«Онкопатруль» весероссиянь проектэнть лувсо Саранскойсэ ютавтовсть ламо мероприятият. Те паро тевентень ушодкс путсть РФ-нь Федерациянь Советэсь ды Россиянь Онкологиянь ассоциациясь. Мордовияв сакшность РФ-нь Минздравонь Национальной медицинской исследовательской радиологиянь центрань (НМИЦ-нь) эксперттнэ.
Масторонь келес содавикс врачонь команданть прявтсоль Россиянь Минздравонь радиологиянь МНИЦ-нь прявтонь полавтыцясь Галина Алексеева. Сынь ютавтсть шумбрачинь профилактикань ванкшномат предприятиятнесэ важодицятнень туртов. Неть ломантне икелепелев ютакшность медванкшномат, кинь шумбрачист коряс ульнесть кавтолдомат, сетне тердезельть консультацияс Московонь эксперттнэнень.
Теде башка, масторонь келес содавикс врачтне Саранскоень врачтнень туртов ютавтсть мастер-класс. Невтемакс, Республикань онкологиянь диспансерсэ пурнавкшность эндоскописттнэ.
Н. П. Огарёв лемсэ МГУ-нь васенце корпуссонть ютавтовсь онкологиянь орматнень а нолдамост ды таргозькстнэнь шкастонзо лангс ливтемаст коряс васенце звенань врачтнень туртов ламопрофилень сисемеце конференциясь. Сонзэ эйсэ ульнесть МР-нь здравоохранениянь министрась О. В. Маркин, Н.П. Огарёв лемсэ МГУ-нь ректорось, МР-нь Госсобраниянь депутатось Д. Е. Глушко, МР-нь Здравоохранениянь министерствань главной внештатной специалистэсь Г. М. Веснушкин.
Конференциянтень истя жо тердезельть республикань, Саранск ошонь больницятнесэ ды поликлиникатнесэ важодиця врачт, Н. П. Огарёв лемсэ МГУ-нь Медицинской институтонь студентт. Кортамось мольсь онкологиянь орматнень шкастонзо лангс ливтемадо ды ормалгадозтненень лезксэнь максомадо.
Теке жо чистэ МР-нь Госсобраниясо ютавтовсь «Опыт «Онкопатруля» по работе с населением» теманть коряс кругловой столь. Сонзэ панжизе ды ветясь МР-нь Госсобраниянь Председателень полавтыцясь, Социальной политикань коряс комитетэнь прявтось Наталья Долматова. Сон ёвтызе пек эрявикс тевекс минек республикасо «Онкопатруль» проектэнть коряс эрицятнень шумбрачист ванкшноманть ды Россиянь онкологтнень пельде консультациянть питневтеме максоманть.
– «Шумбрачи» национальной проектэнть вельде масторонь келес медицинской организациятненень максозь неень шкантень ладиця од оборудования онкологиянь орматнень лангс ливтемга ды сынст лецямга, – мерсь РФ-нь Минздравонь Национальной медицинской исследовательской радиологиянь центрань прявтонь полавтыцясь Галина Алексеева. – Эштё ламо иеде теде икеле весенень чарькодевсь, онкологиянь орматнень коряс пштистэ ванома аволь ансяк врачтненень, истя жо эрицятнененьгак. Сеедьстэ эрси истя, ломантненень а ютко молемс врачнень. Тень мельс саезь, минсь ардтнетяно регионтнэва ды ванкшнотано ломантнень шумбрачист. Вете иеде ламо шкань перть ванкшнынек 12 тёжат ломанть. Истя, юткстост кавтосядтнэнь эйстэ редязель онкологиясь. Лангс ваномс, цифрась аволь уш покш, ансяк эрьванть удало – ломанень эрямот.
Галина Алексеевань валонзо коряс, Мордовиясо кавто чинь перть «Онкопатрулесь» ванкшнось колмосядто ламо ломанть, юткстост ведьгементнень кармить ванкшномо седе домкасто.
Меельцекс Рузонь драмань театрасо ютавтовсь торжественной промкс, конась алтавсь «Онкопатруль» проектэнть коряс Мордовиясо важодемадо итогтнень теемантень. Тосо ульнесть МР-нь Прявтось Артём Здунов ды Россиянь Минздравонь прявт внештатной онкологось, радиологиянь НМИЦ-нь прявтось Андрей Каприн.
Кода мерсь Артём Алексеевич, «Онкопатруль» акциянть лезксэнзэ вельде сэредиця ломантнень чачи шумбралгадомантень кемемаст. Мордовиясо акциянть пингстэ предприятиятнесэ ванкшнозельть 380 важодицят. Лангс ливтезь 46 стака ормат. Сынст туртов ютавтозь консультацият Московонь эксперттнэнь марто. Истя жо специалисттнэ тейсть кемень операцият ды эндоскопической сисем ванкшномат.
Россиянь Минздравонь прявт внештатной онкологось Андрей Каприн ёвтась сюкпря весе коллегатненень-онкологтненень, кить бороцить раконть каршо, Мордовиянь Прявтонтень Артём Здуновнень – проектэнтень лездамонть ды республикань эрицятнень шумбрачист кувалма мелявтоманть кисэ.
