Апрелень 26-це чистэ саезь маень 30-це чис ютыть кочкамот: Саранскоень кона тарканть паролгавтомс 2022 иестэ. Кочкамонь меельце этапось карми ютамо тесэ: 13.gorodsreda.ru. сайтсонть.
Эсь вайгеленть мереви максомс эрьвантень, кинень топодсть 14 иеть.
Кочкамотнень ютамсто ломантненень лездыть волонтёрт. Сынь кармить аштеме ошонь эрьва районсо, микшнемань таркатнесэ: «Глобус», «Макс», «Рио» ды «Сити-Парк». Малав 200 ломанть ёвтызь мелест лездамс. Кочкавить 72 волонтёрт. Сынь кармить ёвтнеме кочкамотнеде ды лездыть тевс нолдамс мобильной приложениянть.
Паролгавтовить ды мазылгавтовить ошонь колмо таркат:
– Гагаринэнь-Комаровонь куротнесэ Подольской курсанттнэнь скверэсь;
– Эрьзянь бульварось;
– Саранкань лейчиресь.