Маень 28-це чистэ Ульяновск ошсо ютась «Шумбрат» эрзянь ды мокшонь областень кенярксчись. Сон мольсь «Владимирский сад» парксо.

Теицятне анокстасть алкуксонь покш чи эрьва кодамо иесэ инжетненень: тесэ важодсть сценической площадкат, тематической выставкат, мастер-класст, невтевсть подворьят. Областень районтнэстэ ускокшность эрзянь ды мокшонь тантей ярсамопельть.

Тей сыцятнень вастсть морыцят-киштицят, литераторт, просветительть, культурань деятельть, артыцят, прикладной искусствань мастерт, Ульяновской областень художественной самодеятельной творчествань артистт.

«Владимирской садонь» прявт сцена лангсо ульнесь вадря творческой программа – тесэ невтевсть эрзянь ды мокшонь раськень культурань койтне. Ваныцятне мельспаросо морасть ды киштсть артисттнэнь марто.

Те кенярксчисэнть ульнесь РФ-нь Президентэнть юрсо раськеютконь тевтнень коряс советэнь членэсь, РФ-нь Федеральной Собраниянь Федерациянь Советэнь сенаторось П. Н. Тултаев. Пурнавозтнень туртов сон ёвтась ламо лембе валт «Шумбрат» кенярксчинть кувалма.