Пётр Семёнович Ромашкин – масторлангонь содавикс юристэсь, юридической наукань докторось, СССР-нь НА-нь членэсь-корреспондентэсь чачсь Покш Березникень райононь Шугурова велесэ.
Кода пачтяви Мордовиянь энциклопедиясо, те эрзянь цёрась 1933 иестэ тонавтнесь рабфаксо. Ине Отечественной войнанть ушодовомадо икеле прядызе Казанень правовой институтонть, Московонь юридической институтонь аспирантуранть. 1934-1937 иетнестэ ульнесь МАССР-нь Ардатовань ды Рузаевкань районтнэнь народной судьякс. Шкань ютазь СССР-нть СНК-нть юрсо теезь высшей школань тевтнень коряс комитетэнь инспекторокс, важодсь СССР-нь МС-нь аппаратсо. Сон ульнесь тонавтыцякс Московонь юридической институтсо, М.В. Ломоносов лемсэ МГУ-со, Правовой ды военной юридической академиясо. Кото иень перть ульнесь СССР-нь Наукань академиянь Правань институтонь прявтокс.
Пётр Семёнович сёрмадсь 100 ламо научной ды тонавтнемань-методической важодевкст, юткстост ламотне ютавтозь омбо масторонь кельтнес. Сон ульнесь Раськеютконь юридической наукань ассоциациянь исполкомонь членэкс, казезь Трудовой Якстере Знамянь, Якстере Тештень, Раськеютконь ояксчинь ордентнэсэ ды медальсэ.
Неть читнестэ те ине ломаненть валдо лемензэ ледстнемга Н.П. Огарёв лемсэ МГУ-нь юридической факультетсэ ютавтовсь «II Ромашкинские чтения: Духовные ценности в новеллах Конституции Российской Федерации» Весероссиянь научно-практической конференциясь.
Те мероприятиянть анокстызе ды ветизе Н.П. Огарёв лемсэ МГУ-нь юридической факультетэнь деканось, международной ды европейской кафедрань прявтось, исторической наукань докторось, доцентэсь Юлия Сушкова.
Конференциянть ушодовомсто Юлия Николаевна тешкстась, Пётр Семёнович Ромашкин – масторлангонь ламонь содыця ломань, кие ушодсь народной судьясто ды теевсь содавикс учёноекс. Седе тов сон пачтясь, мезе меельце шкастонть теевсь юридической факультетсэ эрзя-мокшонь раськень цёранть культурной ды историянь сюпавчитнень ванстомга ды миненек ледстнематнес кадомга. Пётр Ромашкинэнь сон лемдизе энциклопедистэкс, кие тонавтнесь истят кевкстемат, конат талновтыть минек течинь чис. Сонзэ валонзо коряс, Ромашкинэнь ловноматнесэ тематне токить минек обществасо уликс ламо ёнкстнэнь.
Пурнавозтненень икельце вал марто пшкадсть: Саранской ды Мордовской митрополитэсь Зиновий, РФ-нь Федеральной Собраниянь Государственной Думань депутатось, исторической наукань докторось, профессорось А.Е. Загребин, МР-нь Прявтонь Администрациянь законодательствань ды правань экспертизань кевкстематнень коряс управлениянь прявтось Н.Д. Сергеева.
Седе тов мелест-арсемаст ёвтызь истят содавикс ломантне, кода: Россиянь Наукань академиянь действительной членэсь, юридической наукань докторось, профессорось А.Г. Лисицын-Светланов, О.Е. Кутафин лемсэ Московонь государственной юридической университетэнь философиянь ды социологиянь кафедрань прявтось О.Ю. Рыбков ды лият.
Вастовомасонть мольсь кортамо Российской Федерациянь Конституцияс полавтоматнень совавтомадо, конат кемекстазельть 2020 иень июлень 1-це чистэ. Ледстязельть сынст башка ёнкстнэ, конатне сюлмазь минек эрямонь нравственной ды духовной питнейчитнень марто.
Те конференциясонть ютавтовсть истят книгатнень презентацият, кода Н.Ф. Мокшинэнь ды Ю.Н. Сушковань – «Просветители мордвы», РФ-нь заслуженной юристэнть П.Е. Сенькинэнь – «Жизнь в строчках», Мордовия Республикань Верховной Судонь отставкасо судьянть В.Н. Мартышкинэнь – «Патриотизм XXI века: уроки этики и права». Вастовомасонть неть автортнэ пачтясть сёрмадовкстнэнь лангсо важодемадост ды сынст питнейчидест.
Весе неть лисезь книгатнеде минь пачтинек ловныцятненень тиринь газетань лопатнесэ.
Пурнавозтнень икеле истя жо кортасть: Н.П. Огарёв лемсэ МГУ-нь уголовной процессэнь, правосудиянь ды прокуроронь надзоронь кафедрань прявтось, МР-нь заслуженной юристэсь, РФ-нь почётной адвокатось Л.Д. Калинкина, МР-нь Юстициянь министрань тевтнень топавтыцясь С.В. Конычев, МР-нь Адвокатонь палатань президентэсь А.И. Амелин, МР-нь Верховной Судонь судьясь А.В. Верюлин, Покш Березникень райононь депутатонь советэнь депутатось М.В. Струенков ды теке райононь нотариусось Е.В. Балберова.
