«Маней чистэ несак пингеде-пингенть» – истямо лем ало аволь умок С. Д. Эрьзя лемсэ МРМИИ-нь выставкань залсонть малав ковонь перть невтневсть республикасонок содавикс художниктнень Светлана Борисовань ды Михаил Салдаевень артовксост. Мезе каявсь тов эрьва сыцянть сельмес: керамикась, суликась, живописесь.
Весе тосо невтевикс важодевкстнэ алтазельть Мордовия Республикань заслуженной художникенть, Россиянь Художникень вейсэндявксонтень совицянть Михаил Салдаевень 75 иетнень топодемантень. Куш те датась ульнесь седе икеле, сонзэ тешкстамс эзь максо стака ормась, конась куродокшнынзе масторлангонь ламот эрицятнень.
Тешкстасынек, выставканть панжомсто С. Д. Эрьзя лемсэ МРМИИ-нь прявтось, МР-нь Художникень вейсэндявксонь председателесь Людмила Нарбекова инжетненень ды выставкантень сыцятненень мерсь чатьмонемань минутасо ледстямс Светлана Борисовань валдо лементь, кинь эрямось апак учо сезевсь 2019 иень февральстэ. Эдь те выставкась алтавкшнось республикасонок содавикс кавонест ломантнень туртов.
Людмила Николаевна кортамсто тешкстынзе неень шкантень ладиця, философиянь домка смусть марто Михаил Салдаевень артовксонзо. Те эрзянь цёранть важодевкстнэнень истя жо покш питне путсь Россиянь Художникень вейсэндявксонь секретариатось. Сынь эсь мелест-арсемаст ёвтызь поздоровонь телеграммасонть.
Михаил Салдаевень ды Светлана Борисовань вейсэнь важодемадост, од ломантнень эсь ёрокчизэст тонавтомадонть, Мордовия Республикань художественной культурантень покш путовкстост пурнавозтненень ёвтнесь Н. П. Огарёв лемсэ МГУ-нь Национальной культурань институтонь народной художественной культурань ды театральной искусствань кафедрань профессорось Ольга Беломоева. Ольга Герольдовна тешкстызе Михаил Салдаевень кинь ёновгак а молиця художникень кинзэ, конань сон вети пингень перть.
Седе, кодамо валдо тешкс пингеде-пингес кады эсензэ мельга Михаил Васильевич, ды поздоровт Российской художествань академиянь ялгатнень ды эсензэ пельде ёвтась РАХ-нь член-корреспондентэсь, МР-нь заслуженной художникесь Иван Щанкин. Ламо лембе валт ды паронь арсемат ялганстэнь Михаил Салдаевнень ёвтась РАХ-нь член-корреспондентэсь, Мордовиянь народной художникесь, Россиянь заслуженной художникесь Николай Филатов. Сон тешкстынзе Михаил Салдаевень эмоциональной, сельмес каявиця ды художественной покш смусть марто произведениянзо, конат ладить МР-нь народной художникень лементень.
Виде, ваныцятнень ютксто ламотнень ульнесь кевкстемаст выставканть лемензэ коряс: «Маней чистэ несак пингеде-пингенть» («В ясный день увидишь вечность»). Теде толковамот макссь выставочно-экспозиционной отделэнь старшей научной сотрудникесь, выставкань кураторось Альбина Рункова. Кода мерсь Альбина Валерьевна, выставкань лемсэнть юрокс ашти Михаил Салдаевень ды Светлана Борисовань художественной посланиянь метафорической обуцясь (характерэсь). Альбина Рункова башка мель явсь Михаил Салдаевень ды Светлана Борисовань лиятнень ёнов а молиця произведениятнень вельде масторлангонь улеманть лиякс чарькодемантень.
Артовкстнэнь вакссо кувать кирдевсть эйкакшост Василий ды Анна, кить сакшность Санкт-Петербургсто. Мезесь кенярдовты, Василий цёраст поладызе художникень династиянть. Сон прядызе А.Л. Штиглиц лемсэ государственной академиянть ды ней тосо тонавтыця. Аня – дипломированной музыкант, сон тонавтнесь Казаньсэ.
Аволь умок савсь тень улемс Салдаевтнень кедьсэ, кортнемс Михаил Васильевич марто. Сон ледстнесь вишка пингензэ, конась пек стакаль. Семиясост ульнесть колмо эйкакшт, сондензэ башка, кавто патянзо: Матрёна ды Раиса. Тетяст Василий Салдаевень 1941 иестэ саекшнизь фронтов, сон войнань весе стакачитнень цидярдынзе. 1945 иестэ ранязель, секс кудов сась ансяк иень ютазь. Ансяк покш сэредькстнэ эзть максо тензэ кувака пинге, теде мейле куроксто кулось.
