Эйзюрковонь 1-це чистэ эрямосто тусь РСФСР-нь ды МАССР-нь народной артисткась, МАССР-нь ды Мордовия Республикань Государственной премиянь лауреатось, Мордовия Республикань Почётной гражданинэсь Мария Николаевна Антонова.
М.Н.Антонова морыцядонть содамо кармасть 1957 иестэ, зярдо Московсо Од ломанень ды студентэнь масторлангонь фестивальсэнть сон морызе «Умарина» моронть, кона токинзе тёжат кунсолыцятнень седеест.
Мария Николаевнань вайгелезэ явовсь тембрань мазычисэ, гайгемань вийсэ. Сон аволь ансяк морась, эсь моронь геройтнень вечкемадо ёвтнесь вановтсо, кедтнень аволдамосо. Ды маштыль тееме истя, штобу васень таркасо улевель моронть смустезэ. Сонзэ оймезэ морась эрямонь меельце минутатнес. Валдо ледстнемат алкуксонь морыцядонть!