Мартонь 19-це чистэ А. С. Пушкин лемсэ раськень библиотекасо ютавтозель «Мордовские национальные игры – «Тюштянь налксемат» лем ало вастовома. Раськень литературань отделэнь нупальс пурнавозтнеде башка, ульнесть ваныцят виде сюлмавоманть вельде. Видео вельде невтнезельть «Тюштянь налксематнеяк».
Эряви тешкстамс, раськень налксематне – те эрзянь ды мокшонь раськетнень койтнень-кирдатнень ванстомань ёнкстнэстэ вейкесь. Кода ёвтнесь «Тюштянь налксематнень» свалшкань ветиесь Павел Мигунов, 1999 иестэ Владимир Ромашкин марто вастовомсто сынь кортнесть минек раськень налксематнень вельмевтемадо ды ванстомадо. Тевесь аламонь-аламонь сыргавтозель. Ды вана ней, 25 иетнень ютазь, Павел Мигунов ялганзо ды лия ламо содавикс ломантнень марто пурнавкшность ве кужос цётамотнень ютавтомо сень коряс, мезе теезель ды мезе эряволь бу теемс ней неть налксематнень ванстомаст-виевгавтомаст коряс.
Вастовоманть пингстэ ванновсть зярыя кевкстемат. Ёвтазель мель совавтомс «Тюштянь налксематнень» тонавтомань учреждениятнень (эйдень кужонь, школань, колледжтнень, вузтнэнь) аволь классонь важодемас, косо эйкакштне содавтовольть тиринь ёнксонь кезэрень налксематнень марто. Истя жо лезэвекс улевель поладомс сынст ютавтомаст фольклорной ды культ-массовой мероприятиятнесэ. Теде башка, «Тюштянь налксематненень» умок улемаль Мордовиянь башка брэндэкс, кода раськень башкачинть (идентичностенть) ванстыця организация. Кадык весе раськенек – эрзятне, мокшотне, шокшотне, каратайтне – содыть, минек улить аволь ансяк морот-киштемат, улить раськень налксеманокак. Тень кисэ ютавтовсть историко-краеведческой ванномат, конатнень пингстэ исследовательтне ардтнесть Мордовиянь районтнэва, косо кевкстневсть сыре ломантне: кода икелень шкане ютавтнесть налксематнень?
«Тюштянь налксемат» вейсэндявксось васенце пелькстамотнень ютавтынзе 2004 иестэ Чукало велесэ ютавтовиця Раськень Озкссонть. Те шкастонть саезь неть налксематне кармасть седеяк виевгадомо. Кортамотнень шкасто Павел Мигунов ёвтызе эсь мелензэ: «Пароль бу мартонь 23-це чинть яволявтомс «Тюштянь налксемань» чикс ды седе тов улезэ «Тюштянь налксемань» иекс. Тень коряс, нама, покш прявттнэнень пшкадевельть общественной организациятняк. 2024 иенть перть ардтневлинек кода эсенек республикава, истя шабра регионтнэваяк. Мон арсян, сась шка седеяк келейгавтомс минек раськень койтнень ды ёвтнемс эйстэдест ломантненень, васняяк – эйкакштненень, конатненень шумбрасто касомга пек эрявить рунгонь ливчакавтомань эрьва кодат налксемат. Лия раськетнень те весе ули, эряви миненекак а кадовомс удалов…».
Налксемась – те мельспаросо оймсема, эрьгелема ды, теке шкасто, сонзэ вельде невтеви эрязачиськак. «Минь течи ледстнинек, кода вишкинестэ налксекшнынек эрьва кодамо налксемасо. Эрьва иень шкасто ульнесть башка налксемат. Ней ламотне эйстэст кармасть стувтовомо. Пароль бу сынст велявтомс мекев ды невтемс школасо эйкакштненень, эдь сынст кастомасо налксематнень покш смустест. Саемга, веенстнэ лездыть суронь-эзнень эрязачинтень (моторикантень), омбонстнэ – норовчинтень (меткость), санонь кемечинтень, тюремасо ёрокчинтень, колмонстнэ – превсэ арсемантень ды седе тов», – ёвтызе мелензэ МР-нь культурань заслуженной роботникесь, «Эрзянь мастор» газетань прявтось Татьяна Ларина.
