Четверг, марта 28, 2024
Важное

Тедедень июлень 16-це чистэ саезь сентябрянть прядовомс «Мордовия Аренасо» ютавтови «Угория» неень шкань искусствань фестивалесь.
Те фестивалесь самай арсезельгак минек республикань ды Россиянь лия региононь ды областень ёроков художниктнень мелест-арсемаст тевс совавтомга.



«Угориянть» ютавтыцятне: Диана Самараковская – форумонть ютавтомадо меленть ёвтыцясь, проектэнь директорось, «Мордовия Арена» стадиононь маркетингень коряс специалистэсь, кона фестиваленть ютавтомга сайсь грант, С.Д. Эрьзя лемсэ республиканской музеесь, Дарья Ширчкова – фестивалень кураторось, графической дизайнерэсь, «Периферия» культурной проекттнэнь группань редакторось, Евгения Сибирцева – фестивалень кураторось, С.Д. Эрьзя лемсэ музеень информационной ресурсонь ды виевгадомань отделэнь прявтось.

– «Угориянь» участниктне невтьсызь эсь арсевксэст неень шкань искусствань эрьва кодат ёнкстнэсэ – стрит-арт, инсталляция, архитектурань од вишка форматне ды лият. Форумось лезды полавтнемс вейке вейкень опытэнть, келейгавтомс регионтнэнь ютксо сюлмотнень, фестивальсэнть теезь роботатне мазылгавтсызь стадиононть перька тарканть ды ошонь куротнень, тейсызь сонзэ тесэнь эрицятнень туртов седе вадрякс ды туристтнэнь туртов мельстуицякс, – тешкстызь фестивалень ютавтыцятне.

Фестиваленть юрсо ютавтовить выставкат, участниктнень-художниктнень туртов мастер-класст, перформанст.
Шкинемань пелькстамонь изницятне ды призёртнэ казевить дипломсо ды ледстнемань призсэ. Карми улеме башка призгак, кона саты се авторонтень, кинь роботазо пурны сехте ламо вайгельть.
Ваномо сыцятнень пельде питне а саеви.

О ГАЗЕТЕ "ЭРЗЯНЬ ПРАВДА"

Газета Эрзянь правда в настоящее время издается один раз в неделю на 16 страницах, четыре из них в цвете. Газета широко отражает вопросы общественно-политической, социально-экономической, культурной и духовной жизни республики, публикует международную информацию. «Эрзянь правда» распространяется в Оренбургской, Пензенской, Самарской, Ульяновской, Нижегородской областях, в республиках Татарстан, Чувашия, Башкортостан. Вместе с тем, для эрзян России вот уже не один год успешно функционирует электронная версия газеты, которую можно в настоящее время читать в Интернете. В этом большая заслуга всего редакционного коллектива газеты «Эрзянь правда».