МЕЛЬВАНОВИКС ЯЛГАТ!
Весе седейстэ ёвтан тенк лембе поздоровт сыця Од иенть кувалма!
Туиця иесь минек кемевти, кода эряви улемс вейсэ. Ансяк истя изнявить весе стакачитне ды тееви весемесь тиринь республикасонть вадря эрямонть туртов.

Региононь экономикань весе отраслятне 2023 иенть прядыть вадря невтевкс марто. Мордовиянь предприятиятне кеместэ важодить импортонь полавтоманть коряс, топавтыть инвестициянь проекттнэнь, кирдить масторонь ормаменьксэнь зыянтомочинть ды технологиянь суверенитетэнть. Республикасонть стявтовсть ды витневсть эйдень кужот ды школат, поликлиникат ды культурань кудот, общественной таркат ды инженерной инфраструктурась. Неть эрявикс ды покш проекттнэ топавтовсть Россиянь Президентэнть Владимир Путинэнь лезксэнзэ вельде. Ды весе сынь нолдавить ломантнень эрямост вадрялгавтомантень.

Течи весе Мордовиясь, сонзэ эрьва эрицясь, важодить прявт тевенть лангсо – те минек масторонь раськень зыянтомочинь топавтомась ды сонзэ суверенитетэнть ванстомась. Весе виенек макстано Тиринь масторонь ванстыцятненень лездамга, лездатано Херсонской областень Каланчакской округонтень. Сюконян модас весенень кеме ды виев тылэнть кисэ.

2024 иестэ эрямос совавтовить экономикасо ды социальной сферасо эрявикс ды покш проектт. Кеман: вадрясто вастсынек Од ломанень масторлангонь фестивалень ды Россиянь Од ломанень XXIII-це Дельфийской налксематнень инжетнень. Поладтано кастомо-ламолгавтомо республикань брендтнэнь, тееме эрявикс условият бизнес-сообществанть туртов ды важодеме сень лангсо, штобу тиринь ёнксов велявтовольть минек ломантне.

Мельвановикс ялгат! Арсян весенень кеме шумбрачи ды сэтьмечи! Кадык эрьва чинк пештяви мизолкссо ды валдосо, бажамонк ды арсеманк топавтовить шождасто. Уцяскав Од ие!

Мордовия Республикань
Прявтось А. Здунов