«Минь умок бажинек пурнавомс ды кепедемс кевкстемат, конат сюлмавозь раськень спортонть ды пелькстамотнень марто. Эряви меремс, раськень спортось аволь пек виев, кода бу эряволь. Сон, прок, ашти кенкш удало. Лия регионтнэсэ седе покш мель явить эсест раськень спортонтень. Тосо ютавтневить фестивальтькак, покш пелькстамоткак. Сёрмадовить книгат, школатнесэяк ветявить аволь классонь занятият. Минек республикасонок жо Павел Валерьевич ськамонзо тарги те ёнксонть. Арась истямо мероприятия, косо бу сон аволь уле. Эрьва косо бажи невтемс минек раськень налксематнень-пелькстамотнень. Те пек вадря. Мезе берянесь – сонензэ арасть лездыцят», – мелявтозь кортась «Литова» эрзянь авань вейсэндявксонь прявтось Раиса Щанкина, кона анокстась «Тюштянь налксематнень» эрямокидест цела доклад. Поладсь ёвтнеманзо сеньсэ, кода вете иеде икеле ульнесь лезкс образованиянь управлениянть пельде: Павел Мигуновнень меревсь ютавтнемс аволь классонь занятият Саранскоень1-це № школасо. Ютавтозельть тень коряс зярыя семинарт, косо ёвтазель вейке мель – совавтомс «Тюштянь налксематнень» школань программатнес. Ансяк семинардо васов тевесь эзь туе. Чарькодеви, тесэ эрявить сёрмадомс башка программат, конатнес эрявить явомс аволь аламо ярмакт.
Пурнавозтне истя жо мелявтсть, мекс Павел Мигуновнень а максови лезкс прявттнэнь пельде. Мекс Мордовиянь Спортонь министерствасо те шкас арась раськень спортонь отдел. Эдь национальной республикасо тень коряс эрявольть теемс кодаткак ведомстват эли структурной подразделеният, конат важодевельть раськень спортонь ванстоманть коряс кевкстематнень лангсо. Кода тешкстызе Н. П. Огарёв лемсэ МГУ-нь Финнэнь-угрань культурань Научно-исследовательской лабораториянь заведующеесь Елена Ломшина, натой Президентэнекак мелявты раськень койтнень-кирдатнень ванстомадо. Павел Мигуновонь теньсэ улить покш содамочинзэ ды а лепамиця кемемазо вельмевтемс ды поладомс се питнейчинть, кона кадовсь тенек казнекс покштятнень-бабатнень пельде. Паряк, «Тюштянь налксематненень» яволявтозь иенть лувсо лездыть тензэ касыця од раськенть туртов те паро тевсэнть.
Марина Агафонова
Вастовоманть пингстэ ванновсть зярыя кевкстемат. Ёвтазель мель совавтомс «Тюштянь налксематнень» тонавтомань учреждениятнень (эйдень кужонь, школань, колледжтнень, вузтнэнь) аволь классонь важодемас, косо эйкакштне содавтовольть тиринь ёнксонь кезэрень налксематнень марто. Истя жо лезэвекс улевель поладомс сынст ютавтомаст фольклорной ды культ-массовой мероприятиятнесэ. Теде башка, «Тюштянь налксематненень» умок улемаль Мордовиянь башка брэндэкс, кода раськень башкачинть (идентичностенть) ванстыця организация. Кадык весе раськенек – эрзятне, мокшотне, шокшотне, каратайтне – содыть, минек улить аволь ансяк морот-киштемат, улить раськень налксеманокак. Тень кисэ ютавтовсть историко-краеведческой ванномат, конатнень пингстэ исследовательтне ардтнесть Мордовиянь районтнэва, косо кевкстневсть сыре ломантне: кода икелень шкане ютавтнесть налксематнень?
