Пятница, марта 29, 2024
Важное


ГАЗЕТАНЬ ТЕЧИНЬ ИНЖЕНЕК – Н. П. ОГАРЁВ ЛЕМСЭ МГУ-нь ЮРИДИЧЕСКОЙ ФАКУЛЬТЕТЭНЬ ДЕКАНОСЬ, РАСЬКЕЮТКОНЬ ДЫ ЕВРОПЕЙСКОЙ ПРАВАНЬ КАФЕДРАНЬ ПРЯВТОСЬ ИСТОРИЯНЬ НАУКАНЬ ДОКТОРОСЬ ЮЛИЯ НИКОЛАЕВНА СУШКОВА.


Юлия Николаевна – «Эрзянь правдань» свалшкань ловныцянок, сон эрзянь келень ды раськень историянь парсте содыця, эрзянь авань оршамопелень вечкиця ды а стяко Казань ошов «Лига лекторов» Весероссиянь пелькстамонь полуфиналс, конась ютавтозель апрелень меельце читнестэ «Знание» Россиянь вейсэндявксонть вельде, сакшнось викшнезь тиринь раськень панарсо ды мазый пряс путомка марто. Теде икеле ульнесть кавто кочкамонь турт, конатнень парсте ютамось пачтизеяк учёноенть полуфиналс. Те конкурсонть васенце бажамокс ашти – эрьва кодамо ёнксонь коряс од кортыцятнень (лектортнэнь) муемась ды кастомась-кемекстамось.

Юлия Николаевна невтизе эсь прянзо «Раськень койтне-кирдатне – шкань ды пертьпельксэнь чамаваномась (зеркалась)» лекциянть коряс, косо ёвтнесь пурнавозтненень семиятнесэ, велетнесэ эрямо лувдонть, сыре атятнень превейчидест, инжень вастомань ды шабрацек эрямонь койтнеде-кирдатнеде, тетятнень-аватнень, покштятнень-бабатнень ломанькс путомадо. Башка мель кортамосонзо явозель авантень, кода раськень превейчинь ванстыцянтень. Кода корты эрзянь кезэрень валмеревксэсь: «Модась чачсь – койтне-кирдатнеяк мартонзо» ды теде толкови Юлия Николаевнаяк. Эрямо лувонть лангс ванозь, пингеде-пингес эрьва раськесь пурнась-кочкась эсензэ правань койть-кирдат. Теде корты этноправоведениясь – те лия ёнов а молиця раськень правань ёнкс, конанть кемекстамс ламо вийть макссь Ю. Н. Сушкова.

 

О ГАЗЕТЕ "ЭРЗЯНЬ ПРАВДА"

Газета Эрзянь правда в настоящее время издается один раз в неделю на 16 страницах, четыре из них в цвете. Газета широко отражает вопросы общественно-политической, социально-экономической, культурной и духовной жизни республики, публикует международную информацию. «Эрзянь правда» распространяется в Оренбургской, Пензенской, Самарской, Ульяновской, Нижегородской областях, в республиках Татарстан, Чувашия, Башкортостан. Вместе с тем, для эрзян России вот уже не один год успешно функционирует электронная версия газеты, которую можно в настоящее время читать в Интернете. В этом большая заслуга всего редакционного коллектива газеты «Эрзянь правда».