Сёксень читне тедеде пек манейть ды лембинеть. Аштемс кудосо, зярдо весе пертьпельксэсь мазылгавтозь пиже-ожо, якстере ды лия тюссо, киньгак мелезэ арась.
Секскак ламот меельце читнестэ ношкстасть Нижегородской ёнксонь Болдинав, косо ашти поэтэнть А. С. Пушкинэнь музеесь-заповедникесь, Пензань ёнксонь Тарханы велев, косо эрясь М. Ю. Лермонтов… Минь жо кочкинек седе маласо ёнкстнэнь, тиринь Мордовиянь сехте содавикс таркатнень: Ицялбуень «Смольный» национальной парконь Налксемань экопарконть ды неть читнестэ панжозь «Орлово гнездо» оймсема куронть. Теде мерить экологической туризма.
Тешкстама, ардомс тов а пек васоло, Саранскойстэ ансяк 60 вайгельбеть, ды Кемлясто, сёрмадовкстнэнь лангс ванозь, туят вить ёнов Смольный велентень. Тосо таго илинк менстя сёрмадовксонть, конасонть тешкстазь «Визит-центр» ды «Экопарк» лемтне. Муемс а стака. Экопаркось – те а покш тарка, косо пичетнень юткова стявтнезь эрьва кодат налксемкат, нурямкат, озамкат, чувтосто эрьва кодат теевкст ды кудынеть… Мазычи ды ванькс кошт. Пек паро тарка фотосессиянь теемс, бути эштё пертьпельксэсь маней ды чипаесь мизолды менельстэ. Весе экопаркось ютави 30-шка минутас ды седе вечкеви вишка эйдетнень туртов. Седе покштненень, арсян, шкань ютазь тесэ сави майсемс, налксематне аволь сынст туртов. Якшамо чине экопаркканть ютамсто курок кельмат, ансяк вана минь эзинек муе вакстонзо кодамояк ярсамо-симема таркине. Кадык сёрмадозьгак, келя, тесэ ули кафе, ялатеке сон, нать, а роботы оймсема читнестэ эли панжовкшны, зярдо тей сакшныть покш группат. Пароль бу, тезэнь стявтомс кофень, чаень ды пачалксень микшнема кудыне, кодат улить Саранск ошонь парктнесэ. Ицялбуень предпринимательтненень пек паро микшнема таркине.
Те экопаркканть ютынек-снимсинек ды сыргинек Покш Игнатбуе ёнов. Ведьгемень вайгельбеть паро киланга, мейле аламошка вирь куншкава ды вана туристической од тештесь: ашо ал марто тумо атякшонь пизэсь. Те таркась Ицялбуень ды Игнатбуень охотниктненень ды пертьпельксэнь вечкицятненень содавикс. Сон ашти Болдинадо 30 вайгельбеде васоло. Кезэрень ёвтамотнень коряс, те вирькужосонть зярдо-бути аштесь покш тумо ды сонзэ тарадтнэнь потсо мусь эстензэ пизэ тумо атякшось. Мейле тезэнь стявтозель кордон, конанть истя лемдизьгак: «Орлово гнездо». Панжомс тарказонзо оймсема таркине чачсь «Заповедная Мордовия» вейсэндявксонтень. Ней те кужосонть аштить нумолонь, нармунень, сярдонь кшнинь фигурат, информационной стендт ды покш пизэ. Экскурсиясь тосо истя жо моли аволь куватьс. Секскак, арсян, «Орлово гнездо» таркинесь, экопаркось ды Болдинасо музеесь улевельть бу вейсэнь вадря туристической маршрутокс кода школасо тонавтницятнень, истя жо семиятнень туртов оймсема читнестэ.
Отяжбуесэ панжови сокссо кирякстнемань пандо
Паро куля сась эрзянь ёнкссто. Отяжелень райононь администрациянь Социальной касомань-кемекстамонь фондось яволявтсь лия ёнов а молиця пелькстамо. Эряви арсемс лем ды анокстамс логотип покш пандосто сокссо кирякстнемань оймсема таркантень, конась курок панжови Каменка веленть вакссо, сон ашти райцентрадонть кемень вайгельбень тарка. Келя, таркась а карми явовомо Куршевеленть эйстэ. Теевить кузема механизмат, кармить важодеме кафе, инжень кудо, сокстнэ кирякстнемс кармить максовомо ярмак лангс.
