- Подробности
- Категория: События недели
Республикань велень хозяйствань предприятиянь паксятнесэ моли ламбамо якстерькаень урядамось. Те культуранть видемань ёнкссонть сехте пек важодить Мордовиянь агропромышленной объединениянть (МАПО) юрс совиця хозяйстватне. Неть: Отяжелень райононь «МАПО «Восток», Орданьбуень «МАПО «Ардатов» ООО-тне (тезэ истя жо сови «Светлый путь» СХПК-сь), Ромодановань «ООО МАПО и К» ТНВ-сь, «АПО Элеком» ОАО-сь ды лиятне, Покш Игнатовань «8-ое Марта» ООО-сь, истя жо Лямбирень, Чаунзань ды Кочкуровань районтнэнь зярыя предприятиятне.
- Подробности
- Категория: События недели
«Айда играть!» мельстуиця фестиваль васенцеде ютась аволь умок Башкортостанонь Уфа ошсо. Ошонть куншкакуросо сравтозельть эйдень налксемань площадкат, эрьва кодамо налкшке марто лавкат, ульцятнева секе-тев яксесть мультфильмань ды ёвксонь геройть. Эсест теевксэст тесэ невтсть Россиянь зярыя регионтнэстэ кедьчелькев ломантне.
- Подробности
- Категория: События недели
Неть читнестэ Саранск ошонь Культурань кудосо ютавтовсь «Норовонь кептерне» («Урожайная корзинка») выставкась, косо Саранск ошонь ды маласо велетнень эрицятне невтизь эсь пиретнесэ кастозь сюпавчинть. Выставкань лавсятнень лангсо – эмежть ды фруктат, цецясто мазый теевкст, салтовкст-пидевкст ды ламо лия мезе, мезенть азораватне ды азортнэ кастызь эсь эмежпиретнесэ.
- Подробности
- Категория: События недели
Республикань велень хозяйствань предприятиятнесэ прядовома лангсот весе тевтне сюронь нуеманть-урядамонть коряс. Ней уш кундасть ламбамо якстерькаень таргамонтень. Кодамо чачсь сюрось тедеде, зяро пурназь ды кода мольсть весе тевтне, миненек ёвтнесть «Мордовское агропромышленное объединение «Восток» ООО-сонть, конась важоди Отяжелень райононь Ламбаське велесэ. Кода тешкстась хозяйствань прявтось Александр Владимирович Трошин, сюротнень нуеманть неть читнестэ прядызь, ансяк тевтнеде эштё ламо.