Понедельник, апреля 19, 2021
Важное

Паро кулясь свал кецявты. Лембе ёжосо весе минь вастынек кенярксов кулянтькак: «2021 иень эйзюрковонь (мартонь) 21-це чистэ Россиянь сёрмадеень вейсэндявксось ютавтсь вастовома, косо рузонь литературанть кастоманзо кис максозель «Иван Бунин 150 лет» медаль Мордовиянь сёрмадыцянтень Светлана Фадейкинанень.

Вастовомась ульнесь Московонь Правительствань концертэнь ютавтнема залсо.
Мельспаро ёвтамс: Светлана Фадейкина чачсь эрзянь велесэ. Те – Дубинкабуень Поваделесь. Эйкакшпингестэ саезь вечксь ловномо книгат, сехте пек валморот. Курок сонськак кармась варчнеме виензэ сёрмадома тевсэнть. Сынь лиссть башка пусмосо (лемезэ «Полёт души») 2018 иестэ.

Шкань ютазь С. Фадейкина кармась сёрмадомо. Истямо мель сонзэ оймес вельмевтсь «Чилисема» журналонь икелень прявт редакторось Н. Ишуткин. Истя Светлана Фадейкина кармась сёрмадомо эрзянь кельсэ. Ды уш иень ютазь сон нолдась «Капельки счастья» лем ало од пусмо, ков совасть эрзянь кельсэ валмороткак.

Валмородо башка Светлана сёрмады ёвкст, ёвтнемат. Сынь сеедьстэ лиснить «Чилисема», «Сятко» журналтнэсэ.
«Эрзянь правдасо» важодицятне ды сонзэ ловныцятне Светлана Фадейкинанень ёвтыть седейстэ молиця лембе валт те покш казненть кувалма, арсить седе тов седеяк покш изнявкст сёрмадома тевсэнть ды учить пельдензэ од валморот, ёвтнемат тиринь кельсэ.

Раиса Щанкина

О ГАЗЕТЕ "ЭРЗЯНЬ ПРАВДА"

Газета Эрзянь правда в настоящее время издается один раз в неделю на 16 страницах, четыре из них в цвете. Газета широко отражает вопросы общественно-политической, социально-экономической, культурной и духовной жизни республики, публикует международную информацию. «Эрзянь правда» распространяется в Оренбургской, Пензенской, Самарской, Ульяновской, Нижегородской областях, в республиках Татарстан, Чувашия, Башкортостан. Вместе с тем, для эрзян России вот уже не один год успешно функционирует электронная версия газеты, которую можно в настоящее время читать в Интернете. В этом большая заслуга всего редакционного коллектива газеты «Эрзянь правда».