«Тюштянь налксемат» вейсэндявксось васенце пелькстамотнень ютавтынзе 2004 иестэ Чукало велесэ ютавтовиця Раськень Озкссонть. Те шкастонть саезь неть налксематне кармасть седеяк виевгадомо. Кортамотнень шкасто Павел Мигунов ёвтызе эсь мелензэ: «Пароль бу мартонь 23-це чинть яволявтомс «Тюштянь налксемань» чикс ды седе тов улезэ «Тюштянь налксемань» иекс. Тень коряс, нама, покш прявттнэнень пшкадевельть общественной организациятняк. 2024 иенть перть ардтневлинек кода эсенек республикава, истя шабра регионтнэваяк. Мон арсян, сась шка седеяк келейгавтомс минек раськень койтнень ды ёвтнемс эйстэдест ломантненень, васняяк – эйкакштненень, конатненень шумбрасто касомга пек эрявить рунгонь ливчакавтомань эрьва кодат налксемат. Лия раськетнень те весе ули, эряви миненекак а кадовомс удалов…».
Налксемась – те мельспаросо оймсема, эрьгелема ды, теке шкасто, сонзэ вельде невтеви эрязачиськак. «Минь течи ледстнинек, кода вишкинестэ налксекшнынек эрьва кодамо налксемасо. Эрьва иень шкасто ульнесть башка налксемат. Ней ламотне эйстэст кармасть стувтовомо. Пароль бу сынст велявтомс мекев ды невтемс школасо эйкакштненень, эдь сынст кастомасо налксематнень покш смустест. Саемга, веенстнэ лездыть суронь-эзнень эрязачинтень (моторикантень), омбонстнэ – норовчинтень (меткость), санонь кемечинтень, тюремасо ёрокчинтень, колмонстнэ – превсэ арсемантень ды седе тов», – ёвтызе мелензэ МР-нь культурань заслуженной роботникесь, «Эрзянь мастор» газетань прявтось Татьяна Ларина.
«Минь умок бажинек пурнавомс ды кепедемс кевкстемат, конат сюлмавозь раськень спортонть ды пелькстамотнень марто. Эряви меремс, раськень спортось аволь пек виев, кода бу эряволь. Сон, прок, ашти кенкш удало. Лия регионтнэсэ седе покш мель явить эсест раськень спортонтень. Тосо ютавтневить фестивальтькак, покш пелькстамоткак. Сёрмадовить книгат, школатнесэяк ветявить аволь классонь занятият. Минек республикасонок жо Павел Валерьевич ськамонзо тарги те ёнксонть. Арась истямо мероприятия, косо бу сон аволь уле. Эрьва косо бажи невтемс минек раськень налксематнень-пелькстамотнень. Те пек вадря. Мезе берянесь – сонензэ арасть лездыцят», – мелявтозь кортась «Литова» эрзянь авань вейсэндявксонь прявтось Раиса Щанкина, кона анокстась «Тюштянь налксематнень» эрямокидест цела доклад. Поладсь ёвтнеманзо сеньсэ, кода вете иеде икеле ульнесь лезкс образованиянь управлениянть пельде: Павел Мигуновнень меревсь ютавтнемс аволь классонь занятият Саранскоень1-це № школасо. Ютавтозельть тень коряс зярыя семинарт, косо ёвтазель вейке мель – совавтомс «Тюштянь налксематнень» школань программатнес. Ансяк семинардо васов тевесь эзь туе. Чарькодеви, тесэ эрявить сёрмадомс башка программат, конатнес эрявить явомс аволь аламо ярмакт.
Пурнавозтне истя жо мелявтсть, мекс Павел Мигуновнень а максови лезкс прявттнэнь пельде. Мекс Мордовиянь Спортонь министерствасо те шкас арась раськень спортонь отдел. Эдь национальной республикасо тень коряс эрявольть теемс кодаткак ведомстват эли структурной подразделеният, конат важодевельть раськень спортонь ванстоманть коряс кевкстематнень лангсо. Кода тешкстызе Н. П. Огарёв лемсэ МГУ-нь Финнэнь-угрань культурань Научно-исследовательской лабораториянь заведующеесь Елена Ломшина, натой Президентэнекак мелявты раськень койтнень-кирдатнень ванстомадо. Павел Мигуновонь теньсэ улить покш содамочинзэ ды а лепамиця кемемазо вельмевтемс ды поладомс се питнейчинть, кона кадовсь тенек казнекс покштятнень-бабатнень пельде. Паряк, «Тюштянь налксематненень» яволявтозь иенть лувсо лездыть тензэ касыця од раськенть туртов те паро тевсэнть.
Марина Агафонова