия Снегирева (сестэ эштё Сыркина) бажась эйкакшпингстэ: школасо тонавтнемстэ сонзэ сочинениятне сёрмадозельть ансяк «ветес», тень кувалма школанть прядомадо мейле сонензэ а стакаль понгомс тонавтнеме Мордовиянь Н.П. Огарёв лемсэ государственной университетэнь филологиянь факультетс. Истя, 1967-1972 иетне сонзэ туртов пек уцяскавольть аволь ансяк ламо содамочинь пурнамонь, эштё эрямонь покш тевень коряскак. Эдь самай те шкастонть, студенткакс улемстэ теевсь содавиксэкс вечкевиксэнзэ ды сы шкань мирдензэ Николай Снегирев марто, кие уш сестэ од поэттнэнь ютксо невтсь покш ёрокчи стихотворениянь ладсемасо.
Пингень перть, мезе ютксост аволь уле (эрьва семиясо аволь весемесь валанясто юты), Л.Г. Снегирева свал покш каштанчисэ аштесь мирдензэ ёроков сёрмадовкстнэнь коряс ды сонзэ покш путовксозо содавикс поэтэнть лемензэ а стувтомга куломадонзо мейлеяк.
Виде, те ульнесь мейле, зярс жо кавто ёроков од специалисттнэ – Николай ды Лидия Снегиревтне – тусть важодеме Орданьбуень районсо лисиця «Маяк» газетав. Сынст туртов сон ульнесь алкуксонь школакс, косо аволь ансяк, кода кортыть, толгаст седе пштикс теевсь, истя жо обуцясткак кемекставсь. Кода ледстнесь Лидия Григорьевна, сонензэ неть иетне, косо теинзе журналистикасо васенце эскельксэнзэ, косо вастовсь алкуксонь тевс тонавтыцянзо марто, ульнесть профессияс совавтомань пек питней шкакс. А мезть сёпомс, одсто минь прянок марятано ламонь содыцякс, эрьва мезень тееме маштыцякс...
Ансяк иетнень ютазь чарькодьсынек, кодат пенгеть керявлинек, бути маласонок авольть уле чарькодиця ды превс путыця покш ялганок. Истямо ломанекс Лидия Григорьевнань эрямосо, профессияс тонавтомасо ульнесь «Маяк» райгазетань редакторонь полавтыцясь, Ине Отечественной войнань участникесь, седеймариця тейтерь-авась Г.С. Наумова ды ламо лият, кить умок уш топавтсть журналистэнь а шожда тевенть.
Шкань ютазь Николай Снегиревонь эрямосо ульнесть покш полавтомат. Сонензэ мерсть улемс сестэ пек ловновиця «Молодой ленинец» газетань редакторокс, од журналистэнтень Лидия Снегиреванень муевсь тев «Центролит» заводонь «Литейщик» ламо тиражонь газетасо. Се шкась прась масторсонок тевтнень одс ладямонтень. Виде, те предприятиясонть важодицятнень ютксто ламот апак пеле (ламо иень перть чатьмонемадо мейле) видестэ ёвтасть мелест-арсемаст. Лидия Григорьевна жо весементь бажась невтемс истя, кода ульнесь, мезень кисэ аволь весть тердезель предприятиянь прявтонтень…
Комсьветее иеде икеле Мордовия Республикань Журналистэнь вейсэндявксонь инекужосо Лидия Григорьевна кочказель прявтокс. Комсте ламо иень перть сонзэ васень тевезэ ульнесь седе ламолгавтомс те вейсэндявксонтень совицятнень, лездамс одтнэнень сынст ушодкстнэнь топавтомасо, а стувтомс сетнень, кить пингест алтызь журналистэнь а шожда тевентень.
Комсь иеде икеле, Л.Г. Снегиревань пингстэ, МР-нь Журналистэнь вейсэндявксось, сестэ эштё МР-нь Печатень ды информациянь министерстванть, райгазетань редактортнэнь ассоциациянь ды районтнэнь администрациятнень марто вейсэ путозель ушодкс райононь прессань фестивальтненень. Икелепелев арсезель – сынст ютавтомс кода профессиональной кенярксчить «районкатнень» туртов. Сынь теевсть кенярксов вастовома таркакс кода республикань весе сёрмадыцятненень, истя жо сеть райононь эрицятненень, косо сон яла ютавтовсь.
Аволь аламо вийть путозельть фестивальтнень правительствань программас совавтомга, эдь эрявсь свал яжамс прянть, косто муемс ярмакт журналистэнь пелькстамотнень ды сонзэ перька ламо лия тевтнень топавтомантень.
Лидия Григорьевна маштсь ладямо ояксчинь сюлмот масторонь регионтнэсэ уликс журналистэнь вейсэндявкстнэнь марто. Миненек сакшность инжеть Чувашия, Марий Эл республикатнестэ, Пензань, Нижней Новгородонь, Рязанень ды Ульяновскоень областтнестэ.
Вейке истямо фестиваленть ютавтомсто Л.Г. Снегирева мерекшнесь:
– Стака чарькодемс, неть фестивальтне а кармить улеме минек эрямосо…
Те иень кизна васенцеде эзинек пурнавкшно истямо вастовомас. Педиця ормась, пандемиясь, ламо паро тевть яжась-пекстась.
