Велень хозяйствасо важодицятнень туртов шожда шкат а эрсить зярдояк. Сынь тевсэть иензэ перть. Ванат, эзть кенере прядовомо тундонь видемань тевтне, трудий ломантнень уш лия мелявкс – ракшатнень туртов теленень тикшетнень-андомапельтнень анокстамось. Паксятнесэ тевтне лаказь-лакить. Ансяк прядызь ламо иень тикшетнень ледеманть-пурнамонть, тесэ уш кенерсть вейке иенсетнеяк. А эдь те тевсэнть весементь теема шкастонзо, штобу ванстомс тикшенть весе вадрячинзэ.
- Подробности
- Категория: События недели
«Мерема» раськень фольклорной ансамблясь, конань прявтсо Мордовия Республикань культурань заслуженной роботникесь Екатерина Модина («Саранск ошонь Культурань дворец» МБУК), «Лаймоня» эйкакшонь фольклорной ансамблясь, прявтось – Мордовия Республикань культурань заслуженной роботникесь Виктор Пивкин (Сыре Шайговань райононь «Центр национальной культуры» МБУК) ды Сыре Теризморга велестэ викшницясь Анна Цыганова невтизь ёрокчист покш мероприятиятнесэ, конатне ютавтовсть Чувашия Республикасо.