Неть читнестэ Н. П. Огарёв лемсэ госуниверситетэнь Бахтин лемсэ научной библиотекань информационной центрасо панжовсь «Этнология права: от Саранска до Ванкувера» выставка. Сон алтавсь Юридической институтонь теориянь, государствань историянь ды правань кафедрань тонавтыцянть, профессоронть Юлия Николаевна Сушковань научной важодемантень.
Выставканть панжомась савсь сонзэ чачома чинтень. Юлия Николаевнань важодевкстнэнь марто содавиксэкс теевеме ды тензэ поздоровонь ёвтамо пурнавкшность республикань юридической сообществань представительть ды ветерант, Н. П. Огарёв лемсэ МГУ-нь тонавтыцят, Юридической институтонь студентт ды ламо лият. Вастовомась ютавтовсь кругловой столь лувсо.
ТЕЕВЕДЕ СОДАВИКСЭКС
Юлия Николаевна Сушкова (Мокшина) чачсь-кассь тонавтыцянь семиясо. Тетязо-авазо, Николай Фёдорович ды Александра Максимовна, аволь ансяк республикасо, сонзэ томбалеяк содавикс ломанть, кить эрямост алтызь наукантень. Сынь вейсэ ояксчисэ эрясть ведьгеменде ламо иеть, трясть-кастсть кавто превей тейтерть, конатне поладызь малавиксэст а шожда тевенть.
Юлия Сушкова 2001 иестэ прядызе Н. П. Огарёв лемсэ МГУ-нь юридической факультетэнть, кавто иень ютазь кармась исторической наукань докторокс, ламо иеть ульнесь Мордовиянь госуниверситетэнь юридической факультетэнь деканокс. 2009 иестэ саезь – «Этнос и право» журналонь главной редактор, 2013 иестэ саезь сови РФ-нь Финнэнь-угрань ассоциациянь Экспертэнь советс.
Елена ды Юлия Мокшинатне кармасть колмоце пингень тонавтыцякс. Покштяст, Ине Отечественной войнань участникесь Фёдор Захарович Мокшин, истя жо тонавтыцяль. Нижегородской госуниверситетэнь естественной факультетэнть прядомадо мейле важодсь биологиянь тонавтыцякс те областень Иванцевской средней школасо. Ине Отечественной войнанть ушодовомань васенце иестэнть саезель фронтов, маштовсь 1942 иестэ Ленинград ало. Бабазо Елена Артемьевна пингензэ алтызе медицинантень. Горьковской областень Лукояновской райононь Иванцево велесэ ульнесь чачтомань кудонь прявтокс. Стакачитнень лангс апак вано, сон трясь-кастсь ськамонзо ниле эйкакшт. Вейкесь юткстост – Николай Фёдорович, кона эсь мельганзо кадсь покш тешкс минек республикасо.
Николай Фёдорович куломадонзо мейлеяк кадсь ламо ледстнемат. Сон – историянь наукань доктор, профессор, РСФСР-нь культурань заслуженной важодиця, МР-нь наукань заслуженной деятель. Научной важодевксэнзэ кисэ Николай Мокшиннэнь максозь МР-нь Государственной премиянь лауреатонь, кавксть МР-нь Прявтонь Премиянь лауреатонь лемтне ды казнетне.
Вана истямо ёроков ды ламонь содамо бажиця, эсь ундокстнэнь ванстыця, лиятненень лездамо маштыця семиясо-раськесэ чачсь-кассь Юлия Сушкова.
Выставкасонть келейстэ невтевсть ламо книгат, научной важодевкст, конатнень сёрмадынзе Юлия Николаевна ськамонзо ды лия автор марто. Сынь тевс нолдавить Юридической институтонь студенттнэнь тонавтомасо, наукань важодевксэнь сёрмадомасо. Кода тешкстызь пурнавозтне, «Этнология права: от Саранска до Ванкувера» выставкась неень шкане седеяк пек эрявикс аволь ансяк минек республикасо, истя жо весе масторлангсонть.
Кода мерсь сонзэ панжомсто Юлия Сушкова, юридической антропологиянь ды правань этнологиянь кевкстематнень коряс сынь ветить важодема комсте ламо иень перть.
– Минь анокстынек аволь аламо научной важодевкст, тонавтнемань пособият, конатнень тевс нолдыть студенттнэ эсь ванкшноматнесэ-тонавтнематнесэ, – мерсь Юлия Николаевна. – Россиясо минь ульнинек васенцетнень ютксо, кить юридической антропологиянть совавтызь тонавтнемань аравтлувонтень. Тень тевс нолдатано башка лувсо, ней Н. П. Огарёв лемсэ МГУ-нь Юридической институтонь тонавтницятнень ули возможностест пурнамс седе домка содамочить.
