Аволь умок Мордовиясо, кода Россиянь келескак, эсь профессиональной кенярксчист тешкстызь правань ванстыця органонь сотрудниктне. Теде икеле савсь улемс МР-ва Россиянь МВД-нь Саранск ошонь округонь управлениясо.
Тешкстасынек, малав иеде икеле тосо важодицятне ютасть валдо, покш ды мазый од зданияс, конась ашти «Мордовия Арена» стадиононть эйстэ а васоло. Ней те эрямонь од микрорайонсонть алкуксонь азорокс теевсть сеть, кить чинек-венек ванстыть минек сэтьмечинть, кить виест, шкаст ды лиясто мик эрямост апак вансто капшить зыянс понгозенть идеме, куш кодамо шкасто стить кажонть каршо бороцямо.
Те разнэ саинек мель кортамс дежурной частьсэ важодицятнень марто. Эдь сынь васенцекс марить зыянов тевенть лисемадо ды теить васенце эскелькс кажос понгозтнень идемаст коряс.
Самай эрицятне капшить само тей сынст покордамсто, сыть яволявтома, энялдома ды лия эрьва кодамо пачтямо марто. Кода сеедьстэ эрси, ломантне истямо шкасто бажить ёвтамс весементь, мезе лаки потсост, мезесь колызе сынст ёжонть.
Виде, седе сеедьстэ зыянов тевденть пачтить телефон вельде. Лиясто эрси, шкастонзо кажодонть пачтямось ванстсы ломаненть эрямонзо.
Полициянь од зданиянтень совамсто васняяк ютынек ванкшномат ды документэнь домкасто тонавтнемат. Видестэ тейсть тосо важодицятне, эдь шкатне аволь сэтьметь, свал эряви улемс анококс апак учонь тевтненень, кие ды кодамо кевкстема марто сыненст аволь са куш кодамо шкасто.
«Дежурная часть» вальманть тона ёно се чистэнть вастымизь сменань прявтось, полициянь майорось А. Н. Друговейко ды оперативной дежурноесь, полициянь лейтенантось А. В. Шапошников. Яволявтомань сёрмадыцят се шкастонть тосо арасельть, ансяк кавонест цёратне секе-тев кепсесть телефононь трубканть ды макссть каршо валт сыненст пшкадицятненень.
Нама, сынь эзть карма максомо тенек толковамот прявтост самодо икеле, тень веши сынст важодемань кемекстазь лувось. Тесэ весе топавтови закононть мельс саезь. Кувать учомс эзь саво, кода малазонок сась дежурной частень отделэнь прявтось, полициянь майорось Валерий Мухартов.
Тешкстасынек, Валерий Александрович – тевензэ парсте содыця, содамочинзэ свал кастыця важодиця. Текенень поладсынек, сон ламо эйкакшонь триця тетя. Нинзэ Татьяна Дмитриевна марто сынь трить-кастыть ниле эйкакшт.
Виде, тетясь, Валерий Мухартов, седе ламо шка ютавты важодема таркасо, эйкакштнень мельга малав весе мелявкстнэнь сави топавтомс авантень.
– МР-ва Россиянь МВД-нь вешематнень коряс службанок топавттано чинек-венек, 24 часонь перть, – ёвтни тевдензэ Валерий Александрович. – Те, васняяк, эрицятнень пельде яволявтомань, пачтямонь, пшкадемань саемась, сынст кемекстамось ды эрявикс службатненень теде ёвтамось, следственно-оперативной группанть зыянонь теемань таркас шкастонзо кучомась ды весемесь, мезе минек вийсэ, ломантнень шумбрачист, лиясто мик эрямост ванстомсто.
Кода тешкстась Валерий Мухартов, пачтямотне эрсить эрьва кодат, сындест чинек-венек сыть 100-150. Меельце шкасто седе пек ламолгадсть ломанень манчематне, банконь картасто ярмактнень саламотне. Истят зыянов тевтнень теить кода од ломантне, истя аволь пек сыретнеяк.
– Течи ули мелем пшкадемс весе сеть кажонь тееме снартыцятненень: инескеть, содадо: закононь эрьва коламонть кисэ тынк учи чумондома, – мерсь Валерий Александрович.
Седе тов сон невтинзе кабинеттнэнь, косо неень шкане тевест топавтыть сынст важодицятне. Мельспаросо тешкстызе сынст важодема таркатнень паролгавтоманть.
Алкукскак, кабинеттнэ покшт, валдот ды артозь оймавтыця тюссо. Кода вере тешкстазель, сынст важодицятнень сменаст покшолмазо 24 част. Од зданиянтень ютамось сынст туртов ульнесь алкуксонь казнекс.
