Неень шкасто фронтонтень эряви лездамс эрьвантень. Меельце ковтнень перть «Атемарская» птицефабрикась кучсь Россиянь военнойтненень гуманитарной лезкс малав 1 млн целковойс.

Неть читнестэ СВО-нь зонав минек цёратненень пачтязель УАЗ-451 транспортось. Машинась ютась технической обслуживания, ардови эрьва кува, мартонзо улить запасной чарыть. Автомобилесь рамазь предприятиянть ярмаконзо лангс.

Птицефабрикась кучсь передовойс ормаменькст, ярсамопельть, лембе оршамопельть, удомс кескавт, тепловизор, генератор, бензопилат, газонь баллонт, военной техникантень запчасть. Гуманитарной лезкстэнть башка машинась фронтов усксь боецтнэнень посылкат. Кудосто кучозь истят казнетне пек кецявтыть цёратнень. Кадык содыть, кудосо сынст пек учить, весе кемтяно, изнямось карми минек!