Пандонтень лементь эряви арсемс кавто валсто, мереви совавтомс эрзянь валткак. Социальной сеттнесэ те кулянть ало Мордовиянь эрицятне кадсть уш сядодо ламо комментарият, лемтне эрьва кодат, улить ракавтыцяткак. Эйстэст кочкавить вете сехте гайтевтне ды сынст ютксто пурнави изницясь. Сонензэ максови ярмаконь казне. Тешкстамга, покшолмазо 20 тёжат целковойть. А берянь! Ули эштё шка ёвтамс меленк ды саемс чондынетнень.
Яжазь-калавтозь церьковась курок одкстомтови
Сы шкань пандонь-соксонь курортонть вакссо ашти эштё вейке мельстуиця здания, конадонть Мордовиясо а весе содыть. Минек газетась жо а весть сёрмалесь сондензэ. Те – Живоначальной Троицянь храмось, конась умок уш яжазель-калавтозель. Сон ловови Мордовиянь сехте сыре храмтнестэ вейкекс. Стявтозель церьковась 1695 иестэ тосонь сюпав помещикенть Степан Григорьевич Чирковонь ярмаконзо лангс Италиянь мастертнэнь вийсэ. 1840 иестэ храмось одкстомтозель ды вакссонзо строязель баягань чавома од нупаль. Эйсэнзэ ульнесть кавто престолт: Живоначальной Троицянь ды Иневанькс Богородицань Роштовань. Советэнь шкасто церьковась пелевидьс калавтозель ды эйсэнзэ ванстсть сюро.
1937 иестэ зданиянть арсекшнесть овсе калавтомс, ансяк тевесь топавтозель 1990-це иетнестэ, зярдо яжазель башнятнень марто кудось. Ней тосо седе ванстовсть ансяк баягань чавома таркась ды кирьпецень зярыя стенат. Тедеде, кортыть, те храмось карми одкстомтовомо сюпав ломантнень ярмакост лангс. Тевесь пек паро. Тосонь таркатне а ёвтавицят, кода яла кортыть, виень пурнамонь таркат! Храмось ашти пандо прясо, вакссонзо сюронь певтеме паксят ды сэнь менелесь. Пандотне васняяк кекшить эйсэнзэ, ялатеке вайгельбешка ардозь, сон, а варманень а правтовиця, а ломаннень а изнявиця Пазонь кудо, лиси ды невти эсь кеме виензэ.
Анокстызе Марина Девятова
Тешкстама, ардомс тов а пек васоло, Саранскойстэ ансяк 60 вайгельбеть, ды Кемлясто, сёрмадовкстнэнь лангс ванозь, туят вить ёнов Смольный велентень. Тосо таго илинк менстя сёрмадовксонть, конасонть тешкстазь «Визит-центр» ды «Экопарк» лемтне. Муемс а стака. Экопаркось – те а покш тарка, косо пичетнень юткова стявтнезь эрьва кодат налксемкат, нурямкат, озамкат, чувтосто эрьва кодат теевкст ды кудынеть… Мазычи ды ванькс кошт. Пек паро тарка фотосессиянь теемс, бути эштё пертьпельксэсь маней ды чипаесь мизолды менельстэ. Весе экопаркось ютави 30-шка минутас ды седе вечкеви вишка эйдетнень туртов. Седе покштненень, арсян, шкань ютазь тесэ сави майсемс, налксематне аволь сынст туртов. Якшамо чине экопаркканть ютамсто курок кельмат, ансяк вана минь эзинек муе вакстонзо кодамояк ярсамо-симема таркине. Кадык сёрмадозьгак, келя, тесэ ули кафе, ялатеке сон, нать, а роботы оймсема читнестэ эли панжовкшны, зярдо тей сакшныть покш группат. Пароль бу, тезэнь стявтомс кофень, чаень ды пачалксень микшнема кудыне, кодат улить Саранск ошонь парктнесэ. Ицялбуень предпринимательтненень пек паро микшнема таркине.