Те шкас Михаил Васильевич эзь стувто, кодамо нужачи ды вачочи несть аванзо Акулина Фроловна марто. Тень лангс апак вано, сон аволь ансяк школанзо эзизе кадо, текенень, свал бажась пек парсте тонавтнемс. Нать, а стяко ульнесь тензэ шожда тонавтнемс Чебоксаронь художественной училищасо, мейле прядызе И. Я. Яковлев лемсэ Чувашиянь государственной педагогической институтонть ды В. И. Мухина лемсэ Ленинградонь высшей художественно-промышленной училищанть.
Михаил Салдаевень важодевксэнзэ 1971 иестэ саезь свал невтневить республикань, регионъютконь, Россиянь, раськеютконь художественной выставкатнесэ. Текенень поладсынек, Михаил Васильевич – Н. П. Огарёв лемсэ МГУ-нь Национальной культурань институтонь эрзя-мокшонь культурань ды неень шкань искусствань коень-кирдань кафедрань тонавтыця, профессор. Сонзэ ламо казнетнень ютксо ули истямо, конась а кады мельтеме киньгак. 2008 иестэ Михаил Салдаевнень максозель «За спасение утопающих» медаль. Весе стакачитнень лангс апак вано, те ломанесь зярдояк пря а невти нусманякс, эрямонть лангс а пеняци. Лиясто саи кедезэнзэ гармония ды серьгеди моро. Тешкстасынек, налксеме тонадсь сонсь, нотатнень лангс ванозь.
Вана истят ёроков эрзянь цёрат эрить ютксонок!
Художественной керамикань коряс ламот важодевкстнэнь Михаил Васильевич ды Светлана Борисова теизь вейсэ. Ветешка иеде икеле С. Д. Эрьзя лемсэ музейсэ сынь уш невтекшнесть выставка. Ризксэнтень, Светлана Борисовань эрямось а шкастонзо сезевсь, ялатеке мирдезэ Михаил Васильевич юбилейной выставкантень совавтынзе сонзэ весе произведениятнень.
Мезесь эштё пек се чистэнть каявсь сельмес, выставканть ваномо састь ламо од ломанть. Неть, васняяк, Михаил Васильевичень ды Светлана Сергеевнань студенттнэ. Сыненст ульнесь мезес тонавтнемс, эдь мик ниле залтнэва понгавтнезельть-ладсезельть живописень, графикань ды декоративно-прикладной искусствань произведениятне, конатне вечкезь топавтозельть мирденть-нинть сырнень кедтнесэ эрямонь эрьва шкасто.
Валентина Юдина
Тешкстасынек, выставканть панжомсто С. Д. Эрьзя лемсэ МРМИИ-нь прявтось, МР-нь Художникень вейсэндявксонь председателесь Людмила Нарбекова инжетненень ды выставкантень сыцятненень мерсь чатьмонемань минутасо ледстямс Светлана Борисовань валдо лементь, кинь эрямось апак учо сезевсь 2019 иень февральстэ. Эдь те выставкась алтавкшнось республикасонок содавикс кавонест ломантнень туртов.
Людмила Николаевна кортамсто тешкстынзе неень шкантень ладиця, философиянь домка смусть марто Михаил Салдаевень артовксонзо. Те эрзянь цёранть важодевкстнэнень истя жо покш питне путсь Россиянь Художникень вейсэндявксонь секретариатось. Сынь эсь мелест-арсемаст ёвтызь поздоровонь телеграммасонть.
Михаил Салдаевень ды Светлана Борисовань вейсэнь важодемадост, од ломантнень эсь ёрокчизэст тонавтомадонть, Мордовия Республикань художественной культурантень покш путовкстост пурнавозтненень ёвтнесь Н. П. Огарёв лемсэ МГУ-нь Национальной культурань институтонь народной художественной культурань ды театральной искусствань кафедрань профессорось Ольга Беломоева. Ольга Герольдовна тешкстызе Михаил Салдаевень кинь ёновгак а молиця художникень кинзэ, конань сон вети пингень перть.
Седе, кодамо валдо тешкс пингеде-пингес кады эсензэ мельга Михаил Васильевич, ды поздоровт Российской художествань академиянь ялгатнень ды эсензэ пельде ёвтась РАХ-нь член-корреспондентэсь, МР-нь заслуженной художникесь Иван Щанкин. Ламо лембе валт ды паронь арсемат ялганстэнь Михаил Салдаевнень ёвтась РАХ-нь член-корреспондентэсь, Мордовиянь народной художникесь, Россиянь заслуженной художникесь Николай Филатов. Сон тешкстынзе Михаил Салдаевень эмоциональной, сельмес каявиця ды художественной покш смусть марто произведениянзо, конат ладить МР-нь народной художникень лементень.