Вастовомасонть кортамось ульнесь аволь ансяк теориядонть, истя жо практикань ёнкстнэде, сынь кеместэ сюлмавить Мордовиянть марто.
– Минь покш мель явтано финнэнь-угрань раськетненень, коень-правань культурантень, ков сови эрзянь-мокшонь раськеськак. Минь кепедтяно истят темат, кода Россиясо свалшкане эриця ломантнень правадост, ламо раськетнень миграциянь опыттэнть, мельс саинек XIX пингестэ эрзятнень-мокшотнень Канадав эрямо туемадост ды минек государственностенть кемекстамосо сынст покш путовкстост кортамонть, – мерсь Юлия Николаевна.
Тешкстасынек, Юлия Николаевна ламоксть лиснесь изницякс весероссиянь ды масторлангонь эрьва кодамо пелькстамотнесэ. Невтемакс, 2013 иестэ сонзэ лемесь ёвтазель Макарьевской премиянь номинантокс-изницякс. «Под небом Канады» книганть кисэ Юлия Сушкованень сестэ максозельть медаль ды диплом. Сонзэ сёрмадомсто ванкшнозельть ды тонавтнезельть ламо важодевкст. Ледстязель, сонсь авторось пурнась сюпав материал Канадасо (Британской Колумбия) экспедициянь шкастонть. Сестэ ванкшноматне ютавтозельть Н. П. Огарёв лемсэ МГУ-нть ды Британской Колумбиянь университетэнть юрсо. Тешкстасынек, Макарьевской премиянть кемекстызе Рузонь Православиянь Церьковань иерархось Макарий (Булгаков) митрополитэсь 1867 иестэ. Сон кармавтсь куломадонзо мейле максомс премият ёроков ломантненень, конат алтасызь пряст наукантень ды кармить домкасто ванкшномо историянть. Сынст юткс совась Юлия Сушковаяк. Казненть тензэ максызе Московонь ды весе Русень Патриархось Кирилл Россиянь Наукань академиясо.
Кода а ледстямс 2017 иенть, зярдо Н. П. Огарёв лемсэ МГУ-со Юлия Николаевнань ушодксонзо коряс ютавтовсь «Ромашкинэнь ловномат» весероссиянь научно-практической конференциясь, конась алтазель минек масторонь содавикс юристэнтень, Мордовиясо чачозентень Пётр Семёнович Ромашкинэнь лемензэ ледстямонтень. Сон – масторонь келес содавикс юрист, уголовной ды международной правань коряс ламо важодевксэнь автор. Эсь шкастонзо важодсь Мордовской АССР-сэ мировой судьякс ды кассь СССР-нь Наукань академиянь членэкс-корреспондентэкс.
Юлия Николаевна пачтясь, Пётр Семёнович чачсь Покш Березникень райононь Шугурова эрзянь велесэ, сокицянь-видицянь семиясо. Содамочинзэ, ёрокчинзэ ды бажамонзо вельде сон кармась содавикс учёноекс, юристэкс, СССР-нь РАН-нь Государствань ды правань институтонь прявтокс. Ромашкинэнь важодевкстнэнь смустест ды эрявиксчист эзть ёма течинь чис, сынст эрявить тонавтнемс неень юридической наукасонть. Кода юристэнть-практикенть, сонзэ покш путовксозо Нюрнбергской процессэнь материалтнэнь ванкшномасонть, 1977 иень Советской Конституциянть анокстамосонть.
Ю. Н. Сушкова ёвтнесь аволь ансяк П. С. Ромашкиндэ, истя жо эрзянь-мокшонь модань содавикс ламо лия ломантнеде. Ды аволь ансяк ёвтнесь, сон сынст ланга анокстась ды нолдась ламо важодевкст, конат кадовить ледстнемакс ламо пингес.
Вастовомасонть толковазь кевкстематнень ды выставканть коряс мелест-арсемаст ёвтызь Юридической институтонь деканось Олег Томилин, кафедрань прявтось Алексей Ерёмин, РФ-нь ды МР-нь заслуженной юристэсь, генерал-лейтенантось Павел Сенькин, МР-нь Верховной Судонь отставкасо судьясь Василий Мартышкин, книгоиздателесь Константин Шапкарин, МР-нь Правительстванть юрсо НИИ-нь этнографось Надежда Шкердина, «Мордовия» ГТРК-нь содавикс журналистэсь ды тонавтыцясь Александр Данильчев ды лият.
