- Подробности
- Категория: Общество
Сундерьковонь 7-це чистэ, МВД-нь важодицятнень профессиональной кенярксчинть каршо, Саранскойсэ панжовсь «Правопорядкань ванстыцятненень» кеврунго – полицейской ды вишка тейтерька, кона кази тензэ цецяпусмине. Кеврунгось стявтозь Пролетарской куросо – Республикань Культурань дворецэнть каршо. Тезэнь валске марто пурнавсть полицейскойтне, ветерантнэ, ошонь эрицятне.
- Подробности
- Категория: Общество
Дубёнка ёнксонь Орданьбуе велесь райононь куншкакуронть эйстэ ашти овсе аволь васоло, паро ды мазый таркасо. Велесь сонськак аволь вишкине, администрациянть юрс жо эштё совить Кайбичева ды Красной Луга велетне. Эрицятнеде весемезэ лововить малав 1200 ломанть. Аволь умок минь содавтынек те эрзянь веленть ды кортнинек Орданьбуень администрациянь прявтонть Алёна Владимировна ЕРЯШЕВА марто. Алёна Владимировна ёвтнесь веленть течинь эрямодонзо, тесэ эриця ломантнеде, юткошкань ды кенярксчинь ютавтомань койтнеде.
- Подробности
- Категория: Общество
Аволь умок Саранск ошонь мэрэнть П.Н.Тултаевень кедьсэ ютавтозель промкс, козонь сакшность ошонь райононь администрациянь прявттнэ, жилищно-коммунальной хозяйствань, домоуправлениянь прявттнэ, сетне, кить вадрялгавтыть-шождалгавтыть ошонь ломантнень эрямост.
Промкссонть Саранск ошонь райононь администрациянь прявттнэ вейке омбоце мельга ёвтнесть седе, кода районтнэсэ важодить жилищно-коммунальной хозяйстватне, кода телентень анокстасть эрямо кудотнень мельга ваныцятне, весе-аволь кудотнес максозь лембесь, ды, нама, электричестванть кисэ долктнеде, весе-аволь эрицятнестэ пандыть максозь услугатнень кисэ, нурькинестэ, кодат тевть ютавтовить сетнень коряс, кинь покш долкост максовиця услугатнень кисэ.
Промкссонть пек шназельть «ЖЭК № 18» УК ООО-нь важодицятне, конатнень прявтсо С.А.СЮВАТКИН.
- Подробности
- Категория: Общество
Мордовиянь прявт ошсо Раськень вейсэндявомань чинть тешкстамось ушодовсь Божественной литургиясто ды сюкпрянь ёвтамонь молебенстэ, конат служазь Иневанькс Феодоронь Кафедральной соборсо. Теке жо чистэнть Рузонь Православной Церьковась тешкстась Казанень Пазонь Авань пазавань кенярксчинть (1612 иестэ Московонть поляконь интервенттнэнь эйстэ олякстомадонть ледстнемга). Храмсо службадонть мейле кенярксчинь ютамось сыргась «Пингеде-пингес Россиянть марто» кеврунгонтень. Мордовиянь ды Россиянь флагтнень марто ютасть Весероссиянь Раськень фронтонтень, политической партиятнес, общественной вейсэндявкстнэс совицятне, профсоюзось, од ломантне. Саранскойсэ ютамосонть ды митингсэнть ульнесть 5 тёжат ломанть.