Вторник, марта 19, 2024
Важное


АВОЛЬ УМОК РЕСПУБЛИКАНЬ КУДОСО ЮТАСЬ КЕНЯРКСЧИНЬ ПРОМКС, КОВ ТЕРДЕВСТЬ МИНЕК ЁРОКОВ ОД ЛОМАНТНЕ, СЕТНЕ, КИТЬ ИЗНЯСТЬ РЕСПУБЛИКАНЬ ДЫ ВЕСЕРОССИЯНЬ ПЕЛЬКСТАМОТНЕСЭ.

– ТЕЧИ ТЕЙ ПУРНАВСТЬ ШКОЛАНЬ СЕХТЕ ПРЕВЕЙ ТОНАВТНИЦЯТНЕ ДЫ СТУДЕНТТНЭ. МОНЕНЬ МЕЛЬСПАРО НЕЕМС, МОРДОВИЯНТЬ ВАНДЫНЬ ЧИЗЭ КЕМЕВИКС КЕДЬСЭ, ТЫНК ПРЕВЕЙ СЕЛЬМЕТНЕСЭ ДЫ ВАНЬКС ПРЯТНЕСЭ. ТЫНЬ – МИНЕК ВИЕНЕК, КАДРАНЬ ПРЯВТ ПОТЕНЦИАЛОНОК! – КОРТАСЬ МР-нь ПРЯВТОСЬ В.Д.ВОЛКОВ.

Грантсо казевсть тонавтницятне, кить невтизь эсь пряст технической пелькстамотнесэ, исследовательской тевсэ, искусствасо, спортсо, волонтёронь движениясо, «Worldskills» профессиянь мастерствань пелькстамотнесэ.

– Кенярдовты тематнень кочкамось, конатнень коряс минек школань тонавтницятне ютавтыть ванкшномат. Сынь кепедить неень шкань покш стакачить, бажить теемс од технологият, полавтомс масторлангонть вадря ёнов. Бути варштамс научно-технической творчествань проекттнэнь лангс, сынст пелькстыцятне ёвтыть мельть-арсемат шукштнень переработкань ды ведень ванськавтомань, эрямо кудотнень уштомань расходтнэнь киртямонь коряс, анокстыть «искусственной интеллектэнь», роботонь системат, «превей кудонь» макетт, станоконь модельть, бытовой газонь лисемань редямонь датчикть, чипаень батареят, электровелосипедт ды седе тов. Тешкстаса, неть важодематне аволь студентэнь, школасо тонавтницянь! Ды аволь ансяк Саранскойстэ, истя жо республикань велетнестэ. Истя, Зубова-Поляна ёнксонь Жуковской школастонть, Орданьбуень Баеньбуень школастонть, Ташто Шайгова ёнксонь Од Акшинань ды Ташто Теризморгань школатнестэ, Краснослободскоень ёнкссо ошонь кавто школатнестэ ды Якстере Подгорань школастонть, Рузаевкань ды Чаунзань дополнительной образованиянь центратнестэ, – пачтясь Владимир Дмитриевич.
МР-нь Прявтось тешкстызе, тедеде арсеви панжомс Рузаевкасо «Кванториум» эйкакшонь технопарк, кавто иетнень перть рамавить мобильной кавто технопаркт. 2022 иестэ эйкакшонь научной центра панжови М.Е.Евсевьев лемсэ МГПИ-сэ. 2024 иес Мордовиясо одкстомтовить ды паролгавтовить эйкакшонь искусствань кемгавтово школат, сынст туртов рамазь музыкальной инструментт ды мультимедийной оборудования.

В.Д.Волков башка валт ёвтась Саранскоень ёроков эйкакшонь лицейсэ тонавтницятнеде, конат эрьва ие невтнить пряст масторлангонь пелькстамотнесэ. Саемга, Сулейман Казимов колмоце ие изни астрономиянь коряс Раськеютконь олимпиадасо.
Нама, лембе валт алтавсть тетятнень-аватнень ды тонавтыцятнень туртовгак, конат путыть ламо вийть эйкакштнень трямосо-кастомасо ды тонавтомасо.

Татьяна МАТОРКИНА
Фототне Э.Ретунскиень
 

О ГАЗЕТЕ "ЭРЗЯНЬ ПРАВДА"

Газета Эрзянь правда в настоящее время издается один раз в неделю на 16 страницах, четыре из них в цвете. Газета широко отражает вопросы общественно-политической, социально-экономической, культурной и духовной жизни республики, публикует международную информацию. «Эрзянь правда» распространяется в Оренбургской, Пензенской, Самарской, Ульяновской, Нижегородской областях, в республиках Татарстан, Чувашия, Башкортостан. Вместе с тем, для эрзян России вот уже не один год успешно функционирует электронная версия газеты, которую можно в настоящее время читать в Интернете. В этом большая заслуга всего редакционного коллектива газеты «Эрзянь правда».