- Подробности
- Категория: События недели
Фестивалесь-пелькстамось пачкодсь куншкавидьс, икелепелев минек учить эштё зярыя районт, косо эрить ламо эрзянь ломанть. Течи жо ёвтнетяно седе, мезе ваныцятненень невтсть Отяжелень ды Ромодановань ёнкстнэ. Саранскоень РДК-нь омбоце этажсо сравтовкшнось «Мастерство земли мордовской» покш выставкась, косо невтезельть кедьчелькев ломантнень теевксэст, кодавксост, артовксост. Кодашка тесэ мазычи ды покш важодема! Кой-кона мастертнэде минь уш ёвтнинек минек газетань лопатнесэ, лиятнеде сёрмадтано сыця шкасто.
- Подробности
- Категория: События недели
Надежда Владимировна Бочкановань (тейтерькс – Мартынова) содаса пек умок. Ледстневи, советской шкатнестэ, кавксоньгеменце иетнестэ, савсь тень улемс Кочкуровань райононь Кацялай велесэ. Те шкас эзь стувтово сынст покш, од ды мазый кудост, косо ояксчисэ эрясь ламо эйкакшонь триця Мартыновтнень семиясь.
- Подробности
- Категория: События недели
Октябрянь 21-це чистэ Саранскойсэ ушодовсь «Шумбрат, Мордовия!» раськень творчествань республикань фестивалесь-пелькстамось. Ютазь оймсема читнестэ Республикань Культурань кудосо ёрокчист невтизь Покш Березникень, Ельникень, Орданьбуень ды Кадошкинань муниципальной районтнэ.
- Подробности
- Категория: События недели
Октябрянь 26–28-це читнестэ Челябинской областень Миасс ошсо ютась финнэнь-угрань культурань «Пантеон» фестиваль. Сонзэ анокстыцякс кармась «Иненармунь» эрзянь ды мокшонь раськень-культурань центрань прявтось Ольга Лысенко (фотосонть). Фестивалесь ютавтовсь Культурань инициативатнень Президентэнь фондонть лезксэнзэ вельде. Мордовиянть пельде Челябань ёнксов якасть «Мерема» этнографической фольклорной студиясь ды «Варма» этно-арт-театрась.