Сёксень пиземе читнестэ ламот эйстэнек арсить лембе велькс ало тантей тикшень чайде симемадо. Арсить теде Отяжбуень Ламбаське велень «МАПО «Восток» велень хозяйствасонть важодицятнеяк, ансяк зярс а шка.
Позда сёксняяк тесэ тевтнеде пек ламо. Моли ламбамо якстерькаень таргамось, буртс каямось ды Ромодановань сахаронь заводов ильтямось. «МАПО «Восток» ООО-нь прявтось Александр Владимирович Трошин ды прявт агрономось Николай Иванович Слугин мелявтыть тедедень якстерькаенть урожаензэ кувалма. Видсть 2616 гектарт, сайсть 370 центнерт ве гектарстонть. Цифрась а берянь, ялатеке меленсенть коряс седе вишкине. Кортыть, пертьпельксэсь теньсэ чумо, якстерькаесь эзь касо, пиземетнеде ульнесть аламо. Александр Владимирович тешксты, ней васенце мелесь: пурнамс эмеженть куроксто, кабу сон а ёмавтовлизе летькензэ, эдь бути коськи, сталмозояк валги. Те тевесь велень хозяйствантень а эряви: ведев якстерькаесь седе ламо ярмакт канды. Вана истямо те ламбамо эмеженть салавачизэ.
Аволь умок «Ромодановосахар» ООО-со улемстэ минь неинек, кода паксясто ускозь якстерькаесь тееви сахарокс. А вана кода сон таргави, пурнави ды заводов ильтяви, те тевенть ваномо сыргинек «МАПО «Восток» ООО-нь васоло паксятнес прявт агрономонть Николай Иванович Слугин марто. Сонзэ «Шевроле Нивазо» чизэнзэ ламо вайгельбеть ардтни паксятнева, эдь сынь аволь ансяк Ламбаськень чиреват, улить Трокс Кужосо (Киржеманы), Пардэлесэ ды седе васолояк.
Минек репортажось ушодовсь ки чирестэ. Тесэ кшнинь вагончикстэ вастынек якстерькай марто машинатнень ловицянть Мария Николаевна Жадяевань. Сон эрьва чистэ васты-ильти «КамАЗ»-тнэнь, специальной терминалсо лови сынст картаст. Чизэнзэ ней колоньгеменьшка рейст ваксканзо ютыть мекев-васов, «КамАЗ»-тнэстэ кемгавтовотне сахаронь заводсто сакшныть, колмотне – эсест велень хозяйствань. Эрьвантень теевить чизэнзэ ансяк кавтошка рейст, васняяк, ардомась васов, омбоцесь – заводсонть очередь, машинатне тей ардыть весе республикастонть.
Паксясонть те чистэнть важодсь Валерий Александрович Миронов комбайнёрось. Сон эрьва чистэ сакшны роботамо Ицялбуень Береговые Сыреси велестэ, предприятиясь явсь тензэ «Уазик» ды цёрась кепеди-пурны якстерькаенть немецень фирмань «Кляйн» погрузчиксэ. Корты, неть машинатне пек явовить таштотнень эйстэ: кабинасонть неень шкань оборудования, лембе, валдо. Ламбамо якстерькаесь, конась ашти буртсо, стака кепедемс коськестэ, секскак погрузчикенть вакссо свал ашти ведь марто боцька, конаньстэ валныть эмежтнень. Те тевенть топавты од цёрась Евгений Веряскин.
Трокс Кужо велень паксястонть минь саинек курс Пардэле ёнов. Тесэ ламбамо якстерькаесь эштё таргави. Агрономось Николай Иванович ёвтни, ушодсть котьмамо якстерькаенть марто колмо недлядо икеле, паряк, те шкас прядовлизь, ансяк вана усксиця машинатнеде аламо, секскак тевесь моли аламонь-аламонь.
Те паксясонть минь вастынек якстерькаень таргиця колмо покш машинат. «ROPA» погрузчиктне пурныть эсь бункертнэс 20-22 тоннат ды мейле каясызь буртс. Комбайнёртнэ Анатолий Николаевич Девяткин, Александр Андреевич Киселёв ды Сергей Васильевич Пугачёв роботыть кавто сменасо. Ве чи сынст бригадась, ве чи лиятне. Погрузчиктненень уштомапелесь ускови видьстэ паксяс. Тей жо ускить ярсамопелентькак. Минь ваксозост пачкодинек самай обедстэ. Погрузчиктне те шкане заправавсть, а комбайнёртнэ аламошкас оймсесть ды учость тантей каванямка марто «Уазикенть», конась эрьва чистэ ускси тенст обед, ужин ды сухпаёк. Ярсамопеленть пидить-панить хозяйстванть столовойсэ. Ольга Ивановна Манеровань командазо аноксты ярсамопельтнень оймень путозь, ансяк эсест хозяйствасо кастозь экологической ванькс продуктасто. Мейле явшицятне ямонть, кашанть, сывель марто модамартнень, пси чаенть усксесызь паксява. Те чистэнть дежурясь Анна Калинкина, ды од тейтересь капшась явшемс вакантнэнь. Сонзэ эштё учость лия таркатневаяк.