Тешкстасынек, те промкссонть ульнесть университетэнь юридической факультетэнь студентт, вандынь судьят ды адвокатт. Кемеви, те вастовомась сынст туртов ульнесь пек лезэв ды эрявикс. Кода кортыть раськесэ – ютазенть апак сода, пек стака эскелямс икелев.
Валентина Юдина
Пётр Семёнович сёрмадсь 100 ламо научной ды тонавтнемань-методической важодевкст, юткстост ламотне ютавтозь омбо масторонь кельтнес. Сон ульнесь Раськеютконь юридической наукань ассоциациянь исполкомонь членэкс, казезь Трудовой Якстере Знамянь, Якстере Тештень, Раськеютконь ояксчинь ордентнэсэ ды медальсэ.
Неть читнестэ те ине ломаненть валдо лемензэ ледстнемга Н.П. Огарёв лемсэ МГУ-нь юридической факультетсэ ютавтовсь «II Ромашкинские чтения: Духовные ценности в новеллах Конституции Российской Федерации» Весероссиянь научно-практической конференциясь.
Те мероприятиянть анокстызе ды ветизе Н.П. Огарёв лемсэ МГУ-нь юридической факультетэнь деканось, международной ды европейской кафедрань прявтось, исторической наукань докторось, доцентэсь Юлия Сушкова.
Конференциянть ушодовомсто Юлия Николаевна тешкстась, Пётр Семёнович Ромашкин – масторлангонь ламонь содыця ломань, кие ушодсь народной судьясто ды теевсь содавикс учёноекс. Седе тов сон пачтясь, мезе меельце шкастонть теевсь юридической факультетсэ эрзя-мокшонь раськень цёранть культурной ды историянь сюпавчитнень ванстомга ды миненек ледстнематнес кадомга. Пётр Ромашкинэнь сон лемдизе энциклопедистэкс, кие тонавтнесь истят кевкстемат, конат талновтыть минек течинь чис. Сонзэ валонзо коряс, Ромашкинэнь ловноматнесэ тематне токить минек обществасо уликс ламо ёнкстнэнь.
Пурнавозтненень икельце вал марто пшкадсть: Саранской ды Мордовской митрополитэсь Зиновий, РФ-нь Федеральной Собраниянь Государственной Думань депутатось, исторической наукань докторось, профессорось А.Е. Загребин, МР-нь Прявтонь Администрациянь законодательствань ды правань экспертизань кевкстематнень коряс управлениянь прявтось Н.Д. Сергеева.
Седе тов мелест-арсемаст ёвтызь истят содавикс ломантне, кода: Россиянь Наукань академиянь действительной членэсь, юридической наукань докторось, профессорось А.Г. Лисицын-Светланов, О.Е. Кутафин лемсэ Московонь государственной юридической университетэнь философиянь ды социологиянь кафедрань прявтось О.Ю. Рыбков ды лият.
Вастовомасонть мольсь кортамо Российской Федерациянь Конституцияс полавтоматнень совавтомадо, конат кемекстазельть 2020 иень июлень 1-це чистэ. Ледстязельть сынст башка ёнкстнэ, конатне сюлмазь минек эрямонь нравственной ды духовной питнейчитнень марто.
Те конференциясонть ютавтовсть истят книгатнень презентацият, кода Н.Ф. Мокшинэнь ды Ю.Н. Сушковань – «Просветители мордвы», РФ-нь заслуженной юристэнть П.Е. Сенькинэнь – «Жизнь в строчках», Мордовия Республикань Верховной Судонь отставкасо судьянть В.Н. Мартышкинэнь – «Патриотизм XXI века: уроки этики и права». Вастовомасонть неть автортнэ пачтясть сёрмадовкстнэнь лангсо важодемадост ды сынст питнейчидест.
Весе неть лисезь книгатнеде минь пачтинек ловныцятненень тиринь газетань лопатнесэ.
Пурнавозтнень икеле истя жо кортасть: Н.П. Огарёв лемсэ МГУ-нь уголовной процессэнь, правосудиянь ды прокуроронь надзоронь кафедрань прявтось, МР-нь заслуженной юристэсь, РФ-нь почётной адвокатось Л.Д. Калинкина, МР-нь Юстициянь министрань тевтнень топавтыцясь С.В. Конычев, МР-нь Адвокатонь палатань президентэсь А.И. Амелин, МР-нь Верховной Судонь судьясь А.В. Верюлин, Покш Березникень райононь депутатонь советэнь депутатось М.В. Струенков ды теке райононь нотариусось Е.В. Балберова.
Тешкстасынек, те промкссонть ульнесть университетэнь юридической факультетэнь студентт, вандынь судьят ды адвокатт. Кемеви, те вастовомась сынст туртов ульнесь пек лезэв ды эрявикс. Кода кортыть раськесэ – ютазенть апак сода, пек стака эскелямс икелев.
Валентина Юдина