Шкань ютазь Л.Г. Снегирева ушодсь важодеме Мордовия Республикань Государственной Собраниянь информационно-аналитической роботань отделэнь прявтонь полавтыцякс. Се шкане республикань законодательной органсонть республикань, Саранск ошонь ды райгазетатнень ютксо яволявтозель «Депутатось ды шкась» журналистэнь пелькстамось, конась мейле кармась лемдевеме «Законось ды властесь».
Лидия Григорьевна вейке таркасо эзь аште, эзь кадово ве ёнов Россиянь Журналистэнь вейсэндявксонть эйстэ. Кодат бу тонавтнемат, семинарт авольть уле масторлангонь келес, сон бажась эрьва ков кучомс минек журналисттнэнь. Виде, умок те весе ульнесь, ялатеке кадовсть ломантнень ледстнематнес, пингень перть сынь а стувтовить. Истя, минек Журналистэнь вейсэндявксонтень совицятне пачколесть мик Америкав, ульнесть Нижний Новгород, Пермь, Рязань ды Новочебоксарск оштнесэ. А лововияк зяроксть республикань ды райгазетань журналисттнэ ульнесть эрьва кодамо тонавтнемасо масторонь прявт ошсо – Московсо. 2003 иестэ саезь эрьва иестэ Дагомыс ошсо – Весероссиянь прессань фестивальсэ.
Лидия Григорьевна МР-нь Журналистэнь вейсэндявксонтень ламо совавтсь стувтозь таштодонть, эдь сонензэ савсь неемс ды тонавтнемс советско-партийной важодема лувонть эйстэ. Сон мельспаросо вельмевтинзе «летучкатнень», ансяк сынст лемдинзе семинарокс, конат ютавтозельть кочказь темань коряс ды публикациятнень домкасто ванкшнозь. Теемест тердезельть Н.П. Огарёв лемсэ государственной университетэнь региональной журналистикань кафедрань тонавтыцятне: В.И. Антонова, Л.А. Поелуева, Ю.А. Мишанин.
Те сонзэ ушодксонзо коряс республикань, Саранск ошонь ды райгазетань лопатнесэ седе парсте экономикань теманть панжомга, домка публикациянь анокстамга Мордовияв тердезельть мастер-классонь ютавтомо Нижегородской «Биржа+карьера» газетань редакторось Ирина Панченко ды Равчирень Журналистэнь вейсэндявксонь координаторось Наталья Скворцова. Те шкас сёрмадейтне эзизь стувто, кода неть тонавтнематне ютавтовсть «Норов» Агрофирмасо, сонзэ прявтонть Д.А. Поздняковонь лезксэнзэ вельде.
Сонзэ туртов меельце инекужосонть, косо тейсь отчёт, мерекшнесь: журналисттнэнь зарплатаст паро, ансяк сон вишкине. Нать, секс тейтерь-авась бажась ютавтомс седе ламо мелень витиця тевть. Невтемакс, МР-нь Журналистэнь вейсэндявксось вейсэ МР-нь Печатень ды информациянь министерстванть марто ютавтокшность журналистэнь династиянь чокшне. Самай сестэ редявсь, ламот те профессиясонть важодить семиянек. Эйкакштне поладыть тетяст-аваст тевенть…
Мезесь каявсь сельмс, Лидия Григорьевна вейсэндясь перьканзо ломантнень, аволь ансяк журналистэнь диплом мартотнень, сон совавтсь минек вейсэндявксонтень весень, кинь ульнесь ёрокчизэ сёрмадома тевсэнть: вузонь тонавтыцят ды тонавтницят, историкть, юристт, биологт ды ламо лия тевень теицят, кить эзть неень эрямост апак сёрмадо, кить кандсть газетатнес седеест пачк нолдазь сёрмадозенть.
Масторонть ды республиканть туртов стака шкастонть (перестройкань иетнестэ) Л.Г. Снегиревань арсеманзо коряс теезель ды нолдазель тейтерь-аватнень ды семиятнень туртов «Сударыня» газетась, конась ней уш кадовсь историяс.
Лидия Григорьевнань ламо казнетнень ютксо: «МР-нь культурань заслуженной роботник» почетонь лемесь.
Сон казезь Мордовия Республикань Почетной грамотасо, Россиянь Журналистэнь вейсэндявксонь Почетной грамотасо, Россиянь Журналистэнь знаксо ды ламо лия казнесэ.
Л.Г. Снегирева сонсь ульнесь ёроков сёрмадыця, панжадо седей, ванькс ойме ломань ды неть ёнкстнэнь маштсь редямо лия ломантнень эйстэяк. Лемезэ зярдояк а нардави сёрмадейтнень ютксто, свал кадови ледстнематнес, кода а стувтовияк Саранск ошонь куншкакуросо эрзя-мокшонь печатень 100 иетненень журналистэнь аллеянь озавтомась ды те датантень «Пресса Мордовии: вековая летопись родного края» книгань нолдамось, косо сонзэяк покш путовксозо.
Валентина Юдина,
Россиянь Журналистэнь
вейсэндявксонь член.