Миньгак эзинек карма куватьс «ойме ливтеме», кода кортыть эрзятне, ды сыргинек веле ёнов. Ульнесь меленек варштамс кинть вакссо лисьмапрянть, конась одкстомтови «МАПО «Восток» ООО-нть ярмактнень вийсэ. Лисьманть ведесь пек вечкеви велень эрицятненень ды инжетненень, тесэ свал аштить машинат, конатне бутыльс пештить кудов тантей симемапеленть. Ансяк вана пачкодемс ваксозонзо стакаль, лисьмась ашти латкосо, яннэсь свал начко, рудазов. Сонсь лисьмаськак каладозель, пештязель шукшто. Секскак сась мель ванськавтомс сонзэ, путомс кольцят, строямс эйзэнзэ сэдне, келейгавтомс ды валомс бетонсо площадканть. Зярдо минь сынек, лисьмапрясь, ловт, ульнесь анок. Строицятне теильть прязонзо вельтявкс. Тешкстама, велень предприятиянь прявтось А. В. Трошин а стувтни эрицятнень лия пшкадемадосткак. Хозяйствась свал яви кинь урядамс, калмазырень ванськавтомс тракторт, стявтсь озномань крёстт Ламбаськень ды Трокс Кужонь китнень ваксс, строясть часовня, одкстомтызь калмазырень пирявксонть. Ламбаськень школанть вакссо спортплощадканть витнемс-петнемс явозель материал ды транспорт. Эрьва иестэ предприятиясонть трудицятне Велень хозяйствань важодицятнень чинтень казевить премиясо, ветерантнэ жо – продуктань пакетсэ. Ламо лия паро тевть тесэ теевить, васенцесь жо – те важодема таркатнень максомась ды аволь берянь зарплатань пандомась. Ули велень кеме хозяйства, превей прявт, робота – эри велеськак!
Поздоровт кенярксчинть кувалма
Мельвановикс ялгат-оят! «МАПО «Восток» ООО-нь важодицят!
Ёвтан тенк лембе поздоровт Велень хозяйствань роботниктнень чинть кувалма! Кадык тынк эрямосо свал карми шумбрачи, уцяска, семиясонть лембечи, чарькодема, мельванома. Тынк важодиця кедтне а содыть оймсема, ярмаксо а онкстави се покш трудось, конань тынь тейтядо чиде-чис. Трудонь ломантне – минек сехте покш питнейчинек, каштанчинек ды кадык истя карми свал!
«МАПО «Восток» ООО-нь прявтось А. В. Трошин.
Марина Девятова
Фототне Эдуард Ретунскиень
Аволь умок «Ромодановосахар» ООО-со улемстэ минь неинек, кода паксясто ускозь якстерькаесь тееви сахарокс. А вана кода сон таргави, пурнави ды заводов ильтяви, те тевенть ваномо сыргинек «МАПО «Восток» ООО-нь васоло паксятнес прявт агрономонть Николай Иванович Слугин марто. Сонзэ «Шевроле Нивазо» чизэнзэ ламо вайгельбеть ардтни паксятнева, эдь сынь аволь ансяк Ламбаськень чиреват, улить Трокс Кужосо (Киржеманы), Пардэлесэ ды седе васолояк.
Минек репортажось ушодовсь ки чирестэ. Тесэ кшнинь вагончикстэ вастынек якстерькай марто машинатнень ловицянть Мария Николаевна Жадяевань. Сон эрьва чистэ васты-ильти «КамАЗ»-тнэнь, специальной терминалсо лови сынст картаст. Чизэнзэ ней колоньгеменьшка рейст ваксканзо ютыть мекев-васов, «КамАЗ»-тнэстэ кемгавтовотне сахаронь заводсто сакшныть, колмотне – эсест велень хозяйствань. Эрьвантень теевить чизэнзэ ансяк кавтошка рейст, васняяк, ардомась васов, омбоцесь – заводсонть очередь, машинатне тей ардыть весе республикастонть.
