Тонавтыцянь чи – истямо валдо ды лембе кенярксчи. Эрьвась эйстэнек ледстни тонавтыцянзо, уроктнень, се шканть, конась ютась школасо. Те чистэнть эйкакштне казить тонавтыцяст туртов цецят, ёвтыть ламо лембе валт, невтить концертт. Истямо валдокс эрси те чись Валентина Михайловна Гудковань туртовгак. Сон 26 иень перть важоди тонавтыцякс.
Вети Саранскоень 38№ школасо англань кель. Ули меленек содавтомс ловныцятнень те тонавтыцянть марто.
Валентина Гудкова чачсь Саранскойсэ. Тонавтнесь 5 № школасо. Кода ледстни ней, школасо сехте вечкевикс предметэзэ ульнесь англань келесь. Кода-бути сеске саевсь тензэ те омбо масторонь келесь, чарькодевсь, тусь мельс. Келенть ветясь Муза Матвеевна. Вана истямо чуросто вастневиця ульнесь лемезэ. Сон умок уш арась ютксонок, Валентина Михайловна сеедьстэ эйсэнзэ ледстни ансяк паро валсо, мери, минь мартонзо уроконь перть кортылинек англань кельсэ.
Школанть прядомадо мейле В.М. Гудкова мольсь тонавтнеме М.Е. Евсевьев лемсэ МГПИ-нь (ней – МГПУ) омбо масторонь келень факультетэв. Тесэяк тонавтнемась вечкевсь ды тунь эзь маряво стакакс. Тонавтнесь парсте, вузонть прядызе «ветес».
– Пединститутонть прядомадо мейле сеске карминь роботамо 38№ школасо. Те ульнесь 1996 ие. Минек школась лововсь республикасонок сехте покш школакс. Важодинек колмо сменасо. Эйкакштнеде пек ламольть. Монень макссть 5-це «И» класс, мельган «К» класскак ульнесь. Мон сылинь школав валскень 8 чассто ды туилинь кудов чокшнень 8 чассто. Теде башка, эрявсь ванномс тетрадтнень, анокстамс сыця уроктнес. Ульнинек одт, стакакс тенек се шкась эзь маряво. Минь мельспаросо чиинек школав, кастынек ды тонавтынек эйкакштнень. Вана кортыть ламот, эйкакштне ней лият. Бути вечкат эйкакштнень – кодаткак явовкст а неят. Ней эряви ютамс шканть марто вейсэ, улемс паро психологокс. Икеле, нама, седе ламо кортылинек сельмеде сельмес, ней сась Интернетэнь шкась, паряк, теньсэ тевесь, полавтоматнесэ, – корты тонавтыцясь.
Валентина Михайловна ёвтни эйкакштненень, омбо масторонь келесь – минек туртов аволь тиринь кель. Минь а эрятано те келенть потсо, перьканок а кортыть англакс, а марятано сонзэ. Секскак, васенце шкастонть маряви стака тонавтнемс. Теде а эряви тандалемс. Эйкакштнень эряви кармавтомс, лиякс меремс, аламодо тулкадемс. Мейле тевесь сырги. Валентина Михайловна бажи важодемс весе классонть марто, а яви киньгак. Бути кие парсте невти прянзо – терди пелькстамс олимпиадасо.
Нейгак сынст школась покш, тесэ тонавтнить тёжадо ламо эйкакшт. Англань келесь ветяви 2-це классто саезь 11-це классос. Недлязонзо колмоксть. Валентина Михайловнань эрьва чи сисем урокт, вети 7 «В» классонть. А уш зяро выпусконзо ульнесть, а лововитькак. Вишка класстнэсэ, чарькодеви, ламо налксемат. Васняяк, тонавтнить гайттнень, кода видестэ сынст ёвтамс, тонавтнить морынеть, скороговоркат. 5-це классо тонавтнить ламо валт, явить мель лексикантень ды грамматикантень. 7-це классто саезь варчнить кортамс, тонавтнить текстт, ёвтнить. Теде башка, теить эрьва кодат упражненият, сёрмадыть диктантт, сочиненият, арсить мельстуиця проектт. Ванныть фильмат ды мультфильмат. Эйкакштнень марто важодемстэ свал эряви арсемс мезеяк од, явовольть мель келень тонавтнемантень. Весть вейке выпускникезэ мерсь (сон поладызе тонавтнеманзо техникумсо), кода а тукшны мелезэнзэ од тонавтнема таркасо омбо масторонь келень ветямось, мезеяк од арась, весементь сон уш содасы.
