Четверг, декабря 02, 2021
Важное

Ожоковонь 7-11-це читнестэ Орданьбуень Баеньбуе велесэ ютась чувтосто керсицянь «Наследники Эрьзи» регионъютконь фестиваль-пелькстамо. Сон алтави ине скульпторонть С. Д. Эрьзянь чачома чистэнзэ саезь 145 иетненень. Истямо пелькстамось эрси вете иес весть, сон ютавтови Баеньбуесэ С. Эрьзянь кудонть-музеенть вакссо.

Чувтосто керсицянь фестивалень проектэсь топавтови Президентэнь фондонь грантонть вельде. Сонзэ сёрмадыцясь – В. Б. Лазерсон лемсэ Орданьбуень народной театрань режиссёрось Т. А. Силантьева. Ютавтомс лездасть «Маяк» газетань редакция» АНО-сь, Орданьбуень райононь администрациясь, С. Эрьзянь кудось-музеесь, райононь Культурань кудось, Орданьбуень краеведениянь музеесь.

Весе неть читнень перть Баеньбуесэ мольсь алкуксонь кенярксчи. Велень ломантне пек кецнесть инжетненень. Райононь Культурань кудонь артисттнэ казсть концертт, невтевсть Орданьбуень райононь артыцятнень картинаст, райононь кедьчелькев ломантнень теевксэст. Теде башка, тесэ ютасть эрьва кодат мастер-класст: кодамонь, гончаронь тевень, кемень кевердемань ды викшнемань. Эйкакштнень туртов – налксемат ды пелькстамот.

Орданьбуень викшницясь Надежда Володина невтизе авань ды цёрань эрзянь оршамопелень коллекциянзо. А ёвтавияк, кодамо мазычи! Малавиксэнзэ ды весе, кинь ульнесь мелезэ, оршнизь лангозост панартнэнь-руцятнень ды кузсть сцена лангс. Зяро шка ды вийть эрявсть стамс-викшнемс оршамопельтнень!


Чувтосто керсеме сакшность кавксо ломанть. Неть: Владимир Алманов (Марий Элстэ), Дмитрий Трухин (Ивановань ёнкссто), Александр Рябов, Василий Гаушев, Антон Гаушев, Максим Рябов (Мордовиянь Кочкурбуестэ), Павел Посошнов ды Михаил Щуркин (Орданьбуестэ). Ламотне юткстост содавикс керсицят. Косо ансяк эзть пелькста, кодат ансяк скульптурат эзть тейне. Вирь Тавлань цёратнеде сёрмалинек ламо. Ды кода сынст а шнамс! Владимир Алмановгак аволь васенцеде сы пелькстамо Мордовияв. Сонзэ чувтосто керсезь теевксэнзэ кецявтыть ды дивавтыть. Нейгак, чувтосто керсицясь талновтынзе ломантнень. Сон теизе С.Эрьзянь чачонзо. Пек моли скульпторонть ёнов! Весе важодематне кармить аштеме Баеньбуесэ, сынь кармить казнекс.

Анокстызе
Татьяна Маторкина
 

О ГАЗЕТЕ "ЭРЗЯНЬ ПРАВДА"

Газета Эрзянь правда в настоящее время издается один раз в неделю на 16 страницах, четыре из них в цвете. Газета широко отражает вопросы общественно-политической, социально-экономической, культурной и духовной жизни республики, публикует международную информацию. «Эрзянь правда» распространяется в Оренбургской, Пензенской, Самарской, Ульяновской, Нижегородской областях, в республиках Татарстан, Чувашия, Башкортостан. Вместе с тем, для эрзян России вот уже не один год успешно функционирует электронная версия газеты, которую можно в настоящее время читать в Интернете. В этом большая заслуга всего редакционного коллектива газеты «Эрзянь правда».