“Россиянь студентэнь отрядттнэ” весероссиянь общественной вейсэндявксонь Мордовиянь региональной отделениянь прявтось Кирилл Бабаков Россиянь Президентэнь Кочкамотнес сазь ледстизе, вайгелень максомо яки эйкакш шкасто саезь. Вишкинестэ якиль аванзо-тетянзо, покштянзо-бабанзо марто. Течи жо сон сонсь кочкиця ды эсь вайгелензэ максызе 512-це участкасонть, конась важоди 43-це лицейсэ.
- Зярдо ульнинь вишкине, авань свал кевкстнинь: кинь кисэ максыть вайгелест, кода теемс виде кочкамонть, - ёвтни Кирилл Бабаков. - Течи мон монськак ёвтаса, мекс эряви якамс Кочкамотнес, кода кочкан эсь кандидатонть, конанень максан вайгелем. Теян тень сень лангс ванозь, кодамкс бажан неемс эсь сы шканть. Ды, эряви меремс, Мордовиянь од ломантне свал якить кочкамотнес ды ёвтыть эсь меленть. Кочкамотнес весе ютыть покш мельсэ. Эдь минек туртов пек эрявикс, кодамо карми минек сы шканок.
Фотось саезь "Известия Мордовии" газетань сайтсто