Кода мерсь Валерий Александрович, седе покш мельспарокс ды мелень витиця кенярксчикс сынь ловить ломантнень сэтьместэ эрямост, кажотнень киртямонть ды зыянов тевтнень аламолгадоманть.
Валентина Юдина
Те разнэ саинек мель кортамс дежурной частьсэ важодицятнень марто. Эдь сынь васенцекс марить зыянов тевенть лисемадо ды теить васенце эскелькс кажос понгозтнень идемаст коряс.
Самай эрицятне капшить само тей сынст покордамсто, сыть яволявтома, энялдома ды лия эрьва кодамо пачтямо марто. Кода сеедьстэ эрси, ломантне истямо шкасто бажить ёвтамс весементь, мезе лаки потсост, мезесь колызе сынст ёжонть.
Виде, седе сеедьстэ зыянов тевденть пачтить телефон вельде. Лиясто эрси, шкастонзо кажодонть пачтямось ванстсы ломаненть эрямонзо.
Полициянь од зданиянтень совамсто васняяк ютынек ванкшномат ды документэнь домкасто тонавтнемат. Видестэ тейсть тосо важодицятне, эдь шкатне аволь сэтьметь, свал эряви улемс анококс апак учонь тевтненень, кие ды кодамо кевкстема марто сыненст аволь са куш кодамо шкасто.
«Дежурная часть» вальманть тона ёно се чистэнть вастымизь сменань прявтось, полициянь майорось А. Н. Друговейко ды оперативной дежурноесь, полициянь лейтенантось А. В. Шапошников. Яволявтомань сёрмадыцят се шкастонть тосо арасельть, ансяк кавонест цёратне секе-тев кепсесть телефононь трубканть ды макссть каршо валт сыненст пшкадицятненень.
Нама, сынь эзть карма максомо тенек толковамот прявтост самодо икеле, тень веши сынст важодемань кемекстазь лувось. Тесэ весе топавтови закононть мельс саезь. Кувать учомс эзь саво, кода малазонок сась дежурной частень отделэнь прявтось, полициянь майорось Валерий Мухартов.
Тешкстасынек, Валерий Александрович – тевензэ парсте содыця, содамочинзэ свал кастыця важодиця. Текенень поладсынек, сон ламо эйкакшонь триця тетя. Нинзэ Татьяна Дмитриевна марто сынь трить-кастыть ниле эйкакшт.
Виде, тетясь, Валерий Мухартов, седе ламо шка ютавты важодема таркасо, эйкакштнень мельга малав весе мелявкстнэнь сави топавтомс авантень.
– МР-ва Россиянь МВД-нь вешематнень коряс службанок топавттано чинек-венек, 24 часонь перть, – ёвтни тевдензэ Валерий Александрович. – Те, васняяк, эрицятнень пельде яволявтомань, пачтямонь, пшкадемань саемась, сынст кемекстамось ды эрявикс службатненень теде ёвтамось, следственно-оперативной группанть зыянонь теемань таркас шкастонзо кучомась ды весемесь, мезе минек вийсэ, ломантнень шумбрачист, лиясто мик эрямост ванстомсто.
Кода тешкстась Валерий Мухартов, пачтямотне эрсить эрьва кодат, сындест чинек-венек сыть 100-150. Меельце шкасто седе пек ламолгадсть ломанень манчематне, банконь картасто ярмактнень саламотне. Истят зыянов тевтнень теить кода од ломантне, истя аволь пек сыретнеяк.
– Течи ули мелем пшкадемс весе сеть кажонь тееме снартыцятненень: инескеть, содадо: закононь эрьва коламонть кисэ тынк учи чумондома, – мерсь Валерий Александрович.
Седе тов сон невтинзе кабинеттнэнь, косо неень шкане тевест топавтыть сынст важодицятне. Мельспаросо тешкстызе сынст важодема таркатнень паролгавтоманть.
Алкукскак, кабинеттнэ покшт, валдот ды артозь оймавтыця тюссо. Кода вере тешкстазель, сынст важодицятнень сменаст покшолмазо 24 част. Од зданиянтень ютамось сынст туртов ульнесь алкуксонь казнекс.
Кода мерсь Валерий Александрович, седе покш мельспарокс ды мелень витиця кенярксчикс сынь ловить ломантнень сэтьместэ эрямост, кажотнень киртямонть ды зыянов тевтнень аламолгадоманть.
Валентина Юдина