Декабрянь 22-це чистэ Юлия Сушкова тешкстызе чачома чинь юбилеензэ. Юлия Николаевнань лемс ёвтавсть ламо паронь арсемат. «Эрзянь правда» газетань коллективесь вейсэндяви неть поздоровтнес ды арси тензэ кеме шумбрачи, эрямосо уцяска ды весе арсезенть топавтома!
Валентина Юдина
ТЕЕВЕДЕ СОДАВИКСЭКС
Юлия Николаевна Сушкова (Мокшина) чачсь-кассь тонавтыцянь семиясо. Тетязо-авазо, Николай Фёдорович ды Александра Максимовна, аволь ансяк республикасо, сонзэ томбалеяк содавикс ломанть, кить эрямост алтызь наукантень. Сынь вейсэ ояксчисэ эрясть ведьгеменде ламо иеть, трясть-кастсть кавто превей тейтерть, конатне поладызь малавиксэст а шожда тевенть.
Юлия Сушкова 2001 иестэ прядызе Н. П. Огарёв лемсэ МГУ-нь юридической факультетэнть, кавто иень ютазь кармась исторической наукань докторокс, ламо иеть ульнесь Мордовиянь госуниверситетэнь юридической факультетэнь деканокс. 2009 иестэ саезь – «Этнос и право» журналонь главной редактор, 2013 иестэ саезь сови РФ-нь Финнэнь-угрань ассоциациянь Экспертэнь советс.
Елена ды Юлия Мокшинатне кармасть колмоце пингень тонавтыцякс. Покштяст, Ине Отечественной войнань участникесь Фёдор Захарович Мокшин, истя жо тонавтыцяль. Нижегородской госуниверситетэнь естественной факультетэнть прядомадо мейле важодсь биологиянь тонавтыцякс те областень Иванцевской средней школасо. Ине Отечественной войнанть ушодовомань васенце иестэнть саезель фронтов, маштовсь 1942 иестэ Ленинград ало. Бабазо Елена Артемьевна пингензэ алтызе медицинантень. Горьковской областень Лукояновской райононь Иванцево велесэ ульнесь чачтомань кудонь прявтокс. Стакачитнень лангс апак вано, сон трясь-кастсь ськамонзо ниле эйкакшт. Вейкесь юткстост – Николай Фёдорович, кона эсь мельганзо кадсь покш тешкс минек республикасо.
Николай Фёдорович куломадонзо мейлеяк кадсь ламо ледстнемат. Сон – историянь наукань доктор, профессор, РСФСР-нь культурань заслуженной важодиця, МР-нь наукань заслуженной деятель. Научной важодевксэнзэ кисэ Николай Мокшиннэнь максозь МР-нь Государственной премиянь лауреатонь, кавксть МР-нь Прявтонь Премиянь лауреатонь лемтне ды казнетне.
Вана истямо ёроков ды ламонь содамо бажиця, эсь ундокстнэнь ванстыця, лиятненень лездамо маштыця семиясо-раськесэ чачсь-кассь Юлия Сушкова.
Выставкасонть келейстэ невтевсть ламо книгат, научной важодевкст, конатнень сёрмадынзе Юлия Николаевна ськамонзо ды лия автор марто. Сынь тевс нолдавить Юридической институтонь студенттнэнь тонавтомасо, наукань важодевксэнь сёрмадомасо. Кода тешкстызь пурнавозтне, «Этнология права: от Саранска до Ванкувера» выставкась неень шкане седеяк пек эрявикс аволь ансяк минек республикасо, истя жо весе масторлангсонть.
Кода мерсь сонзэ панжомсто Юлия Сушкова, юридической антропологиянь ды правань этнологиянь кевкстематнень коряс сынь ветить важодема комсте ламо иень перть.
– Минь анокстынек аволь аламо научной важодевкст, тонавтнемань пособият, конатнень тевс нолдыть студенттнэ эсь ванкшноматнесэ-тонавтнематнесэ, – мерсь Юлия Николаевна. – Россиясо минь ульнинек васенцетнень ютксо, кить юридической антропологиянть совавтызь тонавтнемань аравтлувонтень. Тень тевс нолдатано башка лувсо, ней Н. П. Огарёв лемсэ МГУ-нь Юридической институтонь тонавтницятнень ули возможностест пурнамс седе домка содамочить.
Вастовомасонть кортамось ульнесь аволь ансяк теориядонть, истя жо практикань ёнкстнэде, сынь кеместэ сюлмавить Мордовиянть марто.
