Теевезь коень коряс од иень васенце ковстонть Республикань эйкакшонь ды од ломанень «Надежда» социальной приютсо ютавтневи те учреждениянь Попечителень советэнь промксось. Сон ветявсь очной-заочной лувсо.
Неень важодемасонть ульнесь Мордовия Республикань Эйкакштнень праваст коряс уполномоченноесь Наталья Евгеньевна Юткина. Васняяк пурнавозтненень шумбракстнемань вал марто пшкадсь «Надежда» приютонь Попечителень советэнь прявтось Мария Григорьевна Лушенкова.
Те промкссонть кортамось мольсь ютазь иестэ Советэнть вийсэ теезденть, приютсо коронавирусонь педиця орманть а нолдамга профилактикань башка мероприятиятнень ютавтомадо. Башка мель явозель 2022 иестэ важодемань аравтлувонть кемекстамонтень, конась сюлмави «Эйкакшпингень кемень иеть» программанть марто. Сонзэ коряс мероприятиятне эрямос совавтовить 2027 иенть самс. Истя жо мольсь кортамо тедеде яволявтозь Россиянь раськетнень культурань сюпавчист ды народной искусствань иенть коряс.
Попечителень советс совицятненень пачтясть тосо эрицятненень лездыцятнень кочкамодо, онлайн од практикатнень ютавтомадо, эйкакштнень обществасо эсь таркаст муемадо.
Социальной услугатнень максомаст коряс ванкшноматне (анкетированиятне), сынст итогтнень теемась невтизе, 2020 иестэ тешкстазесь весе топавтозь. Теде башка, учреждениясь парсте ды тевень содазь максы социальной услугат.
Промксонть ютамодо мейле приютсо эрицятне невтсть Роштовантень анокстазь концерт. «Надежда» приютсо те кенярксчинтень свал анокстыть парсте ды мелень путозь. Эдь те кенярксчистэнть сыненст свал сакшныть инжеть, конат кандыть ды кучить тенст казнеть, топавтыть эйкакштнень мелест.
Кода свал, эрьва кодамо тюссо мазылгавтозель залось: толнэть, конёвсто теезь ангелт – весемесь витсь ёжонть, казсь сэтьмечи ды парочи.
Те чистэнть, Попечителень советс совицятнеде башка, эйкакштненень сакшность сынст духовной наставникест, священнослужительтне о.Павел ды о.Виталий. Сынь аволь ансяк лембе валт ды паронь арсемат ёвтасть тосо эрицятненень, истя жо эйкакштнень кенярдовтызь казнесэ.
Ламо лембе валт те чистэнть приютсо эрицятнень ды важодицятнень лемс ёвтасть Попечителень советэнь прявтось Мария Григорьевна Лушенкова ды МР-со Эйкакштнень праваст коряс уполномоченноесь Наталья Евгеньевна Юткина. Истят вастовоматне кадовить кувать шкань ледстнемакс эйкакштнень седейтнесэ.
Валентина ЮДИНА
Те промкссонть кортамось мольсь ютазь иестэ Советэнть вийсэ теезденть, приютсо коронавирусонь педиця орманть а нолдамга профилактикань башка мероприятиятнень ютавтомадо. Башка мель явозель 2022 иестэ важодемань аравтлувонть кемекстамонтень, конась сюлмави «Эйкакшпингень кемень иеть» программанть марто. Сонзэ коряс мероприятиятне эрямос совавтовить 2027 иенть самс. Истя жо мольсь кортамо тедеде яволявтозь Россиянь раськетнень культурань сюпавчист ды народной искусствань иенть коряс.
Попечителень советс совицятненень пачтясть тосо эрицятненень лездыцятнень кочкамодо, онлайн од практикатнень ютавтомадо, эйкакштнень обществасо эсь таркаст муемадо.
Социальной услугатнень максомаст коряс ванкшноматне (анкетированиятне), сынст итогтнень теемась невтизе, 2020 иестэ тешкстазесь весе топавтозь. Теде башка, учреждениясь парсте ды тевень содазь максы социальной услугат.
Промксонть ютамодо мейле приютсо эрицятне невтсть Роштовантень анокстазь концерт. «Надежда» приютсо те кенярксчинтень свал анокстыть парсте ды мелень путозь. Эдь те кенярксчистэнть сыненст свал сакшныть инжеть, конат кандыть ды кучить тенст казнеть, топавтыть эйкакштнень мелест.
Кода свал, эрьва кодамо тюссо мазылгавтозель залось: толнэть, конёвсто теезь ангелт – весемесь витсь ёжонть, казсь сэтьмечи ды парочи.
Те чистэнть, Попечителень советс совицятнеде башка, эйкакштненень сакшность сынст духовной наставникест, священнослужительтне о.Павел ды о.Виталий. Сынь аволь ансяк лембе валт ды паронь арсемат ёвтасть тосо эрицятненень, истя жо эйкакштнень кенярдовтызь казнесэ.
Ламо лембе валт те чистэнть приютсо эрицятнень ды важодицятнень лемс ёвтасть Попечителень советэнь прявтось Мария Григорьевна Лушенкова ды МР-со Эйкакштнень праваст коряс уполномоченноесь Наталья Евгеньевна Юткина. Истят вастовоматне кадовить кувать шкань ледстнемакс эйкакштнень седейтнесэ.
Валентина ЮДИНА