- Подробности
- Категория: Экономика
Течи «Ардатовский светотехнический завод» акционерной обществань продукциясь содавикс аволь ансяк минек республикасо, истя жо сонзэ парсте содасызь Россиясо ды омбо мастортнэсэ. Неень шкане тосо теевить эрьва кодамо модификациянь 3000 ламо валдомтыця приборт, конат тевс нолдавить республикасо ды масторонь лия регионтнэсэ. Те заводсонть нолдазь лампатне неень шкане валдомтыть Россиянь ды Мордовиянь спорткомплекстнэнь, школатнень, эйдень кужотнень, промышленной ды муниципальной объекттнэнь.
- Подробности
- Категория: Экономика
Республикань агропромышленной комплекссэ важодицятне течи кецить эсь важодемаст кувалма. Ды кода а кецямс?! Тедеде сынь сайсть 1 миллион тоннадо ламо сюро. А мезть сёпомс, теньсэ покш таликаст республикань весе районтнэнь велень хозяйствань предприятиятнень.
- Подробности
- Категория: Экономика
…Ледстневить кавксоньгеменце иетне. Республикань велень хозяйствань ды перерабатывающей промышленностень предприятиятне пачтить эсь изнявкстнэде. Велькска топавтовить государствантень сывелень, ловсонь, сюронь миемань аравтлувтне.
Дубенкань районсо ансяк паро валсо кортасть тесэнь крахмалонь теемань заводонть ланга. Сон ашти мазыйдеяк мазый таркасо, Орданьбуе веленть вакссо. Предприятиясь эсь продукциянзо – крахмалонть – микшнесь аволь ансяк минек республикасо, сонзэ томбалеяк. Крахмал марто автомашинатне ардсть Самарав, Оренбургов, Нижней Новгородов, Ульяновскоев, масторонь лия оштнес.
- Подробности
- Категория: Экономика
Кортыть, зярдо ломанесь котьми вечкевикс тевсэ, сон пек уцяскав. Ды, бути арсемскак – те алкукс истя. Истямо ломаненть вановтозояк лия: панжадо, валдо, сэтьме ды ванькс. Газетасо важодемань иетнень перть савкшнось вастневемс эрьва кодамо профессиянь ломань марто. Пек кенярдовты се, кода ламот алкукс вечксызь эсь тевест. Эсь роботадонть сынь ёвтнить покш мельсэ ды уцяскав мизолкс марто. Ламо истят трудий ломанть вастокшнынь «Тепличное» АО-сонть. Сынст ютксо – Светлана Васильевна Котова. Авась важодемань кинзэ тесэ ушодокшнызе эштё 1993 иестэ.