|
|
|
ПФО-нь законодательтне ютавтызь 35-це промксост |
|
Те недлястонть Мордовия Республикась вастсь ламо покш инжеть. Овторникстэ Саранск ошсо ютась РФ-нь Равчирень федеральной округонь субъекттнэнь государственной властень законодательной (представительной) органтнэнь Ассоциациянь 35-це промксось. Ассоциациянть участниктненень ютавтозель апокшке экскурсия Саранск ошканть. Инжетне ванкшнызь васняяк Ведень спортонь Дворецэнть, мейле совсесть В.М.Чегинэнь лемсэ ЦОП-нтень, косо сынст вастызь минек республикань спортонь якамонь коряс содавикс олимпийской чемпионтнэ О.Каниськина, В.Борчин, В.Кирдяпкин. Невтезель Республикань Перинатальной центраськак. Теде мейле весе участниктне пурнавсть «Мордовия» спортонь комплексэнть конференц-залс. Промксонть панжизе Ассоциациянь координаторось, Оренбург енксонь Законодательной Собраниянь Прявтось С.И.Грачев. Сон тешкстызе, XXXV-це заседаниясь ютавтови кавто площадкасо ды эйсэнзэ кармить кортамо кавто мелявтовтыця кевкстематнеде. Васенценть коряс «О предложениях по совершенствованию законодательства в органах местного самоуправления» кортамось седе тов поладозель Республикань Кудосо.
Спорткомплекссэ жо участниктне кортасть ПФО-со физкультуранть ды спортонть кастомадо-кемекстамодо.
Заседаниянь участниктненень приветственной валт евтась МР-нь Правительствань Председателесь В.Ф.Сушков. Мейле МР-нь Государственной Собраниянь Прявтось В.В.Чибиркин ловнось доклад «О формировании здорового образа жизни и об обеспечении населения объектами спортивной инфраструктуры на примере Республики Мордовия» ды весень туртов невтезель «Спортивная Мордовия» фильмань презентациясь.
Истямо жо фильма, ансяк спортивной Удмуртиядо, усксь Ассоциациянь участниктненень невтемс Удмуртия Республикань Госсоветэнь Председателень тевень топавтыцясь С.П.Кривилева. Пенза енксонь Законодательной Собраниянь Прявтось И.А.Белозерцев ловнось доклад эсест областень спортсо ды физкультурасо изнявкстнэде. Сон тешкстызе, Мордовиясь ламо регионтнэнь туртов ашти невтемакс ды Пенза енксось бажи сасамс минек республиканть спортонь невтевкстнэнь коряс.
|
|
Подробнее...
|
|
|
Ине изнямонь чись - сехте питней ды валдо кеняркс! |
|
Мордовиянь кементь тежат эрицят ульнесть Ине Отечественной войнасо Изнямонь 68 иетнень топодемантень алтазь кенярксчинь мероприятиятнень участникекс. Республикань прявтошонь куншка куросо, Пингеде-пингес палыця толонть вакссо, Изнямонь площадьсэнть коень коряс пурнавкшнось митинг-реквием. Ломантне истямо лувсо евтасть седейшкавань сюкпря фронтовиктненень. Митингсэнть ульнесть ламодояк ламо од ломанть. Сынь пек парсте кирдить мельсэст покштяст-бабаст изнявкстнэнь.
Пингеде-пингес палыця толонть вакссо трибунатнень лангсо сехте почетной таркатнесэ аштесть ветерантнэ. Поздоров марто сыненст пшкадсь МР-нь Прявтось В.Д.Волков.
– Течи весень минек туртов сехте талновтыця, сехте питней ды валдо кенярксчи – Ине Изнямонь чи, – тешкстызе Мордовиянь Прявтось. – 68 иеть явить ломантнень 1945 иень маень 9-це чинть эйстэ. Минек масторонть туртов те войнась васень чистэнть саезь теевсь Ине Отечественнойкс. 1418 кувака читнень ды ветнень перть войнась прядовсь Изнямосо. Тень кис максозь покш питне – ломанень эрямот, емавтозь уцяскат.
Ине Отечественной войнасо чавовозтненень памятникентень путозельть каштазт Мордовиянь Прявтонть, МР-нь Госсобраниянть, республикань Правительстванть, ПФО-со РФ-нь Президентэнь Полномочной Представителень Аппаратонть, Саранск ошонь Администрациянть ды депутатонь Советэнть пельде. Истя жо памятникентень путсть цецят войнасо чавовозтнень доватне ды эйкакштне-нуцькатне, ошонь предприятиятнень важодицятне, общественной вейсэндявкстнэ ды политической партиятне ды ламот лият.
|
|
Подробнее...
|
|
Течи - тундонь ды трудонь кенярксчи! |
|
Васень  Маень кенярксчись Россиясо официальна кармась тешкставомо Октябрянь революциядонть мейле. Те чистэнть ютавтовсть важодиця ломанень демонстрацият ды военной парадт. Лия мастортнэсэяк Васень Маесь ловови государственной кенярксчикс. Невтемакс, Васень Маесь – Трудонь чись – ловови официальной кенярксчикс Англиясо, Германиясо, Болгариясо, ЮАР-со ды лиясо.