Церемониянть шкасто ютавтовсь виде линия Республикань онкодиспансерэнь операционноенть марто, косо теевсь стака операция. Онкологтне лездасть Мордовиянь сэредиця врачонтень изнямс орманть.
Мероприятиясонть истя жо явшесть казнеть «Онкопатрулень» специалисттнэнень ды Мордовиянь медиктненень, конат ульнесть проектсэнть.
Валентина Юдина
Теде башка, масторонь келес содавикс врачтне Саранскоень врачтнень туртов ютавтсть мастер-класс. Невтемакс, Республикань онкологиянь диспансерсэ пурнавкшность эндоскописттнэ.
Н. П. Огарёв лемсэ МГУ-нь васенце корпуссонть ютавтовсь онкологиянь орматнень а нолдамост ды таргозькстнэнь шкастонзо лангс ливтемаст коряс васенце звенань врачтнень туртов ламопрофилень сисемеце конференциясь. Сонзэ эйсэ ульнесть МР-нь здравоохранениянь министрась О. В. Маркин, Н.П. Огарёв лемсэ МГУ-нь ректорось, МР-нь Госсобраниянь депутатось Д. Е. Глушко, МР-нь Здравоохранениянь министерствань главной внештатной специалистэсь Г. М. Веснушкин.
Конференциянтень истя жо тердезельть республикань, Саранск ошонь больницятнесэ ды поликлиникатнесэ важодиця врачт, Н. П. Огарёв лемсэ МГУ-нь Медицинской институтонь студентт. Кортамось мольсь онкологиянь орматнень шкастонзо лангс ливтемадо ды ормалгадозтненень лезксэнь максомадо.
Теке жо чистэ МР-нь Госсобраниясо ютавтовсь «Опыт «Онкопатруля» по работе с населением» теманть коряс кругловой столь. Сонзэ панжизе ды ветясь МР-нь Госсобраниянь Председателень полавтыцясь, Социальной политикань коряс комитетэнь прявтось Наталья Долматова. Сон ёвтызе пек эрявикс тевекс минек республикасо «Онкопатруль» проектэнть коряс эрицятнень шумбрачист ванкшноманть ды Россиянь онкологтнень пельде консультациянть питневтеме максоманть.
– «Шумбрачи» национальной проектэнть вельде масторонь келес медицинской организациятненень максозь неень шкантень ладиця од оборудования онкологиянь орматнень лангс ливтемга ды сынст лецямга, – мерсь РФ-нь Минздравонь Национальной медицинской исследовательской радиологиянь центрань прявтонь полавтыцясь Галина Алексеева. – Эштё ламо иеде теде икеле весенень чарькодевсь, онкологиянь орматнень коряс пштистэ ванома аволь ансяк врачтненень, истя жо эрицятнененьгак. Сеедьстэ эрси истя, ломантненень а ютко молемс врачнень. Тень мельс саезь, минсь ардтнетяно регионтнэва ды ванкшнотано ломантнень шумбрачист. Вете иеде ламо шкань перть ванкшнынек 12 тёжат ломанть. Истя, юткстост кавтосядтнэнь эйстэ редязель онкологиясь. Лангс ваномс, цифрась аволь уш покш, ансяк эрьванть удало – ломанень эрямот.
Галина Алексеевань валонзо коряс, Мордовиясо кавто чинь перть «Онкопатрулесь» ванкшнось колмосядто ламо ломанть, юткстост ведьгементнень кармить ванкшномо седе домкасто.
Меельцекс Рузонь драмань театрасо ютавтовсь торжественной промкс, конась алтавсь «Онкопатруль» проектэнть коряс Мордовиясо важодемадо итогтнень теемантень. Тосо ульнесть МР-нь Прявтось Артём Здунов ды Россиянь Минздравонь прявт внештатной онкологось, радиологиянь НМИЦ-нь прявтось Андрей Каприн.
Кода мерсь Артём Алексеевич, «Онкопатруль» акциянть лезксэнзэ вельде сэредиця ломантнень чачи шумбралгадомантень кемемаст. Мордовиясо акциянть пингстэ предприятиятнесэ ванкшнозельть 380 важодицят. Лангс ливтезь 46 стака ормат. Сынст туртов ютавтозь консультацият Московонь эксперттнэнь марто. Истя жо специалисттнэ тейсть кемень операцият ды эндоскопической сисем ванкшномат.
Россиянь Минздравонь прявт внештатной онкологось Андрей Каприн ёвтась сюкпря весе коллегатненень-онкологтненень, кить бороцить раконть каршо, Мордовиянь Прявтонтень Артём Здуновнень – проектэнтень лездамонть ды республикань эрицятнень шумбрачист кувалма мелявтоманть кисэ.
Церемониянть шкасто ютавтовсь виде линия Республикань онкодиспансерэнь операционноенть марто, косо теевсь стака операция. Онкологтне лездасть Мордовиянь сэредиця врачонтень изнямс орманть.
Мероприятиясонть истя жо явшесть казнеть «Онкопатрулень» специалисттнэнень ды Мордовиянь медиктненень, конат ульнесть проектсэнть.
Валентина Юдина
