Зярдояк костояк марсиде истямо тевде: физиканть ютавтовлизь эрзянь кельс ды истямо ладсо ветявольть школасо? Арсян, онстонкак эзиде некшне, кода монгак.
Секс а ёвтавияк, кодат ёжомарямот вельместь потсон, зярдо Контактсо сельмень икелев понгсь вейке видеосюжет, седе виде ули меремс, видеоурок, косо кортамось мольсь физикань вейке пелькстэнть – кинематикадонть. Ды кортамось ветявсь эрзянь кельсэ! Кода ютат тень вакска?! Ваныя видеоуроконть ды… сеске мель сась теевемс содавиксэкс ломаненть марто, кинь превс чачсь истямо паро арсема – теемс физикань коряс видеоурок эрзянь кельсэ.
Сюлмавомс те ломаненть марто аволь стакаль: Интернетэсь ней куш ков пачтятанзат. Виде, од цёрась эсензэ лемензэ-фамилиянзо таго-мекс эзинзе сёрмадо. Контактсо лопасонзо сон «Арпад Кошут» лем ало. Видеоуроконть алов сёрмадсь лия лем – Арпад Валдаж. Чачомстонзо сонензэ максозель лем Андрей, фамилиязо Илялетдинов. Андрей эли Арпад (кона лемесь тензэ седе пек вечкеви) эзь карма покшкавтнеме, зярдо Интернет вельде энялдынь тензэ ёвтнемс, кода сась истямо мельс. Кортамонок лиссь интервью ладсо. Весе кевкстематнень лангс сон сёрмадсь эрзякс. Каршо валонзо арсян максомс ансяк кува-кува витнезь.
– Ёвтык васня, косо чачить?
– Чачинь Московской областень Сергиево-Посадской буень Пересвет велесэ. Эринь тосо колмо иеть, мейле кудораськем тусь Московов, косо касынь ды тонавтнинь.
– Косо тонавтнить, мезе прядыть?
– Васняяк тонавтнинь прявт ошонь школасо. Тосо ульнесть алкукс пек вадря тонавтыцян. Тень чарькодия ансяк, зярдо прядыя школанть. Башка мелем ули сюкпря ёвтамс Морозов Андрей Борисовичнень, физикань тонавтыцянтень, ды Шиманова Екатерина Ивановнанень, математикань тонавтыцянтень. Седе тов тонавтнемам поладыя МАИ-сэ, косо тонавтнинь самолётонь (самолётонь таркас Арпад сёрмадсь «ливтяка» – Р.Щ.) проектированиянь коряс. Теде мейле вейке ие важодинь «Иркут» предприятиясо, ансяк туинь тосто истямо тувталонь коряс: васняяк, мелем сась пек кармамс олявокс; омбоцекс, аламо пандсть; колмоцекс, пек покшоль мелем неемс ламо таркат.
– Ней косо эрят?
– Ней эрян Од Рузонь ошсо (Новороссийскойсэ). Ковонь ютазь арсян туемс эрямо Од Ошов (Великий Новгородов). Тосо вейке ломань марто карман тееме физикань лия урокт. Теде башка, карман топавтомо лия теварсевкст, конатнеде зярс а карман ёвтнеме.
– Ёвтнек, кить ульнесть тетят-ават?
– Тетям ульнесь инженер. Сонгак прядызе МАИ-нть. Сон ульнесь сетнень ютксо, кить тейсть «Буранонть» туртов двигательть. Сонзэ санга чуди ламо раськень верь: рузонь, эстэнь, литовецэнь. Сонсь эсь прянзо лови печказокс (татарокс). Авань ёндо родсо ульнесть ломанть осетинэнь, эрзянь раськестэ. Ансяк сонсь авам лови эсь прянзо рузокс ды а кеми эсензэ эрзянь юронтень. Сонзэ юронзо Саранск ошсто, седе виде ули мерезь, та-кодамо велестэ, лемензэ кияк а содасы. Важоди бухгалтерэкс.
– Кода тонавтник эрзянь келенть?
