С. Д. Эрьзя лемсэ изобразительной искусствань музеенть юрсо важоди «АРТ-Центр» культурань ды искусствань виевгавтомань аволь коммерческой организациясь. Вана уш омбоце ие сон изни Культурань инициативатнень Президентэнь фондонь грант. Васня «СОЮЗ ЭРЬЗЯ ФИЛЬМ» художественной анимациянь ды мультимедиань профессиональной студиясо теезельть фильмат.
Ней жо совавтови эрямос «СОЮЗ ЭРЬЗЯ ФИЛЬМ. Межнациональное согласие» проектэсь. Кодамо сон ды мезде? Теде тенек ёвтнесть проектэнь ветицятне Екатерина Кондрашкина ды Татьяна Ведякова.
– Мордовиясо ояксчисэ эрить ламо раськеть. Сынст ютксо покш тарка саить рузтнэ, эрзятне, мокшотне ды татартнэ. Зярыя пингень перть вейсэ эрязь, раськетне лездыть вейкест-вейкест туртов. Эрси истяяк, малацек эрязь, а содасынек шабра раськетнень культураст, коест-кирдаст, мелявксост ды кенярксост. Мекс бу а содамс теде седе домкасто? Улить тевть, конат сюлмить минек, улить эйкакш пингеде лембе ледстнемат. Тень эряви кирдемс мельсэ ды а стувтнемс. Минь тагояк важодтяно фильма лангсо. Те карми артыцянть Людмила Колчановань-Нарбековань картинанзо коряс короткометражной фильма. Сонзэ творчествасо вейс сюлмавсть колмо раськень культуратне: рузонь, эрзянь-мокшонь ды татаронь. Людмила Николаевна рузава, сон ульнесь эрзянь ды мокшонь модань (мазый оршамопельтнень) невтемань ушодыцякс, мирденень лиссь татаронь цёрань экшс. Секскак творчествасонзо колмо культуратне парсте невтевить ваныцятнень туртов. Фильмась – минек проектэнь ансяк вейке пелькс, анимационной. Улить эштё просветительской ды творческой ёнкст, – пачти С. Д. Эрьзя лемсэ музеень старшей научной сотрудникесь Екатерина Кондрашкина.
Проектэнь творческой пелькссэнть панжовсть кавто студият: артомань ды саунд-дизайнонь. Сынь важодить октябрясто саезь. Ковозонзо кавксть сакшныть школань тонавтницят ды сынст туртов ютыть занятият. Весе те ярмактомо. Эйкакштнень марто важодить тонавтыцят ды содавикс артыцят.
– Артомань студиясь явозь колмо ёнкска: Ольга Малаева содавты эрзянь ды мокшонь культуранть марто; Хафиз Бикбаев – татаронь; Анжелика Романова – рузонь. Эйкакштне тейнить вейсэнь артовкст, кортыть ды ванкшныть, кода культуратне сюлмавить вейс. Мейле минек оборудованиясо юты артовкстнэнь оцифровка. Артовкстнэ тевс нолдавить Интернетсэ. Сынь невтевить роликсэ. Васенцесь ульнесь «Ламо раськень Мордовия». Весе те лезды муемс вейкетьксчи раськеютконь тевтнесэ. Артомань студияв мереви самс кемень ломаннень. Занятиясь моли колмо част, ансяк кода кортыть эйкакштне, шкась ливтязь ливти, истя тукшны мелезэст.
Башка валт ёвтавлинь саунд-дизайнонь студиядонть. Сон – весе Россиянть келес лия ёнов а молиця проект. Занятияс тердевить ансяк вете ломанть, кото иестэ саезь ды седе покш эйкакшт. Пек учотано, зярдо вейсэ сыть семиянек – тетясь-авась, эйкакшост. Студиянть вети Ирина Рахманова композиторось (сон важоди МР-нь Някань государственной театрасо актрисакс). Ули эсензэ музыкальной инструментэнь коллекциязо. Проектэнть вельде миньгак раминек седямопельть. Эйкакштне ванкшныть ды тонавтнить, кода теевить эрьва кодат гайттне, ютавтыть экспериментт. Мезе парось – ломантне ушодыть кортамо вейкест-вейкест марто, муить вейсэнь кель, пачтить мелест-арсемаст. Занятиятнень ютксо оймсема шкастонть свал симтяно чайде, – ёвтни С. Д. Эрьзя лемсэ музеень выставочно-экспозиционной отделэнь научной сотрудникесь Татьяна Ведякова.
Эрьва занятияс кочкави кодамояк од тема. Артыцятне ютавтыть занятия онлайн вельдеяк. Эдь аволь весе кельгить студиянтень, неемс бажить ламот. Кода пачтясть проектэнь ветицятне, мартост важодить раськеютконь кевкстематнень коряс колмо консультантт. Рузонь тевтнень коряс важоди Татьяна Качурина, эрзянь ды мокшонь – Оксана Белкина, татаронь – Надия Азисова. Сынь анокстыть статьят ды чарькодевиксстэ пачтить инжетненень минек культуратнеде. Ульнесть занятият раськень тешкстнэде, эрзянь ды мокшонь лемтнеде, татаронь ярсамопельтнеде, налксематнеде, рузонь каштомодонть, пазава уголдо, кенярксчитнеде ды ламо лиядо мезде.
