Вторник, марта 19, 2024
Важное


И.М.Яушев лемсэ музыкальной театрасо ютась кенярксчинь концерт. Сон алтавсь «Умарина» моронь ды киштемань государственной ансамблянть 80 иетненень. Весенень вечкевикс коллективесь тедеде тешксты покш юбилеензэ.
Сон ушодызе кинзэ Ине Отечественной войнань иетнестэ. Сестэ ютавтозельть 1,5 тёжадо ламо концертт, сынст вельде артисттнэ бажасть лездамс солдаттнэнень, кепедемс ёжост. «Умаринась» – МР-нь Государственной премиянь кавксть лауреат. Малав комсь иеть коллективенть вети МР-нь искусствань заслуженной деятелесь Василий Четыркин.


– «Умаринась» – минек республикань визитной карточканок. Тынь невттядо республиканть Калининградсто саезь Камчатканть видьс. Тынь вансттадо койтнень-кирдатнень, раськень ёжонть. Коллективенть содасызь ды вечксызь. Сон аволь весть лиснесь изницякс Раськеютконь ды Весероссиянь пелькстамотнесэ, – кортась МР-нь Правительствань Председателень полавтыцясь Галина Лотванова.
Ансамблянь артисттнэ казевсть покш лемсэ. «МР-нь заслуженной артист» лем макссть балетэнь артистэнтень Алексей Негодиннэнь ды оркестрань артистэнтень Пётр Полшковнень.
Лембе валт ды казнеть ульнесть МР-нь Культурань, национальной политикань ды архивень тевень министранть А.М.Чушкинэнь, Саранск ошонь мэрэнть П.Н.Тултаевень пельде.
Теде мейле ваныцятнень туртов «Умаринась» невтсь мазыйдеяк мазый покш концерт. Ушодызе сонзэ, нама, «Умарина» кезэрень моростонть, седе тов маринек «Вай, верьга, верьга», «Мокшонь алесь» сехте содавикс моротнень. Залось тыц пешксель, эрьва моронть, эрьва киштеманть ваныцятне вастсть виев цяпамосо. Киштицятнень мельга а кенерят ваномояк, зяро эскелькст теить, зяро кирькст ды кирнявтнемат. Артисттнэ ламо ардтнить республикань томбальга. Лия ёнкссо эриця эрзятне ды мокшотне пек кецнить, зярдо «Умаринась» пачколи сынст ошов. Неть концерттнэнь сынь ваныть покш мельсэ.
Татьяна Маторкина

О ГАЗЕТЕ "ЭРЗЯНЬ ПРАВДА"

Газета Эрзянь правда в настоящее время издается один раз в неделю на 16 страницах, четыре из них в цвете. Газета широко отражает вопросы общественно-политической, социально-экономической, культурной и духовной жизни республики, публикует международную информацию. «Эрзянь правда» распространяется в Оренбургской, Пензенской, Самарской, Ульяновской, Нижегородской областях, в республиках Татарстан, Чувашия, Башкортостан. Вместе с тем, для эрзян России вот уже не один год успешно функционирует электронная версия газеты, которую можно в настоящее время читать в Интернете. В этом большая заслуга всего редакционного коллектива газеты «Эрзянь правда».