– Эрзянь келенть тонавтния «Эрзянь кель» книгатнень, валкстнэнь коряс. Теде башка, лездамга сайния Е. Четверговонь «Ванине» книганзо. Мейле муия Паасоненэнь валксонть, конанть нейгак кирдян икелень ды саян пельдензэ лезкс. Тосо пек ламо стувтозь валт, конатнень, паряк, эрявольть мекев совавтомс эрямос.
– Кодат кельть содат рузонседенть ды эрзянседенть башка?
– Мелесь тонавтнемс эрзянь келенть монень сась аволь вейке чис. Васня карминь тонавтнеме мадьяронь (венгрань) келенть. Тувталокс ульнесь вана мезесь: мон ульнинь «Драм энд бэйс» киштицякс. Киштемань вейке пельксэсь саезель Мадьяронь масторсто. Ушодынь ловномо комментарияст ды эзинь чарькоде мезеяк. Эрявсь кунсоломс мадьяронь кельсэ патриотической морот. Вейкесь пек вечкевсь. Монень марявсь, мадьяронь келесь пек мазый ды «тантей» кель. Ды те «тантей» кельсэнть морыть патриотической морот! Се шкастонть саезь карминь вечкеме мадьяронь келенть. Мейле монень марявсь – те аламо. Ды мелем сась тонавтнемс мансинь келенть. Теке шкастонть карминь содамо эсень эрзянь юртнэде, ды сестэ ушодынь тонавтнеме эрзянь кель.
– Стака-аволь ульнесь тонавтнемс финнэнь-угрань кельтнень?
– Нама, а шождаль. Весемеде пек стакаль тонавтнемс мадьяронь келенть, ансяк тень эзинь лово стакачикс. Вечкевсь тень те тевесь. Монень марявсь, прясто-пильгс ваинь тонавтыця конёвпусмотнес, моротнес, ды истя седе тов. Мадьяронь келенть марто васня тень кияк эзь лездакшно. Седе тов, муия Будапештсэ «Рузокс кортыцят» клубонть, конанть ветясь Коршош Мария филологось. Сон ней тонавты мадьяронь кель Нижегородской ЛГУ-со. Седе тов теевинь содавиксэкс МГУ-нь профессоронть Надь Имре Чабань марто, сон вети «Мадьярокс кортыцят» клуб Московсо. Арсян, сон – алкуксонь легенда, превейдеяк превей ломань.
– Видькстан, кода эрзянь ломаненть, монь седеем пек сэреди эсень келенть кисэ. Мезе сонзэ учи сы шкастонть? Пелян, сонзэ пингезэ курок прядови. Иестэ иес аламолгадыть эрзянь келень содыцятне. Секс пек кецнян, зярдо костояк марян паро кулят од ломантнеде, кить паро мельсэ тонавтнить эрзянь келенть. Тонгак саить истямо мель. Лисни, кемат, эрзянь келесь карми эрямо седе товгак?
– Виде, эрзянь келесь ней печти аволь шожда шкат. Теке марто сон эзь куло. Седе берянть тевензэ мансинь келенть. Эйсэнзэ кортыцятне пек аламолгадсть. Вишка кельтнень куломаст ушодсь аволь ней, пек умок. Теде кортыль И. Дамаскингак 250 иеде икеле. Ансяк а эряви стувтнемс: иврит келесь истя жо пачколесь куломас, ней одов вельмевтизь. Ирландиянь келесь малав кулокшнось, сонзэ мекев сыргавтызь. Арсян, вийть путындерятано, эрзянь келеськак одов виеми ды срады масторланганть. Сон карми седеяк ванькс ды мазый. Улить ломанть, кить эйсэнзэ мазылгавтыть ды сюпалгавтыть. Ловнан свал Нуянь Видязонь «Ванине» пусмонзо. Келенть лангсо важоди Эрюш Вежай, кона теи од валт. Невтемга, «пинкскезов» – коронавирус. Арсян, те пек вадря тев. Эстэнь ды Мадьяронь мастортнэсэяк ульнесь истя жо. Эряви меремс, Московсо од ломантнестэ ламот бажить тонавтнемс вишка раськень кельтнень. Ули вейке ялгам, сон тонавтни ненецэнь кель. Монь койсэ, эрзянь раськень ломантненень эряви содамс седе ламо морот ды ёвкст. Минек пек сюпав моронь культуранок, кода, саемс, эстонецтнэнь. Арсян, эряви миненекак эстонецтнэнь ладсо ютавтнемс Моронь Инечинть. Пурнавкшномс вейс вейке кужос ды морамс вейсэ, кода тейнить Эстониясо.
