2025 иень декабрясто Мордовиянь внутренней тевень органтнэс ярмаконь саламодо пшкалесть малав 130 эрицят, конатнень кедьстэ салазельть малав 52 миллионт целковоест.
Манчемань сехте сеедьстэ вастневиця схематне: ярмактнень аволь санкционированной саламодонть ванстомась седе тов сынст буто бу резервной счетс путомаст ды а содавикс ломантнень вельде региононь эрицятнень лангс кредитэнь саемась. Истямо лувсо ведьгеменде ламо ломантнень кедьстэ салазельть 48 миллионт целковойть. 9 ломантне аферисттнэнень кучсть малав 1,6 млн целковойть буто бу ярмаконь инвестировамга.
11 зыянс понгозтне малав 1 миллион целковойть емавтсть питневтеме яволявтомань максомань сайтсто, социальной сетьстэ, содавикс маркетплейсэнь платформасто товаронь миемстэ ды рамамсто.
Весемезэ 2025 иестэ мошенниктнень манчемаст алов понгокшность республикань 1200 эрицят, конатнень кедьстэ чукадизь малав 500 млн целковоест.
Мордовия Республикава МВД-сь тагояк мельс ледстявты эрицятненень: бути тенк гайгстыть ломанть ды евтыть пряст банконь эли полициянь сотрудникекс – одс гайгстадо финансовой организациянь ды правоохранительной органонь официальной номертнэва.
Зярдояк икелепелев илядо кучне ярмакт товаронь кис, ды истя жо киненьгак илинк евтне банконь картань целанек реквизиттнэнь, PIN-кодонть, CVC/CVV-кодтнэнь ды операциятнень кемекстамга весть максовиця парольтнень. Тынк туртов ярмаконь кучомга эряви ансяк банконь картань номерэнк. Ванодо пштистэ ды икелепелев кортнеде сыре малавиксэнк марто.