Ледстявсь течи тень Николай Васильевич Кулавский. Зярдо сынь "Эрзянь правдав", – те ульнесь 1978-це иень мартонь 16-це чистэ – минь озадолинек мартонзо ве кабинетсэ.
Ниле цёрат: Симдянов Николай Михайлович, Ганчин Виктор Дмитриевич, Ишуткин Николай Иванович, Кулавский ды мон. Николай Васильевич марто озадолинек карадо-каршо. Заданиятнень монень макснесь Н.М. Симдянов, Ишуткиннэнь – Кулавский. Монь свал сельмем сявадсь, кода шождасто-чевтестэ кортыльть сынь эсь ютковаст Ишуткинэнь командировкав ильтямсто, сонензэ заданиянь максомсто ды велявтомстонзо – Ишуткинэнь корреспонденциянть ванкшномсто-ловномсто. Минек Симдянов марто весе ульнесь овсе лиякс. Николай Михайлович – солдат эли командир, весементь тейсь "по стойке "смирно". Ансяк мериль тень: "Сат – валске материалонть столь лангс!"
Николай Васильевичень зарисовканзо, очеркензэ, корреспонденциянзо ды натой информациянзояк свал ловнылинь мельспаросо, а вана Николай Михайловичень весе сёрмадовксонзо ушодовильть ды прядовильть вейкетьстэ: "Съездэнь решениятнень топавтозь..." Секс ловномскак сынст арасель мель. Н.М. Симдянов монь корреспонденциятненьгак черькстнесь педе-пев ды тейсь сынст эсензэ кондямокс: "Съездэнь решениятнень топавтозь..."
Мон васня ансяк авардилинь – Николай Васильевич седеймарязь, салавине ваныль мельган, валтомо, мерят, идесь эйсэнь. Мейле карминь эсень материалтнэнь кандтнеме Симдяновонь удалга – Ковалёва Татьяна Михайловнанень. Сон ульнесь редакторонь полавтыцякс, эли витьстэ редакторонтень – Борейкин Пётр Прохоровичнень. Сюкпря весе неть ломантненень: Кулавскийнень – седеймарямонь кис, Симдяновнень – сон тонавтымим шкань апак сацтне сёрмадомантень, Ковалёванень – ёжомарязь витнеманть кис, зярдо материалось весе витнезь ды ялатеке лувозо апак яжа-кольстя.
Истя маштсь витнеме ансяк Татьяна Михайловна! Сюкпря Пётр Прохоровичнень – кемеманть ды превс путоматнень кис. Сон ульнесь алкуксонь редактор. Сон, ансяк сон, монь туртовгак кадовсь вейкине алкуксонь редакторокс, кадык савсь важодемс тень лия редактор мартояк. Борейкинэнь кондят арасельть. Пётр Прохоровичнень совилинь сеске командировкасто самсто. Сон сонсь макснесь монень заданиятнень, ды зярдо сылинь районсто, васняяк сонензэ пачтилинь эсень мельтнень-арсематнень, кунсолылия сонзэ мелензэ-валонзо эсень арсематнень кувалма.
Тамара Баргова,
Россиянь Журналистэнь вейсэндявксос совиця
Николай Васильевичень зарисовканзо, очеркензэ, корреспонденциянзо ды натой информациянзояк свал ловнылинь мельспаросо, а вана Николай Михайловичень весе сёрмадовксонзо ушодовильть ды прядовильть вейкетьстэ: "Съездэнь решениятнень топавтозь..." Секс ловномскак сынст арасель мель. Н.М. Симдянов монь корреспонденциятненьгак черькстнесь педе-пев ды тейсь сынст эсензэ кондямокс: "Съездэнь решениятнень топавтозь..."
Мон васня ансяк авардилинь – Николай Васильевич седеймарязь, салавине ваныль мельган, валтомо, мерят, идесь эйсэнь. Мейле карминь эсень материалтнэнь кандтнеме Симдяновонь удалга – Ковалёва Татьяна Михайловнанень. Сон ульнесь редакторонь полавтыцякс, эли витьстэ редакторонтень – Борейкин Пётр Прохоровичнень. Сюкпря весе неть ломантненень: Кулавскийнень – седеймарямонь кис, Симдяновнень – сон тонавтымим шкань апак сацтне сёрмадомантень, Ковалёванень – ёжомарязь витнеманть кис, зярдо материалось весе витнезь ды ялатеке лувозо апак яжа-кольстя.
Истя маштсь витнеме ансяк Татьяна Михайловна! Сюкпря Пётр Прохоровичнень – кемеманть ды превс путоматнень кис. Сон ульнесь алкуксонь редактор. Сон, ансяк сон, монь туртовгак кадовсь вейкине алкуксонь редакторокс, кадык савсь важодемс тень лия редактор мартояк. Борейкинэнь кондят арасельть. Пётр Прохоровичнень совилинь сеске командировкасто самсто. Сон сонсь макснесь монень заданиятнень, ды зярдо сылинь районсто, васняяк сонензэ пачтилинь эсень мельтнень-арсематнень, кунсолылия сонзэ мелензэ-валонзо эсень арсематнень кувалма.
Тамара Баргова,
Россиянь Журналистэнь вейсэндявксос совиця