– Пек кецнинь, зярдо неия «Физикась эрзянь кельсэ» видеороликенть. Ёвтык, косто сась мелесь анокстамс истямо видеоурок?
– А содан, мекс ламот арсить, буто эрзянь келесь аволь истямо сюпав ды сон а маштови истят уроконь ютавтомс, кода физикась.
Зярдо сакшнынь Саранск ошов (те ульнесь колмоцеде), неинь: зяро тесэ эйкакшт! Московсо, марявсь тень, зняро арасть. Содазь, од ломантне седе пек вечксызь физиканть. Секс сась мель кундамс те тоналманть (курсонть) тееме. Арсинь, те карми улеме алкуксонь революция. Теде башка, улить лия тевеньгак. Вейкесь – ютавтан эрзянь кельс Паасоненэнь пурнавт ёвкстнэнь.
– Лездыцят те тевсэнть ульнесть?
– Ульнесть. Васняяк, пек покш лезкс тень макссь Сантяй (А.А. Данильчев). Сюкпря тензэ тень кисэ. Мон эрзянь келенть истя парсте а содаса. Сантяй витнесь мельган. Лиясто кавоненек пелькстынек, «тюринек» эрьва валонть ды тешксэнть кис. Косто-косто Сантяень эйстэ салава «эцинь» зярыя кезэрень валт, конат а вастневить неень шкань эрзянь кортавкстнэсэ. Целанек Сантяй пштистэ вансь мельган ды невтнесь, косо, кодамо нолдынь ильведькс.
– «Физикась эрзянь кельсэ» видеоуроктнень кармат поладомо?
– Карман. Вана прядсынь лия теварсевксэнь ды таго кундан. Видеоуроктнень теемс – тевесь аволь шожда. Сон саи ламо вийть ды шка. Те мезеяк. Арсян, виень сатстсынь.
– Сюкпря.
Кортамонть ветясь
Раиса Щанкина
Сюлмавомс те ломаненть марто аволь стакаль: Интернетэсь ней куш ков пачтятанзат. Виде, од цёрась эсензэ лемензэ-фамилиянзо таго-мекс эзинзе сёрмадо. Контактсо лопасонзо сон «Арпад Кошут» лем ало. Видеоуроконть алов сёрмадсь лия лем – Арпад Валдаж. Чачомстонзо сонензэ максозель лем Андрей, фамилиязо Илялетдинов. Андрей эли Арпад (кона лемесь тензэ седе пек вечкеви) эзь карма покшкавтнеме, зярдо Интернет вельде энялдынь тензэ ёвтнемс, кода сась истямо мельс. Кортамонок лиссь интервью ладсо. Весе кевкстематнень лангс сон сёрмадсь эрзякс. Каршо валонзо арсян максомс ансяк кува-кува витнезь.
– Ёвтык васня, косо чачить?
– Чачинь Московской областень Сергиево-Посадской буень Пересвет велесэ. Эринь тосо колмо иеть, мейле кудораськем тусь Московов, косо касынь ды тонавтнинь.
– Косо тонавтнить, мезе прядыть?
– Васняяк тонавтнинь прявт ошонь школасо. Тосо ульнесть алкукс пек вадря тонавтыцян. Тень чарькодия ансяк, зярдо прядыя школанть. Башка мелем ули сюкпря ёвтамс Морозов Андрей Борисовичнень, физикань тонавтыцянтень, ды Шиманова Екатерина Ивановнанень, математикань тонавтыцянтень. Седе тов тонавтнемам поладыя МАИ-сэ, косо тонавтнинь самолётонь (самолётонь таркас Арпад сёрмадсь «ливтяка» – Р.Щ.) проектированиянь коряс. Теде мейле вейке ие важодинь «Иркут» предприятиясо, ансяк туинь тосто истямо тувталонь коряс: васняяк, мелем сась пек кармамс олявокс; омбоцекс, аламо пандсть; колмоцекс, пек покшоль мелем неемс ламо таркат.