Мелят Валентина Михайловна нолдась 11-це класс. Прядыцятнень ютксо Таисия Начаркина англань келень ЕГЭ-нть кис пурнась 98 баллт! Тейтересь пек ламо важодсь школасо тонавтнемстэ. Лия тонавтницянть, Лиза Трошинань, 91 балл. Сон невтизе прянзо раськеютконь экзаменсэ, лиснесь призёрокс англань келень коряс республикань олимпиадасо. Эрьва ие Валентина Гудковань тонавтницянзо пелькстыть ошонь олимпиадатнесэ, косо лиснить призёрокс.
2005-2021 иетнестэ В. М. Гудкова школасост ульнесь омбо масторонь кельтнень кафедрань прявтокс. Лиякс меремс, ванкшнось омбо масторонь кельтнень тонавтыцятнень важодемаст, эдь весемезэ тесэ ветить кельть кавксо тонавтыцят.
Теде башка, ламо шкань перть Валентина Михайловна важодсь Н. П. Огарёв лемсэ МГУ-нь омбо масторонь келень факультетэнть марто педагогической практикань коряс. Вузонь студенттнэ ютасть кедьсэнзэ практика. Сон ульнесь кураторокс тенст, ламо эйсэст тонавтсь.
Эрьва ие 38 № школань прядыцятнень ютксто кавто-колмо ломанть поладыть тонавтнемаст омбо масторонь келень факультетсэ. Тедеде колмо выпускникензэ кочкизь истямо факультетэнть. Вейке тонавтницязо уш сонсь кармась ветямо англань кель 33 № школасо. Лисни, сон важоди а стяко.
Валентина Михайловнань сехте покш мелезэ – нолдамс эйкакштнень туртов англань келень учебник. Сонзэ ламо мелензэ-арсеманзо келень ветямонть коряс, бажи теемс келень тонавтнеманть седе чарькодевиксэкс, шождакс. Ламо иень перть важодезь, сон парсте неи: кода видестэ эряви ветямс. Весть сон натой вастневсь англань келень учебникень авторонть марто (сонзэ учебникенть коряс самай тонавты школасо). Сестэ ютась Пензасо курсат, тов сакшность автортнэ ды сынь ламо кортнесть вейсэнь тевдест-валдост.
Тонавтыцясь кирди ялгаксчи кинь марто вейсэ тонавтнесь вузсо. Малав весе сынь важодить школасо тонавтыцякс. Вастовомсто, нама, кортнить вейкеде – уроктнень ветямодо.
– Мон а виздян важодемам ды тевем кисэ. Тонавтницятне, кадык аламодо, ялатеке маштыть кортамо англань кельсэ. Свал тенст кортан, эряви кармавтомс пряудемтнень важодеме. Истя лиссь, тонавтницян ютксо ламо сеть, кить семиянек тонавтнесть кедьсэнь: саемга, тетясь, авась, ней уш сынст эйкакшост, ялаксост, сазорост ды седе тов, – ёвтни Гудкова.
– Валентина Михайловна, ёвтнеде семиядонк.
– Тетям-авам чачсть Орданьбуень Орозбие велесэ. Од шкане састь эрямо Саранскоев, тесэ мон чачиньгак, мейле – ялаксом. Тетям колмо курст тонавтнесь физикань-математикань факультетсэ, ансяк мейле савсь кадомс вузонть. Сон пек вечксь ды чарькодсь математиканть, вишкинестэ мартонок тейнесь урокт. Казахстансо якстере диплом марто прядсь столярной училища. Эрямонзо перть важодсь строительной управлениясо плотникекс, ульнесь сырнень кедь ломанекс, сэтьме, аволь покшкавтниця. Авам важодсь «Биохимик» заводсо. Косто монь эйсэ вельмесь англань келентень вечкемась, те шкас а содан. Эйкакшчистэ эрьва ие кизна ускилимизь Орозбиев, эринь покштянь-бабань кедьсэ. Покштям, Григорий Фёдорович Славкин, ульнесь Ине Отечественной войнань участникекс. Ламо ледстнесь войнадо, невтнесь медалензэ. Бабам сайниль эйсэнек, нуцькатнень, зярыя вайгельбень тарка церьковав. Велесэ вишкинестэ уш карминь содамо эрзянь келенть ды те шкас эзия стувто, чарькодян, кортнян. Мирдем служи полициясо, тейтерем тонавтни Медицинской институтсо. Юткошкасто эли каникуласто вечктяно ардтнеме лия ошов мазый таркатнень ванномо.
Валентина Михайловна – эсензэ ёнксонь ды тиринь масторонь алкуксонь патриот, тенень тонавты школасо эйкакштненьгак. Тешксты, неень шкане содамс омбо масторонь кельть – пек паро, эрявикс тевесь, ансяк васенце таркасо, нама, тиринь келень тонавтнемась ды минек масторонть вечкемась!
