Вторник, октября 20, 2020
Важное


Аволь умок республикань эйкакштнень ды од ломантнень туртов «Надежда» социальной приютсо ютавтовсь Попечителень (общественной) советэнь промкс, косо мольсь кортамо ютазь 2019 иестэ теезденть ды кемекставсь аравтлув 2020 иентень.


Приютов сыцятнень ютксо ульнесть: Мордовия Республикань Прявтонь старшей лездыцясь М.Г.Лушенкова, Саранской ды Мордовской епархиянь священнослужителесь о.Виктор (Хохлов), приютонь икелень прявтось Л.Л.Втюрина, учреждениясонть важодицятне, кить совить Попечителень советэнтень. Советэнть панжизе ды ветясь те вейсэндявксонь прявтось В.И.Носов. Сон пачтясь пурнавозтненень ютазь иестэ теезденть.

Те учреждениянтень седеймариця ломантнень пельде ярмактнень самодост ды сынст тевс нолдамодост пачтясь «Надежда» приютонь главной бухгалтерэсь У.Н.Рахматулина. 2020 иестэ арсезь тевтнень ютавтомадо ёвтнесь общей кевкстематнень коряс прявтонь полавтыцясь Я.А.Степанова. Кода юты од ломантнень ды эйкакштнень эрямост те социальной учреждениясонть, мезе сынст течи талновты ды кодат тевтнень лангсо эряви седе домкасто важодемс – неть ды ламо лия кевкстематнень коряс толковамот тейсь «Надежда» приютонь социальной диагностикань ды реабилитациянь программань тевс нолдамонь отделениянь прявтось Г.И.Богачева. Хозяйствань кевкстематнень коряс прявтонь полавтыцясь Н.А.Варламов пачтясь, кода мольсь телентень анокстамось, виде, сонзэ невтизе шкась. Валонзо коряс, весе ёнкстнэнь мельс саезь, нейке уш арсить тундонь-сёксень тевтнеде. «Надежда» приютонь прявтось Т.В.Барашихина ёвтась сюкпрянь валт Попечителень советэнтень совицятнень лемс ды сеть ломантненень, кить седейшкава лездыть кажос понгозь эйкакштненень. Спонсортнэ максыть лезкс аволь ансяк ярмактнень вельде, истя жо бажить, штобу приютось улевень паро, лембе кудокс, косо эйкакштне авольть маря пряст вановттомо ды кадозекс. Учреждениясонть важодицятне те кевкстеманть коряс теить весементь, а стяко тосо эрицятнень ютксто 90 проценттэ ламотне велявтовить тиринь семиятнес эли максовить трямс-кастомс паро ломаннень. Кода мерсь приютонь духовной наставникесь о.Виктор, покштнень ёндо эряви теемс истя, штобу эрьва эйкакшось масторлангсо маряволь прянзо уцяскавокс ды эряволь эсензэ семиясо.

Меельцекс «Надежда» приютсо эриця эйкакштне невтсть Мастянь кенярксчинтень алтазь концерт ды инжетнень каванизь тантей пачалкседе.

Валентина ЮДИНА

О ГАЗЕТЕ "ЭРЗЯНЬ ПРАВДА"

Газета Эрзянь правда в настоящее время издается один раз в неделю на 16 страницах, четыре из них в цвете. Газета широко отражает вопросы общественно-политической, социально-экономической, культурной и духовной жизни республики, публикует международную информацию. «Эрзянь правда» распространяется в Оренбургской, Пензенской, Самарской, Ульяновской, Нижегородской областях, в республиках Татарстан, Чувашия, Башкортостан. Вместе с тем, для эрзян России вот уже не один год успешно функционирует электронная версия газеты, которую можно в настоящее время читать в Интернете. В этом большая заслуга всего редакционного коллектива газеты «Эрзянь правда».