Россиясо Петровской полавтоматнеде икелеяк, нама, ульнесть тундонть ды кизэнть самонтень алтазь кенярксчить, сынь сеедьстэ тешкставсть велетнесэ ды сундерьгадома шкастонть – паксянь тевтнеде мейле. Васень Маенть оштнесэ тешкстамонь историясь саи ушодксонзо I Петрань Указстонть, косо евтазель Сокольниксэ (Москов) ды Екатерингофсо (Петербургсо) кенярксчинь гуляниятнень ютавтомань эрявиксчиденть. Васень Маень гуляниятне алтазельть тундонь самонтень, сынст эйсэ участия примасть весе важодицятнеяк, сюпавтнеяк ды мик императоронь фамилиянь представительтнеяк.
Васень Маень кенярксчитнестэ Россиясо свал ульнесть ярмункат, карусельть, чаень ды ламбамопелень микшнема лавкат. Ульцятне ды ошонь парктне пешксельть ломанде, седе тов тень юрсо революционертнэ кармасть пурнамо промкст. Истят революционной мероприятиятне кармасть лемдевеме «маевкакс».
|
|
Подробнее...
|
|
Тиринь келесь раськень ойме! |
|
Теевсь вадря  коекс апрелень 16-це чистэ тешкстамс Эрзянь ды мокшонь кельтнень чинть. Тедеде те кенярксчись ютавтозель комсецеде.
Тиринь келень чись республикасонок ды сонзэ томбале тешкставсь пек келейстэ. Саранск ошсо кенярксчинь тевтне ушодовсть А.С.Пушкиннэнь памятникенть вакссо. Тесэ ютавтовсь «А.С.Пушкин ды эрзянь-мокшонь поэзиясь» литературно-музыкальной марафонось. Тей пуромкшность весе сеть, кить сермадыть стихотвореният тиринь эрзянь ды мокшонь кельтнесэ, кить вечксызь тиринь тетянь-авань кельтнень, кить покш мельсэ кортыть вейкест-вейкест ютксо тиринь кельсэ. Кенярксчинь ютавтыцятне – Россиянь Писателень союзонь членэсь Т.С.Баргова ды Равчирень финнэнь-угрань раськень культурань центрань координаторось Р.Б.Щанкина. Сынь тешкстызь, а стяко те чистэнть весе пуромсть ине поэтэнть памятникензэ ваксс. Эдь А.С.Пушкин – те аволь ансяк рузонь раськенть питнейчизэ, те весероссиянь ды масторлангонь сюпавчи. Питней се, те ине поэтэнть шкинеманзо лангс нежедезь стихотворениянь сермадомо ушодсть эрзянь ды мокшонь содавикс поэттнэ – И.П. Кривошеев, П.Кириллов, Артур Моро, Никул Эркай, Максим Бебан ды ламот лият.
Кенярксчинь вастовоманть панжизе МР-нь Национальной политикань коряс министрань полавтыцясь А.И.Карьгин. Александр Иванович покш мельсэ пшкадсь пуромозетненень тиринь мокшонь кельсэ:
– Покш мельспаро, Эрзянь ды мокшонь кельтнень чинтень течи алтазь пек ламо мероприятият республикань малав весе школатнесэ ды сонзэ томбалеяк. Пек кенярдан, течинь минек вастовомась ютавтови ушосо – кадык весе ютыцятне марясызь, кода виевстэ, мазыйстэ гайгить минек кельтне. Арсян, истят вастовоматне кармить ютавтовомо седе товгак. Кенярксчи марто весень!
|
|
Подробнее...
|
|
Казнеть сыре ломантненень |
|
Неть читнестэ  Саранск ошонь округонь Ленинской райононь администрациясо ютавтовсь покш мероприятия. Тей пуромкшность республикань прявтошонь сыре ломанень клубтнес совицятне. Тувталоськак тень туртов ульнесь редявикс – евтызь клубтнень ютксо ютавтовиця пелькстамонь изницятнень.