Виде, ваныцятнень ютксто ламотнень ульнесь кевкстемаст выставканть лемензэ коряс: «Маней чистэ несак пингеде-пингенть» («В ясный день увидишь вечность»). Теде толковамот макссь выставочно-экспозиционной отделэнь старшей научной сотрудникесь, выставкань кураторось Альбина Рункова. Кода мерсь Альбина Валерьевна, выставкань лемсэнть юрокс ашти Михаил Салдаевень ды Светлана Борисовань художественной посланиянь метафорической обуцясь (характерэсь). Альбина Рункова башка мель явсь Михаил Салдаевень ды Светлана Борисовань лиятнень ёнов а молиця произведениятнень вельде масторлангонь улеманть лиякс чарькодемантень.
Артовкстнэнь вакссо кувать кирдевсть эйкакшост Василий ды Анна, кить сакшность Санкт-Петербургсто. Мезесь кенярдовты, Василий цёраст поладызе художникень династиянть. Сон прядызе А.Л. Штиглиц лемсэ государственной академиянть ды ней тосо тонавтыця. Аня – дипломированной музыкант, сон тонавтнесь Казаньсэ.
Аволь умок савсь тень улемс Салдаевтнень кедьсэ, кортнемс Михаил Васильевич марто. Сон ледстнесь вишка пингензэ, конась пек стакаль. Семиясост ульнесть колмо эйкакшт, сондензэ башка, кавто патянзо: Матрёна ды Раиса. Тетяст Василий Салдаевень 1941 иестэ саекшнизь фронтов, сон войнань весе стакачитнень цидярдынзе. 1945 иестэ ранязель, секс кудов сась ансяк иень ютазь. Ансяк покш сэредькстнэ эзть максо тензэ кувака пинге, теде мейле куроксто кулось.
Те шкас Михаил Васильевич эзь стувто, кодамо нужачи ды вачочи несть аванзо Акулина Фроловна марто. Тень лангс апак вано, сон аволь ансяк школанзо эзизе кадо, текенень, свал бажась пек парсте тонавтнемс. Нать, а стяко ульнесь тензэ шожда тонавтнемс Чебоксаронь художественной училищасо, мейле прядызе И. Я. Яковлев лемсэ Чувашиянь государственной педагогической институтонть ды В. И. Мухина лемсэ Ленинградонь высшей художественно-промышленной училищанть.
Михаил Салдаевень важодевксэнзэ 1971 иестэ саезь свал невтневить республикань, регионъютконь, Россиянь, раськеютконь художественной выставкатнесэ. Текенень поладсынек, Михаил Васильевич – Н. П. Огарёв лемсэ МГУ-нь Национальной культурань институтонь эрзя-мокшонь культурань ды неень шкань искусствань коень-кирдань кафедрань тонавтыця, профессор. Сонзэ ламо казнетнень ютксо ули истямо, конась а кады мельтеме киньгак. 2008 иестэ Михаил Салдаевнень максозель «За спасение утопающих» медаль. Весе стакачитнень лангс апак вано, те ломанесь зярдояк пря а невти нусманякс, эрямонть лангс а пеняци. Лиясто саи кедезэнзэ гармония ды серьгеди моро. Тешкстасынек, налксеме тонадсь сонсь, нотатнень лангс ванозь.
Вана истят ёроков эрзянь цёрат эрить ютксонок!
Художественной керамикань коряс ламот важодевкстнэнь Михаил Васильевич ды Светлана Борисова теизь вейсэ. Ветешка иеде икеле С. Д. Эрьзя лемсэ музейсэ сынь уш невтекшнесть выставка. Ризксэнтень, Светлана Борисовань эрямось а шкастонзо сезевсь, ялатеке мирдезэ Михаил Васильевич юбилейной выставкантень совавтынзе сонзэ весе произведениятнень.
Мезесь эштё пек се чистэнть каявсь сельмес, выставканть ваномо састь ламо од ломанть. Неть, васняяк, Михаил Васильевичень ды Светлана Сергеевнань студенттнэ. Сыненст ульнесь мезес тонавтнемс, эдь мик ниле залтнэва понгавтнезельть-ладсезельть живописень, графикань ды декоративно-прикладной искусствань произведениятне, конатне вечкезь топавтозельть мирденть-нинть сырнень кедтнесэ эрямонь эрьва шкасто.
Валентина Юдина