– Ней косо эрят?
– Ней эрян Од Рузонь ошсо (Новороссийскойсэ). Ковонь ютазь арсян туемс эрямо Од Ошов (Великий Новгородов). Тосо вейке ломань марто карман тееме физикань лия урокт. Теде башка, карман топавтомо лия теварсевкст, конатнеде зярс а карман ёвтнеме.
– Ёвтнек, кить ульнесть тетят-ават?
– Тетям ульнесь инженер. Сонгак прядызе МАИ-нть. Сон ульнесь сетнень ютксо, кить тейсть «Буранонть» туртов двигательть. Сонзэ санга чуди ламо раськень верь: рузонь, эстэнь, литовецэнь. Сонсь эсь прянзо лови печказокс (татарокс). Авань ёндо родсо ульнесть ломанть осетинэнь, эрзянь раськестэ. Ансяк сонсь авам лови эсь прянзо рузокс ды а кеми эсензэ эрзянь юронтень. Сонзэ юронзо Саранск ошсто, седе виде ули мерезь, та-кодамо велестэ, лемензэ кияк а содасы. Важоди бухгалтерэкс.
– Кода тонавтник эрзянь келенть?
– Эрзянь келенть тонавтния «Эрзянь кель» книгатнень, валкстнэнь коряс. Теде башка, лездамга сайния Е. Четверговонь «Ванине» книганзо. Мейле муия Паасоненэнь валксонть, конанть нейгак кирдян икелень ды саян пельдензэ лезкс. Тосо пек ламо стувтозь валт, конатнень, паряк, эрявольть мекев совавтомс эрямос.
– Кодат кельть содат рузонседенть ды эрзянседенть башка?
– Мелесь тонавтнемс эрзянь келенть монень сась аволь вейке чис. Васня карминь тонавтнеме мадьяронь (венгрань) келенть. Тувталокс ульнесь вана мезесь: мон ульнинь «Драм энд бэйс» киштицякс. Киштемань вейке пельксэсь саезель Мадьяронь масторсто. Ушодынь ловномо комментарияст ды эзинь чарькоде мезеяк. Эрявсь кунсоломс мадьяронь кельсэ патриотической морот. Вейкесь пек вечкевсь. Монень марявсь, мадьяронь келесь пек мазый ды «тантей» кель. Ды те «тантей» кельсэнть морыть патриотической морот! Се шкастонть саезь карминь вечкеме мадьяронь келенть. Мейле монень марявсь – те аламо. Ды мелем сась тонавтнемс мансинь келенть. Теке шкастонть карминь содамо эсень эрзянь юртнэде, ды сестэ ушодынь тонавтнеме эрзянь кель.
– Стака-аволь ульнесь тонавтнемс финнэнь-угрань кельтнень?
– Нама, а шождаль. Весемеде пек стакаль тонавтнемс мадьяронь келенть, ансяк тень эзинь лово стакачикс. Вечкевсь тень те тевесь. Монень марявсь, прясто-пильгс ваинь тонавтыця конёвпусмотнес, моротнес, ды истя седе тов. Мадьяронь келенть марто васня тень кияк эзь лездакшно. Седе тов, муия Будапештсэ «Рузокс кортыцят» клубонть, конанть ветясь Коршош Мария филологось. Сон ней тонавты мадьяронь кель Нижегородской ЛГУ-со. Седе тов теевинь содавиксэкс МГУ-нь профессоронть Надь Имре Чабань марто, сон вети «Мадьярокс кортыцят» клуб Московсо. Арсян, сон – алкуксонь легенда, превейдеяк превей ломань.