Вастовоманть панжизе ды ветясь Саранск ошонь округонь Администрациянь сыре ломантнень марто важодемань коряс управлениянь прявтось Р.Г.Егорчикова. Пелькстамось яволявтозель ютазь иень декабрясто. Эйсэнзэ меревсь примамс участия клубтненень, конат вейсэндить сыре ломантнень мелест-арсемаст, вечкевикс тевест кувалма. Ванкшноматнеде мейле кочказельть Саранск ошонь 22 клубт, конатне январь-март ковтнень перть ютавтсть ероков важодема: сермадсть отчетт, анокстасть сюпав портфолиот, ютавтсть кенярксчинь концертт, ветясть вастовомат ды истя седе тов. Тень весементь топавтсть жюринть пшти вановтост ало.
Пуромозтне мельспаросо тешкстызь, иеде иес ошсонок ламолгадыть важодиця клубтне. Сынст прявт тевест – лездамс сыретненень, пурнамс сынст вейс, кортамс мартост, ютавтомс эрьва кодат мельстуиця мероприятият. Весементь тень вельде кандомс тенст кеняркс.
– Кепети ежось сень эйстэяк, неть клубтнес яксить аволь ансяк ават, истя жо цераткак ды мирдть-нить вейсэ, – мерсь Р.Г.Егорчикова.
|
|
Подробнее...
|
|
|
|
|
<< Первая < Предыдущая 1 2 3 4 5 6 7 8 9 10 Следующая > Последняя >>
|
|
|
Праймеризэнть вельде - депутатокс |
2013 иень августонь 18-це чистэ Саранскойсэ ютавтовить кочкамот МР-нь Госсобранияс Юго-Западонь вейке мандатонь кочкамонь 24 номер округонть коряс. Тувталось тенень депутатонть М.Ю.Морозовонь МР-нь здравоохранениянь министрань тевенть топавтомо туемась, сондензэ мейле кадовикс таркантень лия ломанень кочкамось.
«Единая Россия» Мордовиянь региононь отделениясь кочкамотнес кандидаттнэнь лемест евтынзе партиянть ютксо икелев вайгелень максомань лувсо.
Истя жо икелев арсезель праймеризэнть ютавтомс ниле этапсо, косо кочкицятне макссызь вайгелест мелезэст туиця кандидатонть кисэ. Васенцесь эйстэст ульнесь 2013 иень апрелень 12-це чистэ М.Е.Евсевьевень лемсэ Мордовской госпединститутонь покш залсонть. Тов пуромкшность Октябрьской райононь эрицятне. Сынст марто вастовомо, кандидаттнэде башка, сакшность «Единая Россия» Партиянь Мордовской региононь отделениянь Секретарень полавтыцясь, Региононь исполнительной комитетэнь прявтось С.В.Борисов ды Партиянть кисэ аштицятнень региононь Советэнь прявтось, М.Е.Евсевьевень лемсэ МГПИ-нь ректорось В.В.Кадакин.
Вастовоманть ушодовомсто С.В.Борисов тешкстызе праймеризэнть ютавтомсто Общероссийской народонь фронтонть партнерокс улеманзо.
|
|
Подробнее ... |
|
Олимпиадась панжинзе кенкшензэ |
Саранскойсэ панжовсь мировой художественной культурань коряс школасо тонавтницятнень Весероссиянь олимпиадань меельце этапось. Сон карми молеме мартонь 26-це чистэ саезь 31-це чис Национальной культурань институтсо. Мордовияв пелькстамо састь Россиянь 51 регионсто 132 тонавтницят. Сынь тонавтнить 9-11-це класстнэсэ. Содамочист тешкстамо карми жюрись, ков совасть Московонь ды лия ошонь вузонь профессорт, наукань докторт, ученойть. Искусствань коряс олимпиадась кармась ютамо Россиясо 2010-це иестэ саезь РФ-нь Образованиянь ды наукань министерстванть вешеманзо коряс.
Олимпиадань официальной панжомась ютась Н.П.Огаревонь лемсэ МГУ-нь Национальной культурань институтсо. Тесэ невтезель концерт, национальной оршамопелень мода. Поздоровонь валт пурнавозтнень туртов евтась МР-нь Образованиянь министрань васенце полавтыцясь Т.Ф.Каргина. Истя жо лембе валт евтась университетэнь ректорось С.М.Вдовин. Сон тешкстызе, келя, покш мельсэ вастызь энялдоманть ютавтомс те олимпиаданть Мордовиянь вузсо.
|
|
Подробнее ... |
|
Кадетэнь движениясь виевгавтови |
Февралень 12-це чистэ Мордовия Республикань Финансонь министерствасо ютавтовсь кадетэнь попечительской советэнь заседаниясь. Промксонть панжизе ды ветясь Советэнь председателесь, МР-нь Правительствань Председателень Васенце полавтыцясь – Финансонь министрась Н.В.Петрушкин.
Кортамось ветявсь республикасонок кадетэнь движениянть виевгавтомадонзо. Ютазь иестэнть Мордовиясо панжозь кадетэнь эште кемень класст. Тосо тонавтниця эйкакштне лиссть изницякс весероссиянь пелькстамотнесэ – «Юный спасатель» ды «Юный водник» ды лиятнесэ.
