МР-нь Госсобраниянь сисемеце тердемань 29-це сессиясонть ульнесть Мордовиянь Прявтось Артём Здунов, МР-нь Правительствань члентнэ, властень исполнительной органтнэнь ды местной самоуправлениянь органтнэнь руководительтне.

Совавтозь полавтомат «О республиканском бюджете Республики Мордовия на 2023 год и на плановый период 2024 и 2025 годов» Мордовия Республикань Закононтень. 2023 иентень доходтнэнь покшолмась ды бюджетэнь ютавтовкстнэнь пельксэсь покшолгавтозь 1 млрд 78 млн целковойтнес. Ярмактне явовить китнень витнемс; республикань шумбрачинь ванстомань системанть паролгавтомс; эрямс а маштовиця кудотнень таркас одтнэнь стявтомс ды лия тевтнес.

Депутаттнэ шнызь законопроектэнть, конань совавтызе республикань прокурорось Сергей Лапин. Полавтоматнень коряс, ней республикань авань капиталонь ярмактнень мереви ютавтомс товартнэнь ды услугатнень рамамс, конат аравтозь лавшо шумбрачи марто эйкакштнень социальной адаптациянть туртов. Теде башка, ярмактнень мереви ютавтомс Россиясо шумбрачинь ванстомань организациятнесэ эйкакшонть туртов питнеде медицинской услугатнень пандомантень, истя жо эйкакштнень оймсемаст ды шумбрачист кемекстамост кисэ пандоматненень.

Сессиясонть примазь «О внесении изменений в Закон Республики Мордовия «О бюджете Территориального фонда обязательного медицинского страхования Республики Мордовия на 2023 и на плановый период 2024 и 2025 годов» законось. Те иентень фондонь бюджетэнь доходтнэнь покшолмась а полавтови ды карми 11,539 млрд целковойть.

Кемекстазь мельтне-арсематне 2024 иентень кочкицятнень кармавтомаст коряс. Тов совасть кевкстематне, конат сюлмавозь автомобилень китнень строямонть ды витнеманть, шумбрачинь ванстоманть, образованиянь, культурань учреждениятнень витнеманть-петнеманть марто ды истя седе тов. Ваннозельть лия кевкстематкак.