Рузаевкань районга Россиянь ОМВД-сь ютавты ванкшнома манчемань коряс. Маниксэлизь 71 иесэ аванть. Кода сон ёвтнесь, чить телефонозонзо гайневтсь ава-ломань, кона авардезь мерсь, келя, сон – сонзэ тейтерезэ, ды пачтясь, эйсэнзэ чумондыть килангсо лисезь авариясонть, конантень понгозентень эряви пандомс 800 тёжат целковойть, бути а пандсынзе, панжить уголовной тев.

Теде мейле трубканть сеске саизе цёра, сон яволявтызе прянзо полициясо важодицякс. Кармавтсь ярмактнень максомс ломаннень, кона сы кудозонзо. Авась эзь кемезеве гайневтицятненень ды путызе трубканть.

Полицейскойтненень сон мерсь, аволь весть марсесь истят тевтнеде-валтнэде, теде кортасть полициянь участковойтне, конат ютавтсть эрицятнень марто профилактической кортамот дистанционной манчицятнеде. Секскак авась сеске чарькодсь – гайневтсть манчицят.

Неень шкасто вешневить, кить гайневтсть.

МР-ва МВД-нь важодицятне кармавтыть республикань эрицятненень а кемемс гайневтицятненен, бути номерэсь а содавикс, а сайнемс телефононть. Кортадо теде малавиксэнк марто, кадык а понгить манчицятнень кедьс. Сеедьстэ манявить сыре ломантне, конат кемить эрьва валонтень.