- Подробности
- Категория: Религия
Эрси, тееват содавиксэкс ломаненть марто, кортнят седе-тонадо ды те вастовомадонть мейле кадоват мельспаросо. Истя лисськак, зярдо минь вастовинек Орданьбуень райононь Кеченьбие велень (руз. Кечушево) Космодамианской церьковань настоятеленть, Орданьбуень епархиянь од ломанень тевтнень коряс отделэнь прявтонть о. Игорь (Леонтьев) протоиереенть марто. Те ломанесь – сэтьме, а покшкавтниця, прянь а шныця, эсензэ тевензэ пек парсте топавтыця.
- Подробности
- Категория: Религия
Августонь 5-це чистэ республикань Прявтось Артем Здунов ульнесь мероприятиятнесэ, конатне алтазельть Мордовиянь менелень ванстыцянть, иневанькс праведной воинэнть Феодор Ушаковонь канонизациянь 24-це иентень. Валске марто Кафедральной соборсонть ютавтовсь Божественной литургия, конань ветизе Саранскоень ды Мордовиянь митрополитэсь Зиновий.
- Подробности
- Категория: Религия
Архимандритэсь Михаил (Калинкин) 35 иень перть служи церьковасо. Сон – Орданьбуень Низовка велень Михаил Архангелэнь лемсэ церьковань настоятель. Те ломанесь весе эрямонзо алтызе Пазонтень. Сон служась ламо таркава, 90-це иетнестэ саезь витнесь ды панжсь зярыя церьковат, конатне советэнь шкатнестэ ламо иес пекстазельть. О. Михаилнэнь превс путома мельга пшкалесть ламо од священниктне, конат ушодылизь церьковасо служамост. Весень сон тонавтсь, оймавтсь валсо ды лездась тевсэ. Низовкасо улемстэ минь паро мельсэ вастовинек батюшканть марто.
- Подробности
- Категория: Религия
Ицялонь районсо ули Калыж (Калыша) веле, конась ашти вирьсэ, мазыйдеяк мазый таркасо. Те веленть теицякс кармасть Ламбаськестэ сазь ломантне, ульнесь те 1914 иестэ. Неень шкасто эрицятнеде тесэ аволь ламо, пельсядояк а пурнавить, ансяк улить ероков ды мелявтыця ломанть, конатне а максыть те велинентень емамс. Самай сынст вийсэ ды лезксэст вельде эрияк Калыж велесь.