Тонавтыцянь чи марто, Валентина Михайловна! Кеме шумбрачи тенк, паро ды сэтьме эрямо! Кадык тонавтницятне уроктнесэ ансяк кецявтыть тынк, казить паро ёжо ды лембе!
Татьяна Маторкина
Валентина Гудкова чачсь Саранскойсэ. Тонавтнесь 5 № школасо. Кода ледстни ней, школасо сехте вечкевикс предметэзэ ульнесь англань келесь. Кода-бути сеске саевсь тензэ те омбо масторонь келесь, чарькодевсь, тусь мельс. Келенть ветясь Муза Матвеевна. Вана истямо чуросто вастневиця ульнесь лемезэ. Сон умок уш арась ютксонок, Валентина Михайловна сеедьстэ эйсэнзэ ледстни ансяк паро валсо, мери, минь мартонзо уроконь перть кортылинек англань кельсэ.
Школанть прядомадо мейле В.М. Гудкова мольсь тонавтнеме М.Е. Евсевьев лемсэ МГПИ-нь (ней – МГПУ) омбо масторонь келень факультетэв. Тесэяк тонавтнемась вечкевсь ды тунь эзь маряво стакакс. Тонавтнесь парсте, вузонть прядызе «ветес».
– Пединститутонть прядомадо мейле сеске карминь роботамо 38№ школасо. Те ульнесь 1996 ие. Минек школась лововсь республикасонок сехте покш школакс. Важодинек колмо сменасо. Эйкакштнеде пек ламольть. Монень макссть 5-це «И» класс, мельган «К» класскак ульнесь. Мон сылинь школав валскень 8 чассто ды туилинь кудов чокшнень 8 чассто. Теде башка, эрявсь ванномс тетрадтнень, анокстамс сыця уроктнес. Ульнинек одт, стакакс тенек се шкась эзь маряво. Минь мельспаросо чиинек школав, кастынек ды тонавтынек эйкакштнень. Вана кортыть ламот, эйкакштне ней лият. Бути вечкат эйкакштнень – кодаткак явовкст а неят. Ней эряви ютамс шканть марто вейсэ, улемс паро психологокс. Икеле, нама, седе ламо кортылинек сельмеде сельмес, ней сась Интернетэнь шкась, паряк, теньсэ тевесь, полавтоматнесэ, – корты тонавтыцясь.
Валентина Михайловна ёвтни эйкакштненень, омбо масторонь келесь – минек туртов аволь тиринь кель. Минь а эрятано те келенть потсо, перьканок а кортыть англакс, а марятано сонзэ. Секскак, васенце шкастонть маряви стака тонавтнемс. Теде а эряви тандалемс. Эйкакштнень эряви кармавтомс, лиякс меремс, аламодо тулкадемс. Мейле тевесь сырги. Валентина Михайловна бажи важодемс весе классонть марто, а яви киньгак. Бути кие парсте невти прянзо – терди пелькстамс олимпиадасо.
Нейгак сынст школась покш, тесэ тонавтнить тёжадо ламо эйкакшт. Англань келесь ветяви 2-це классто саезь 11-це классос. Недлязонзо колмоксть. Валентина Михайловнань эрьва чи сисем урокт, вети 7 «В» классонть. А уш зяро выпусконзо ульнесть, а лововитькак. Вишка класстнэсэ, чарькодеви, ламо налксемат. Васняяк, тонавтнить гайттнень, кода видестэ сынст ёвтамс, тонавтнить морынеть, скороговоркат. 5-це классо тонавтнить ламо валт, явить мель лексикантень ды грамматикантень. 7-це классто саезь варчнить кортамс, тонавтнить текстт, ёвтнить. Теде башка, теить эрьва кодат упражненият, сёрмадыть диктантт, сочиненият, арсить мельстуиця проектт. Ванныть фильмат ды мультфильмат. Эйкакштнень марто важодемстэ свал эряви арсемс мезеяк од, явовольть мель келень тонавтнемантень. Весть вейке выпускникезэ мерсь (сон поладызе тонавтнеманзо техникумсо), кода а тукшны мелезэнзэ од тонавтнема таркасо омбо масторонь келень ветямось, мезеяк од арась, весементь сон уш содасы.
Мелят Валентина Михайловна нолдась 11-це класс. Прядыцятнень ютксо Таисия Начаркина англань келень ЕГЭ-нть кис пурнась 98 баллт! Тейтересь пек ламо важодсь школасо тонавтнемстэ. Лия тонавтницянть, Лиза Трошинань, 91 балл. Сон невтизе прянзо раськеютконь экзаменсэ, лиснесь призёрокс англань келень коряс республикань олимпиадасо. Эрьва ие Валентина Гудковань тонавтницянзо пелькстыть ошонь олимпиадатнесэ, косо лиснить призёрокс.