Проектэсь карми молеме июнень 30-це чис. Апрельстэ юбилеензэ тешксты С. Д. Эрьзя лемсэ музеень прявтось Л. Н. Нарбекова, арсеви панжомс покш выставка. Седе тов невтеви сонзэ картинатнень коряс «Река времени» фильма. Истя жо апрельстэ учови Ирина Рахмановань творческой чокшнезэ. Малав комсь ломанть важодить «СОЮЗ ЭРЬЗЯ ФИЛЬМ. Межнациональное согласие» проектэнть лангсо, конась лезды вейсэндямс раськетнень.
Татьяна Маторкина
– Мордовиясо ояксчисэ эрить ламо раськеть. Сынст ютксо покш тарка саить рузтнэ, эрзятне, мокшотне ды татартнэ. Зярыя пингень перть вейсэ эрязь, раськетне лездыть вейкест-вейкест туртов. Эрси истяяк, малацек эрязь, а содасынек шабра раськетнень культураст, коест-кирдаст, мелявксост ды кенярксост. Мекс бу а содамс теде седе домкасто? Улить тевть, конат сюлмить минек, улить эйкакш пингеде лембе ледстнемат. Тень эряви кирдемс мельсэ ды а стувтнемс. Минь тагояк важодтяно фильма лангсо. Те карми артыцянть Людмила Колчановань-Нарбековань картинанзо коряс короткометражной фильма. Сонзэ творчествасо вейс сюлмавсть колмо раськень культуратне: рузонь, эрзянь-мокшонь ды татаронь. Людмила Николаевна рузава, сон ульнесь эрзянь ды мокшонь модань (мазый оршамопельтнень) невтемань ушодыцякс, мирденень лиссь татаронь цёрань экшс. Секскак творчествасонзо колмо культуратне парсте невтевить ваныцятнень туртов. Фильмась – минек проектэнь ансяк вейке пелькс, анимационной. Улить эштё просветительской ды творческой ёнкст, – пачти С. Д. Эрьзя лемсэ музеень старшей научной сотрудникесь Екатерина Кондрашкина.
Проектэнь творческой пелькссэнть панжовсть кавто студият: артомань ды саунд-дизайнонь. Сынь важодить октябрясто саезь. Ковозонзо кавксть сакшныть школань тонавтницят ды сынст туртов ютыть занятият. Весе те ярмактомо. Эйкакштнень марто важодить тонавтыцят ды содавикс артыцят.
– Артомань студиясь явозь колмо ёнкска: Ольга Малаева содавты эрзянь ды мокшонь культуранть марто; Хафиз Бикбаев – татаронь; Анжелика Романова – рузонь. Эйкакштне тейнить вейсэнь артовкст, кортыть ды ванкшныть, кода культуратне сюлмавить вейс. Мейле минек оборудованиясо юты артовкстнэнь оцифровка. Артовкстнэ тевс нолдавить Интернетсэ. Сынь невтевить роликсэ. Васенцесь ульнесь «Ламо раськень Мордовия». Весе те лезды муемс вейкетьксчи раськеютконь тевтнесэ. Артомань студияв мереви самс кемень ломаннень. Занятиясь моли колмо част, ансяк кода кортыть эйкакштне, шкась ливтязь ливти, истя тукшны мелезэст.
Башка валт ёвтавлинь саунд-дизайнонь студиядонть. Сон – весе Россиянть келес лия ёнов а молиця проект. Занятияс тердевить ансяк вете ломанть, кото иестэ саезь ды седе покш эйкакшт. Пек учотано, зярдо вейсэ сыть семиянек – тетясь-авась, эйкакшост. Студиянть вети Ирина Рахманова композиторось (сон важоди МР-нь Някань государственной театрасо актрисакс). Ули эсензэ музыкальной инструментэнь коллекциязо. Проектэнть вельде миньгак раминек седямопельть. Эйкакштне ванкшныть ды тонавтнить, кода теевить эрьва кодат гайттне, ютавтыть экспериментт. Мезе парось – ломантне ушодыть кортамо вейкест-вейкест марто, муить вейсэнь кель, пачтить мелест-арсемаст. Занятиятнень ютксо оймсема шкастонть свал симтяно чайде, – ёвтни С. Д. Эрьзя лемсэ музеень выставочно-экспозиционной отделэнь научной сотрудникесь Татьяна Ведякова.
Эрьва занятияс кочкави кодамояк од тема. Артыцятне ютавтыть занятия онлайн вельдеяк. Эдь аволь весе кельгить студиянтень, неемс бажить ламот. Кода пачтясть проектэнь ветицятне, мартост важодить раськеютконь кевкстематнень коряс колмо консультантт. Рузонь тевтнень коряс важоди Татьяна Качурина, эрзянь ды мокшонь – Оксана Белкина, татаронь – Надия Азисова. Сынь анокстыть статьят ды чарькодевиксстэ пачтить инжетненень минек культуратнеде. Ульнесть занятият раськень тешкстнэде, эрзянь ды мокшонь лемтнеде, татаронь ярсамопельтнеде, налксематнеде, рузонь каштомодонть, пазава уголдо, кенярксчитнеде ды ламо лиядо мезде.
Проектэсь карми молеме июнень 30-це чис. Апрельстэ юбилеензэ тешксты С. Д. Эрьзя лемсэ музеень прявтось Л. Н. Нарбекова, арсеви панжомс покш выставка. Седе тов невтеви сонзэ картинатнень коряс «Река времени» фильма. Истя жо апрельстэ учови Ирина Рахмановань творческой чокшнезэ. Малав комсь ломанть важодить «СОЮЗ ЭРЬЗЯ ФИЛЬМ. Межнациональное согласие» проектэнть лангсо, конась лезды вейсэндямс раськетнень.
Татьяна Маторкина