Покш лезкс Мордовиянь кадеттнэнень яви республикань МЧС-нь Управлениясь. Ютавтыть виев важодема кадеттнэнь марто, анокстыть эйстэст алкуксонь идицят.
|
|
|
Ютазь недлястонть МР-нь Госсобраниясо ветявсь Бюджетэнь, финансонь ды налогонь, Экономикань политикань, предпринимательствань ды собственностень коряс комитеттнэнь заседаниясь. Повесткань прявт кевкстемакс кармась 2013-2018 иетнестэ Мордовия Республиканть виевгавтомадо республикань целевой программань ванкшномась. Тень коряс кортась МР-нь Правительствань Председателень полавтыцясь — МР-нь экономикань министрась В.Н.Мазов.
Кода тешкстызе МР-нь Госсобраниянь Председателесь В.В.Чибиркин, программась анокстазель МР-нь Правительствасо университетэнь ученойтнень лезксэст вельде.
В.Н.Мазов евтызе мезе республикасонть теезь 2008-2012 иетнестэ. Мордовия Республиканть виевгавтомань программанть топавтомантень явозельть 160 млрд. целковойть. Социальной енкссонть тевс нолдазь зярыя проектт: панжозь республикань больницясь, перинатальной центрась, ВМХ-спортонть коряс центрась, Оперань ды балетэнь театрась, одкстомтозь РДК-сь, Национальной библиотекась ды ламо лия неень шкань объектт. Кассть промышленной производствань невтевкстнэ.
2013-2018 иетнестэ Мордовия Республиканть виевгавтомадо программась уш кемекстазь МР-нь Правительствасо. Сон карми топавтовомо зярыя енкстнэнь коряс: Технопарк, светотехника, электротехника ды приборостроения, транспортонь ды велень хозяйствань машиностроения, велень хозяйствась. Башка енксос вейсэндязь транспортось, ЖКХ-сь ды строительствась.
Теде башка, нурька шкастонть ванкшнозь ды программантень совавтозь эште вейке енкс – 2018 иень Футболонь коряс масторлангонь чемпионатонтень анокстамось. Эйзэнзэ совавтозь 21 проект, конатнень питнест 18,2 млрд. целковойть. Сынь сюлмавозь республикань инфраструктуранть кемекстамонзо марто.
Т.Аксенова
|
|
|
|
Велень хозяйстванть кемекстамга |
А мезть сепомс, республикань прявттнэ покш мель явить агропромышленной комплексэнь виевгавтомантень. Тень туртов явовить ламо ярмакт, конатнень лангс строявить тувонь, скалонь комплекст, сырань, колбасань теемань заводт, рамавить ламо ловцонь максыця скалт, комбайнат, тракторт... Истя, тедеде пивсэзь 880 тоннат сюро, вейке миллиондо ламо таргазь ламбамо якстерькай. Весемезэ жо велень хозяйствань продукция миезь комсте ламо миллиардт целковоень питне.
Республикань агропромышленной комплексэнь виевгавтомань кевкстематне аволь умок ванкшновсть МР-нь Правительствань заседаниясонть, конань ветясь Правительствань Председателесь В.Ф.Сушков. Эйсэнзэ кунсолозель Правительствань Председателень полавтыцянть – велень хозяйствань ды продовольствиянь министранть В.Н.Сидоровонь «О ходе выполнения Министерством сельского хозяйства и продовольствия РМ Программы действий Правительства РМ на 2012 год по реализации Послания Президента РФ Федеральному собранию, Послания Главы РМ Государственному Собранию и об исполнении поручений Председателя Правительства РМ» пачтямозо.
Владимир Николаевич пурнавозтненень домкасто ды чарькодевиксстэ евтнизе республикань течинь агропромышленной комплексэнть «ежонзо», кода таштавить сюронь, ламбамо якстерькаень кастомасо изнявкстнэ, кода тевтне ладязь животноводствасонть. В.Н.Сидоровонь валонзо коряс, тедеде, алкукскак, республикань аграрийтне важодсть пек вадрясто. Вана «Сармич» сырань теемань заводонть продукциянзо парсте содасызь аволь ансяк минек, омбо масторсояк. Мордовиянь агропромышленной комплексэнтень келей ки вандынь чинтень панжи «О Государственной Программе Республики Мордовия развития сельского хозяйства и регулирования рынков сельскохозяйственной продукции, сырья и продовольствия на 2013-2020 годы» программась, конань марто МР-нь Правительствань заседаниясонть теизе содавиксэкс МР-нь Велень хозяйствань ды продовольствиянь министрань полавтыцясь Т.М.Маланкина.
|
|
Подробнее ... |
|