– Видькстан, кода эрзянь ломаненть, монь седеем пек сэреди эсень келенть кисэ. Мезе сонзэ учи сы шкастонть? Пелян, сонзэ пингезэ курок прядови. Иестэ иес аламолгадыть эрзянь келень содыцятне. Секс пек кецнян, зярдо костояк марян паро кулят од ломантнеде, кить паро мельсэ тонавтнить эрзянь келенть. Тонгак саить истямо мель. Лисни, кемат, эрзянь келесь карми эрямо седе товгак?
– Виде, эрзянь келесь ней печти аволь шожда шкат. Теке марто сон эзь куло. Седе берянть тевензэ мансинь келенть. Эйсэнзэ кортыцятне пек аламолгадсть. Вишка кельтнень куломаст ушодсь аволь ней, пек умок. Теде кортыль И. Дамаскингак 250 иеде икеле. Ансяк а эряви стувтнемс: иврит келесь истя жо пачколесь куломас, ней одов вельмевтизь. Ирландиянь келесь малав кулокшнось, сонзэ мекев сыргавтызь. Арсян, вийть путындерятано, эрзянь келеськак одов виеми ды срады масторланганть. Сон карми седеяк ванькс ды мазый. Улить ломанть, кить эйсэнзэ мазылгавтыть ды сюпалгавтыть. Ловнан свал Нуянь Видязонь «Ванине» пусмонзо. Келенть лангсо важоди Эрюш Вежай, кона теи од валт. Невтемга, «пинкскезов» – коронавирус. Арсян, те пек вадря тев. Эстэнь ды Мадьяронь мастортнэсэяк ульнесь истя жо. Эряви меремс, Московсо од ломантнестэ ламот бажить тонавтнемс вишка раськень кельтнень. Ули вейке ялгам, сон тонавтни ненецэнь кель. Монь койсэ, эрзянь раськень ломантненень эряви содамс седе ламо морот ды ёвкст. Минек пек сюпав моронь культуранок, кода, саемс, эстонецтнэнь. Арсян, эряви миненекак эстонецтнэнь ладсо ютавтнемс Моронь Инечинть. Пурнавкшномс вейс вейке кужос ды морамс вейсэ, кода тейнить Эстониясо.
– Пек кецнинь, зярдо неия «Физикась эрзянь кельсэ» видеороликенть. Ёвтык, косто сась мелесь анокстамс истямо видеоурок?
– А содан, мекс ламот арсить, буто эрзянь келесь аволь истямо сюпав ды сон а маштови истят уроконь ютавтомс, кода физикась.
Зярдо сакшнынь Саранск ошов (те ульнесь колмоцеде), неинь: зяро тесэ эйкакшт! Московсо, марявсь тень, зняро арасть. Содазь, од ломантне седе пек вечксызь физиканть. Секс сась мель кундамс те тоналманть (курсонть) тееме. Арсинь, те карми улеме алкуксонь революция. Теде башка, улить лия тевеньгак. Вейкесь – ютавтан эрзянь кельс Паасоненэнь пурнавт ёвкстнэнь.
– Лездыцят те тевсэнть ульнесть?
– Ульнесть. Васняяк, пек покш лезкс тень макссь Сантяй (А.А. Данильчев). Сюкпря тензэ тень кисэ. Мон эрзянь келенть истя парсте а содаса. Сантяй витнесь мельган. Лиясто кавоненек пелькстынек, «тюринек» эрьва валонть ды тешксэнть кис. Косто-косто Сантяень эйстэ салава «эцинь» зярыя кезэрень валт, конат а вастневить неень шкань эрзянь кортавкстнэсэ. Целанек Сантяй пштистэ вансь мельган ды невтнесь, косо, кодамо нолдынь ильведькс.
– «Физикась эрзянь кельсэ» видеоуроктнень кармат поладомо?
– Карман. Вана прядсынь лия теварсевксэнь ды таго кундан. Видеоуроктнень теемс – тевесь аволь шожда. Сон саи ламо вийть ды шка. Те мезеяк. Арсян, виень сатстсынь.
– Сюкпря.
Кортамонть ветясь
Раиса Щанкина