Паксясонть те чистэнть важодсь Валерий Александрович Миронов комбайнёрось. Сон эрьва чистэ сакшны роботамо Ицялбуень Береговые Сыреси велестэ, предприятиясь явсь тензэ «Уазик» ды цёрась кепеди-пурны якстерькаенть немецень фирмань «Кляйн» погрузчиксэ. Корты, неть машинатне пек явовить таштотнень эйстэ: кабинасонть неень шкань оборудования, лембе, валдо. Ламбамо якстерькаесь, конась ашти буртсо, стака кепедемс коськестэ, секскак погрузчикенть вакссо свал ашти ведь марто боцька, конаньстэ валныть эмежтнень. Те тевенть топавты од цёрась Евгений Веряскин.
Трокс Кужо велень паксястонть минь саинек курс Пардэле ёнов. Тесэ ламбамо якстерькаесь эштё таргави. Агрономось Николай Иванович ёвтни, ушодсть котьмамо якстерькаенть марто колмо недлядо икеле, паряк, те шкас прядовлизь, ансяк вана усксиця машинатнеде аламо, секскак тевесь моли аламонь-аламонь.
Те паксясонть минь вастынек якстерькаень таргиця колмо покш машинат. «ROPA» погрузчиктне пурныть эсь бункертнэс 20-22 тоннат ды мейле каясызь буртс. Комбайнёртнэ Анатолий Николаевич Девяткин, Александр Андреевич Киселёв ды Сергей Васильевич Пугачёв роботыть кавто сменасо. Ве чи сынст бригадась, ве чи лиятне. Погрузчиктненень уштомапелесь ускови видьстэ паксяс. Тей жо ускить ярсамопелентькак. Минь ваксозост пачкодинек самай обедстэ. Погрузчиктне те шкане заправавсть, а комбайнёртнэ аламошкас оймсесть ды учость тантей каванямка марто «Уазикенть», конась эрьва чистэ ускси тенст обед, ужин ды сухпаёк. Ярсамопеленть пидить-панить хозяйстванть столовойсэ. Ольга Ивановна Манеровань командазо аноксты ярсамопельтнень оймень путозь, ансяк эсест хозяйствасо кастозь экологической ванькс продуктасто. Мейле явшицятне ямонть, кашанть, сывель марто модамартнень, пси чаенть усксесызь паксява. Те чистэнть дежурясь Анна Калинкина, ды од тейтересь капшась явшемс вакантнэнь. Сонзэ эштё учость лия таркатневаяк.
Миньгак эзинек карма куватьс «ойме ливтеме», кода кортыть эрзятне, ды сыргинек веле ёнов. Ульнесь меленек варштамс кинть вакссо лисьмапрянть, конась одкстомтови «МАПО «Восток» ООО-нть ярмактнень вийсэ. Лисьманть ведесь пек вечкеви велень эрицятненень ды инжетненень, тесэ свал аштить машинат, конатне бутыльс пештить кудов тантей симемапеленть. Ансяк вана пачкодемс ваксозонзо стакаль, лисьмась ашти латкосо, яннэсь свал начко, рудазов. Сонсь лисьмаськак каладозель, пештязель шукшто. Секскак сась мель ванськавтомс сонзэ, путомс кольцят, строямс эйзэнзэ сэдне, келейгавтомс ды валомс бетонсо площадканть. Зярдо минь сынек, лисьмапрясь, ловт, ульнесь анок. Строицятне теильть прязонзо вельтявкс. Тешкстама, велень предприятиянь прявтось А. В. Трошин а стувтни эрицятнень лия пшкадемадосткак. Хозяйствась свал яви кинь урядамс, калмазырень ванськавтомс тракторт, стявтсь озномань крёстт Ламбаськень ды Трокс Кужонь китнень ваксс, строясть часовня, одкстомтызь калмазырень пирявксонть. Ламбаськень школанть вакссо спортплощадканть витнемс-петнемс явозель материал ды транспорт. Эрьва иестэ предприятиясонть трудицятне Велень хозяйствань важодицятнень чинтень казевить премиясо, ветерантнэ жо – продуктань пакетсэ. Ламо лия паро тевть тесэ теевить, васенцесь жо – те важодема таркатнень максомась ды аволь берянь зарплатань пандомась. Ули велень кеме хозяйства, превей прявт, робота – эри велеськак!
Поздоровт кенярксчинть кувалма
Мельвановикс ялгат-оят! «МАПО «Восток» ООО-нь важодицят!
Ёвтан тенк лембе поздоровт Велень хозяйствань роботниктнень чинть кувалма! Кадык тынк эрямосо свал карми шумбрачи, уцяска, семиясонть лембечи, чарькодема, мельванома. Тынк важодиця кедтне а содыть оймсема, ярмаксо а онкстави се покш трудось, конань тынь тейтядо чиде-чис. Трудонь ломантне – минек сехте покш питнейчинек, каштанчинек ды кадык истя карми свал!
«МАПО «Восток» ООО-нь прявтось А. В. Трошин.
Марина Девятова
Фототне Эдуард Ретунскиень