2005-2021 иетнестэ В. М. Гудкова школасост ульнесь омбо масторонь кельтнень кафедрань прявтокс. Лиякс меремс, ванкшнось омбо масторонь кельтнень тонавтыцятнень важодемаст, эдь весемезэ тесэ ветить кельть кавксо тонавтыцят.
Теде башка, ламо шкань перть Валентина Михайловна важодсь Н. П. Огарёв лемсэ МГУ-нь омбо масторонь келень факультетэнть марто педагогической практикань коряс. Вузонь студенттнэ ютасть кедьсэнзэ практика. Сон ульнесь кураторокс тенст, ламо эйсэст тонавтсь.
Эрьва ие 38 № школань прядыцятнень ютксто кавто-колмо ломанть поладыть тонавтнемаст омбо масторонь келень факультетсэ. Тедеде колмо выпускникензэ кочкизь истямо факультетэнть. Вейке тонавтницязо уш сонсь кармась ветямо англань кель 33 № школасо. Лисни, сон важоди а стяко.
Валентина Михайловнань сехте покш мелезэ – нолдамс эйкакштнень туртов англань келень учебник. Сонзэ ламо мелензэ-арсеманзо келень ветямонть коряс, бажи теемс келень тонавтнеманть седе чарькодевиксэкс, шождакс. Ламо иень перть важодезь, сон парсте неи: кода видестэ эряви ветямс. Весть сон натой вастневсь англань келень учебникень авторонть марто (сонзэ учебникенть коряс самай тонавты школасо). Сестэ ютась Пензасо курсат, тов сакшность автортнэ ды сынь ламо кортнесть вейсэнь тевдест-валдост.
Тонавтыцясь кирди ялгаксчи кинь марто вейсэ тонавтнесь вузсо. Малав весе сынь важодить школасо тонавтыцякс. Вастовомсто, нама, кортнить вейкеде – уроктнень ветямодо.
– Мон а виздян важодемам ды тевем кисэ. Тонавтницятне, кадык аламодо, ялатеке маштыть кортамо англань кельсэ. Свал тенст кортан, эряви кармавтомс пряудемтнень важодеме. Истя лиссь, тонавтницян ютксо ламо сеть, кить семиянек тонавтнесть кедьсэнь: саемга, тетясь, авась, ней уш сынст эйкакшост, ялаксост, сазорост ды седе тов, – ёвтни Гудкова.
– Валентина Михайловна, ёвтнеде семиядонк.
– Тетям-авам чачсть Орданьбуень Орозбие велесэ. Од шкане састь эрямо Саранскоев, тесэ мон чачиньгак, мейле – ялаксом. Тетям колмо курст тонавтнесь физикань-математикань факультетсэ, ансяк мейле савсь кадомс вузонть. Сон пек вечксь ды чарькодсь математиканть, вишкинестэ мартонок тейнесь урокт. Казахстансо якстере диплом марто прядсь столярной училища. Эрямонзо перть важодсь строительной управлениясо плотникекс, ульнесь сырнень кедь ломанекс, сэтьме, аволь покшкавтниця. Авам важодсь «Биохимик» заводсо. Косто монь эйсэ вельмесь англань келентень вечкемась, те шкас а содан. Эйкакшчистэ эрьва ие кизна ускилимизь Орозбиев, эринь покштянь-бабань кедьсэ. Покштям, Григорий Фёдорович Славкин, ульнесь Ине Отечественной войнань участникекс. Ламо ледстнесь войнадо, невтнесь медалензэ. Бабам сайниль эйсэнек, нуцькатнень, зярыя вайгельбень тарка церьковав. Велесэ вишкинестэ уш карминь содамо эрзянь келенть ды те шкас эзия стувто, чарькодян, кортнян. Мирдем служи полициясо, тейтерем тонавтни Медицинской институтсо. Юткошкасто эли каникуласто вечктяно ардтнеме лия ошов мазый таркатнень ванномо.
Валентина Михайловна – эсензэ ёнксонь ды тиринь масторонь алкуксонь патриот, тенень тонавты школасо эйкакштненьгак. Тешксты, неень шкане содамс омбо масторонь кельть – пек паро, эрявикс тевесь, ансяк васенце таркасо, нама, тиринь келень тонавтнемась ды минек масторонть вечкемась!
Тонавтыцянь чи марто, Валентина Михайловна! Кеме шумбрачи тенк, паро ды сэтьме эрямо! Кадык тонавтницятне уроктнесэ ансяк кецявтыть тынк, казить паро ёжо ды лембе!
Татьяна Маторкина