Вторник, марта 19, 2024
Важное


Сундерьковонь 7-це чистэ, МВД-нь важодицятнень профессиональной кенярксчинть каршо, Саранскойсэ панжовсь «Правопорядкань ванстыцятненень» кеврунго – полицейской ды вишка тейтерька, кона кази тензэ цецяпусмине. Кеврунгось стявтозь Пролетарской куросо – Республикань Культурань дворецэнть каршо. Тезэнь валске марто пурнавсть полицейскойтне, ветерантнэ, ошонь эрицятне.



– Течи панжтано кеврунго, кона пек эрявикс ошонок туртов. Те минек правань ванстыцятнень подвигест тешкс, эрицятнень пельде сыненст мелень явома. Минек полицейскойтне важодить парсте, ломантнень кемемаст тенст касы, – мерсь МР-нь Госсобраниянь Председателесь Владимир Чибиркин.

Кеврунгось алтазь внутренней тевень органтнэнь важодицятнень ламот поколениятненень – кить ней кандыть службаст, кить ламо иеть макссть ведомствантень, истя жо кить чавовсть служебной долгонь топавтомсто. Кемголмово иеде икеле Чечнясо чавовсть Мордовиянь ОМОН-нь сотрудниктне. 2006 иень сундерьковонь 5-це чистэ Аргунской кевпандонть маласо блокпостонть вакссо теевсь сезевема, тосо чавовсь МР-ва МВД-нь ОМОН-нь милиционерэсь-боецэсь Илья Чекайкин. Кавто чинь ютазь, сундерьковонь 7-це чистэ, леднезельть кавто УАЗ автомобильть. Тосо чавовсть МР-ва МВД-нь ОМОН-нь командирэнь полавтыцясь капитанось Сергей Пивцайкин, капитанось Николай Мурлаев, старшей лейтенантось Алексей Лашманов, лейтенантось Борис Бибнев, старшей сержанттнэ Алексей Шутов ды Алексей Елховский ды прапорщикесь Виталий Голубин.
– Минь кирдтяно мельсэнек неть геройтнень, – тешкстызе Владимир Чибиркин.

– Бронзасто валозь полицейскоесь – те аволь кодамо-бути башка образ, – мерсь Внутренней тевень министрась Борис Шейнкин. – Кеврунгось алтазь сетненень, кить топавтыть вейсэнь тев – ванстыть правопорядканть, сэтьмечинек, бороцить преступностенть каршо ды а максыть вельмевтемс ютазь пингень 90-це иетнень зыянтнэнень. Истя а ули зярдояк, мон, кода Мордовиянь Внутренней тевень министра, максан тенк вал!

МВД-нь Благодарность кеврунгонь теемасо лездамонть кисэ максозь Саранск ошонь округонь прявтонтень Пётр Тултаевнень, КС-банконь президентэнтень Владимир Грибановнень ды кеврунгонь теицянтень Николай Филатовнень.
Мероприятиясонть ульнесь МР-ва Прявт федеральной инспекторось Михаил Сезганов.

Татьяна ИКОННИКОВА

О ГАЗЕТЕ "ЭРЗЯНЬ ПРАВДА"

Газета Эрзянь правда в настоящее время издается один раз в неделю на 16 страницах, четыре из них в цвете. Газета широко отражает вопросы общественно-политической, социально-экономической, культурной и духовной жизни республики, публикует международную информацию. «Эрзянь правда» распространяется в Оренбургской, Пензенской, Самарской, Ульяновской, Нижегородской областях, в республиках Татарстан, Чувашия, Башкортостан. Вместе с тем, для эрзян России вот уже не один год успешно функционирует электронная версия газеты, которую можно в настоящее время читать в Интернете. В этом большая заслуга всего редакционного коллектива газеты «Эрзянь правда».