Неть читнестэ «Мордовское землячество» МРОО-нтень совицятнень вийсэ пачтязель гуманитарной лезкс минек ёнксонь цёратненень, конатне неень шкасто кандыть службаст специальной военной операциясонть Луганской Народной Республикань Лисичанск ошонть маласо.
Сталмонть парсте пачтямонзо мельга вансь РФ-нь Президентэнть юрсо Мордовия Республикань Постоянной представительствань социальной ёнксонь ды общественностенть марто сюлмотнень коряс отделэнь прявтось Алексей Бут.
«Россиянь од регионов минек волонтёртнэнь те уш аволь васенце ардтнема. Од ломантне пек кецясть гуманитарной лезксэнтень. Каршонок тюри пек кежей ят. Ды минек долгонок, кода Россиянь гражданинтнэнь, Мордовиясо чачозтнень – лездамс минек ёнксонь цёратненень. Пурназенть лангс а лоткатано ды таго ушодтано боецтнэнень эрявикс од ули-паронь пурнамо», – мерсь Алексей Бут.