– Минь покш мель явтано финнэнь-угрань раськетненень, коень-правань культурантень, ков сови эрзянь-мокшонь раськеськак. Минь кепедтяно истят темат, кода Россиясо свалшкане эриця ломантнень правадост, ламо раськетнень миграциянь опыттэнть, мельс саинек XIX пингестэ эрзятнень-мокшотнень Канадав эрямо туемадост ды минек государственностенть кемекстамосо сынст покш путовкстост кортамонть, – мерсь Юлия Николаевна.
Тешкстасынек, Юлия Николаевна ламоксть лиснесь изницякс весероссиянь ды масторлангонь эрьва кодамо пелькстамотнесэ. Невтемакс, 2013 иестэ сонзэ лемесь ёвтазель Макарьевской премиянь номинантокс-изницякс. «Под небом Канады» книганть кисэ Юлия Сушкованень сестэ максозельть медаль ды диплом. Сонзэ сёрмадомсто ванкшнозельть ды тонавтнезельть ламо важодевкст. Ледстязель, сонсь авторось пурнась сюпав материал Канадасо (Британской Колумбия) экспедициянь шкастонть. Сестэ ванкшноматне ютавтозельть Н. П. Огарёв лемсэ МГУ-нть ды Британской Колумбиянь университетэнть юрсо. Тешкстасынек, Макарьевской премиянть кемекстызе Рузонь Православиянь Церьковань иерархось Макарий (Булгаков) митрополитэсь 1867 иестэ. Сон кармавтсь куломадонзо мейле максомс премият ёроков ломантненень, конат алтасызь пряст наукантень ды кармить домкасто ванкшномо историянть. Сынст юткс совась Юлия Сушковаяк. Казненть тензэ максызе Московонь ды весе Русень Патриархось Кирилл Россиянь Наукань академиясо.
Кода а ледстямс 2017 иенть, зярдо Н. П. Огарёв лемсэ МГУ-со Юлия Николаевнань ушодксонзо коряс ютавтовсь «Ромашкинэнь ловномат» весероссиянь научно-практической конференциясь, конась алтазель минек масторонь содавикс юристэнтень, Мордовиясо чачозентень Пётр Семёнович Ромашкинэнь лемензэ ледстямонтень. Сон – масторонь келес содавикс юрист, уголовной ды международной правань коряс ламо важодевксэнь автор. Эсь шкастонзо важодсь Мордовской АССР-сэ мировой судьякс ды кассь СССР-нь Наукань академиянь членэкс-корреспондентэкс.
Юлия Николаевна пачтясь, Пётр Семёнович чачсь Покш Березникень райононь Шугурова эрзянь велесэ, сокицянь-видицянь семиясо. Содамочинзэ, ёрокчинзэ ды бажамонзо вельде сон кармась содавикс учёноекс, юристэкс, СССР-нь РАН-нь Государствань ды правань институтонь прявтокс. Ромашкинэнь важодевкстнэнь смустест ды эрявиксчист эзть ёма течинь чис, сынст эрявить тонавтнемс неень юридической наукасонть. Кода юристэнть-практикенть, сонзэ покш путовксозо Нюрнбергской процессэнь материалтнэнь ванкшномасонть, 1977 иень Советской Конституциянть анокстамосонть.
Ю. Н. Сушкова ёвтнесь аволь ансяк П. С. Ромашкиндэ, истя жо эрзянь-мокшонь модань содавикс ламо лия ломантнеде. Ды аволь ансяк ёвтнесь, сон сынст ланга анокстась ды нолдась ламо важодевкст, конат кадовить ледстнемакс ламо пингес.
Вастовомасонть толковазь кевкстематнень ды выставканть коряс мелест-арсемаст ёвтызь Юридической институтонь деканось Олег Томилин, кафедрань прявтось Алексей Ерёмин, РФ-нь ды МР-нь заслуженной юристэсь, генерал-лейтенантось Павел Сенькин, МР-нь Верховной Судонь отставкасо судьясь Василий Мартышкин, книгоиздателесь Константин Шапкарин, МР-нь Правительстванть юрсо НИИ-нь этнографось Надежда Шкердина, «Мордовия» ГТРК-нь содавикс журналистэсь ды тонавтыцясь Александр Данильчев ды лият.
Декабрянь 22-це чистэ Юлия Сушкова тешкстызе чачома чинь юбилеензэ. Юлия Николаевнань лемс ёвтавсть ламо паронь арсемат. «Эрзянь правда» газетань коллективесь вейсэндяви неть поздоровтнес ды арси тензэ кеме шумбрачи, эрямосо уцяска ды весе арсезенть топавтома!
Валентина Юдина