Те экопаркканть ютынек-снимсинек ды сыргинек Покш Игнатбуе ёнов. Ведьгемень вайгельбеть паро киланга, мейле аламошка вирь куншкава ды вана туристической од тештесь: ашо ал марто тумо атякшонь пизэсь. Те таркась Ицялбуень ды Игнатбуень охотниктненень ды пертьпельксэнь вечкицятненень содавикс. Сон ашти Болдинадо 30 вайгельбеде васоло. Кезэрень ёвтамотнень коряс, те вирькужосонть зярдо-бути аштесь покш тумо ды сонзэ тарадтнэнь потсо мусь эстензэ пизэ тумо атякшось. Мейле тезэнь стявтозель кордон, конанть истя лемдизьгак: «Орлово гнездо». Панжомс тарказонзо оймсема таркине чачсь «Заповедная Мордовия» вейсэндявксонтень. Ней те кужосонть аштить нумолонь, нармунень, сярдонь кшнинь фигурат, информационной стендт ды покш пизэ. Экскурсиясь тосо истя жо моли аволь куватьс. Секскак, арсян, «Орлово гнездо» таркинесь, экопаркось ды Болдинасо музеесь улевельть бу вейсэнь вадря туристической маршрутокс кода школасо тонавтницятнень, истя жо семиятнень туртов оймсема читнестэ.
Отяжбуесэ панжови сокссо кирякстнемань пандо
Паро куля сась эрзянь ёнкссто. Отяжелень райононь администрациянь Социальной касомань-кемекстамонь фондось яволявтсь лия ёнов а молиця пелькстамо. Эряви арсемс лем ды анокстамс логотип покш пандосто сокссо кирякстнемань оймсема таркантень, конась курок панжови Каменка веленть вакссо, сон ашти райцентрадонть кемень вайгельбень тарка. Келя, таркась а карми явовомо Куршевеленть эйстэ. Теевить кузема механизмат, кармить важодеме кафе, инжень кудо, сокстнэ кирякстнемс кармить максовомо ярмак лангс.
Пандонтень лементь эряви арсемс кавто валсто, мереви совавтомс эрзянь валткак. Социальной сеттнесэ те кулянть ало Мордовиянь эрицятне кадсть уш сядодо ламо комментарият, лемтне эрьва кодат, улить ракавтыцяткак. Эйстэст кочкавить вете сехте гайтевтне ды сынст ютксто пурнави изницясь. Сонензэ максови ярмаконь казне. Тешкстамга, покшолмазо 20 тёжат целковойть. А берянь! Ули эштё шка ёвтамс меленк ды саемс чондынетнень.
Яжазь-калавтозь церьковась курок одкстомтови
Сы шкань пандонь-соксонь курортонть вакссо ашти эштё вейке мельстуиця здания, конадонть Мордовиясо а весе содыть. Минек газетась жо а весть сёрмалесь сондензэ. Те – Живоначальной Троицянь храмось, конась умок уш яжазель-калавтозель. Сон ловови Мордовиянь сехте сыре храмтнестэ вейкекс. Стявтозель церьковась 1695 иестэ тосонь сюпав помещикенть Степан Григорьевич Чирковонь ярмаконзо лангс Италиянь мастертнэнь вийсэ. 1840 иестэ храмось одкстомтозель ды вакссонзо строязель баягань чавома од нупаль. Эйсэнзэ ульнесть кавто престолт: Живоначальной Троицянь ды Иневанькс Богородицань Роштовань. Советэнь шкасто церьковась пелевидьс калавтозель ды эйсэнзэ ванстсть сюро.
1937 иестэ зданиянть арсекшнесть овсе калавтомс, ансяк тевесь топавтозель 1990-це иетнестэ, зярдо яжазель башнятнень марто кудось. Ней тосо седе ванстовсть ансяк баягань чавома таркась ды кирьпецень зярыя стенат. Тедеде, кортыть, те храмось карми одкстомтовомо сюпав ломантнень ярмакост лангс. Тевесь пек паро. Тосонь таркатне а ёвтавицят, кода яла кортыть, виень пурнамонь таркат! Храмось ашти пандо прясо, вакссонзо сюронь певтеме паксят ды сэнь менелесь. Пандотне васняяк кекшить эйсэнзэ, ялатеке вайгельбешка ардозь, сон, а варманень а правтовиця, а ломаннень а изнявиця Пазонь кудо, лиси ды невти эсь кеме виензэ.
Анокстызе Марина Девятова