Пятница, марта 29, 2024
Важное

Эрзянь ды мокшонь национальной драматической театрасо ютась А. Островскоень «Не всё коту масленица» спектаклянь невтемась. Сонзэ путызе актёрось ды режиссёрось Андрей Анисимов. Комедиясь невтезель мокшонь кельсэ.

Од спектаклясонть кото налксицят. Неть: МР-нь заслуженной артистэсь Тимофей Чудаев, МР-нь заслуженной артисткась Людмила Антипкина, Елена Гудожникова, Татьяна Биушкина, Евгений Благов ды Галина Гришуткина.

Пьесась сёрмадозель 1871 иестэ. Ды, кода кортыть ломантне, сон нейгак эзизе ёмавто смустензэ. Кода улемс нужачисэ эриця тейтерентень? Лисемс мирденень сыре ды сюпав сыре атянень эли эсензэ кондямо нужачисэ эриця од цёранень, конань вечксы? Авазояк арси эсь уцяскадонзо: лисемс мирденень эли тейтерензэ максомс паро мирде экшс?

Башка валсо тешкставлинек актёртнэнь налксемаст. Васняяк, Тимофей Чудаевень. Сон налксесь сюпав купецень Ермил Зотыч Аховонь роленть. Нинзэ куломадо мейле вешнесь эстензэ лия ломань. Ды улезэ од, мазый, вадря, кунсолыця. Сельмезэ прась Дарья Федосеевна Кругловань лангс, кона доваль (Елена Гудожникова). Тонань ули 20 иесэ Агния од тейтерезэ (Татьяна Биушкина). Паряк, паро ули сонзэ саемс никс? Ермил Зотыч сыре прясонзо теке од цёрыне вети прянзо. Ды кода тесэ а пейдезеват? Агниянь ды аванзо улить превест ды ёжовчисткак, сынь учить паро эрямо.

Тейтеренть вечксы купеценть приказчикезэ Ипполит. Ансяк сон од, виздиця-пелиця ды ярмактомо. Кие кинь кочкасы? Те эзь содаво весе спектаклянь перть. Сюпав атянть кежей обуцязо, весень бажи кирдемс кенжензэ ало ды ансяк учи, зярдо ломантне кармить пильгес сюконямо тензэ. Видьстэ меремс, актёрось истямо нулготьксэвекс невтизе те образонть! Аволь стяко спектаклядонть мейле Тимофей Чудаевнень пек виевстэ цяпасть.

Лембестэ вастозель Елена Гудожниковань, Татьяна Биушкинань ды лия актёртнэнь налксемаст. Комедиясь лиссь мельстуиця ды пейдевтиця. Моледе ваномо тыньгак! Учотано истят жо мельстуиця спектаклят эрзянь кельсэяк!

Татьяна Маторкина
Фототне Н.Карановонь
 

О ГАЗЕТЕ "ЭРЗЯНЬ ПРАВДА"

Газета Эрзянь правда в настоящее время издается один раз в неделю на 16 страницах, четыре из них в цвете. Газета широко отражает вопросы общественно-политической, социально-экономической, культурной и духовной жизни республики, публикует международную информацию. «Эрзянь правда» распространяется в Оренбургской, Пензенской, Самарской, Ульяновской, Нижегородской областях, в республиках Татарстан, Чувашия, Башкортостан. Вместе с тем, для эрзян России вот уже не один год успешно функционирует электронная версия газеты, которую можно в настоящее время читать в Интернете. В этом большая заслуга всего редакционного коллектива газеты «Эрзянь правда».