АВОЛЬ УМОК САРАНСК ОШОНЬ ОКРУГОНЬ ПРОЛЕТАРСКОЙ РАЙОНОНЬ ТЕЙТЕРЬ-АВАНЬ ВЕЙСЭНДЯВКСОСЬ ЮТАВТСЬ ПРОМКС, КОСО ВАНКШНОВСТЬ ТАЛНОВТЫЦЯ ЛАМО КЕВКСТЕМАТ. СОНЗЭ ПАНЖИЗЕ ДЫ ВЕТЯСЬ ТЕ РАЙОНОНЬ АДМИНИСТРАЦИЯНЬ ПРЯВТОНЬ ПОЛАВТЫЦЯСЬ ИГОРЬ КУЛАГИН.
ТОВ САКШНОСЬ «СОЮЗ ЖЕНЩИН РОССИИ» ОБЩЕРОССИЙСКОЙ ОБЩЕСТВЕННО-ГОСУДАРСТВЕННОЙ ОРГАНИЗАЦИЯНЬ МОРДОВСКОЙ РЕГИОНАЛЬНОЙ ОТДЕЛЕНИЯНЬ ПРЯВТОСЬ ОЛЬГА ВИКТОРОВНА ИГНАТОВА. СОН НУРЬКИНЕСТЭ ПАЧТЯСЬ ТЕ ОРГАНИЗАЦИЯНТЬ ИСТОРИЯДОНЗО, КОДАТ ТЕВТЬ-ЛУВТ ИКЕЛЕНЗЭ АРАВТСЬ ЭРЯМОНЬ ЭРЬВА ШКАСТО. БАШКА МЕЛЬ ЯВСЬ ТЕЧИНЬ ТАЛНОВТЫЦЯ КЕВКСТЕМАТНЕНЕНЬ, ТЕНЕНЬ ПУТОЗЬ ТЕЙТЕРЬ-АВАТНЕНЬ ТАЛИКАНТЕНЬ.
Комсь иеде ламо шкань перть Пролетарской райононь авань советэнь прявтонь тевенть топавтсь седеймариця, ламо тевс бажиця ломанесь – Лидия Сергеевна Цаплина. Сон пурнась перьканзо виев команда, конась ютазь пингень 90-це иетнеде мейле, стака шканть лангс апак вано, тейсь ламо паро тевть Светотехстроень эрицятнень лезэс.
– Ледстневи, васень шкасто саезь, вейсэндинек здравоохранениясо, образованиясо, культурасо, эрямонь-коммунальной хозяйствасо ды промышленной предприятиясо важодиця тейтерь-аватнень, – пачтясь Лидия Сергеевна. – Минь лездынек ванстомс художественной самодеятельностень коллективтнень, путынек ушодкс Пролетарской райононь парконть теемантень, «Луч» Культурань кудонть одкстомтомантень, – поладсь Лидия Цаплина.
Неень шкане сон ёвты сюкпря весе лездыцятненень: Саранск ошонь ды Пролетарской райононь прявттнэнень. Сонзэ валонзо коряс, авань советэнь эрьва членэсь эсензэ таркасо ванкшнось ламо кевкстемат, конат токасть тевень муеманть, материальной лезксэнь максоманть, эрямонь-коммунальной стакачитнень витеманть.
Тейтерь-авань активенть покш путовксозо культурно-нравственной лувонть ветямосо, од ломантнень зыянов тевтнеде ванстомасо.
Важодемань кодат тевть ансяк эзть кочкакшно патриотической лувонть ветямга: вастовомат, презентацият. Ютавтозельть мужествань урокт: «И возвращаются имена», «Жизнь – подвиг», «Есть такая профессия – Родину защищать», «Великий подвиг Ленинграда». «Поиск» патриотической объединениянть марто вейсэ невтсть театрализованной представленият, конат алтавсть Воинской Славань читненень.
Перинатальной центрань прявттнэнь ушодксост шназь, вейсэ анокстасть ды ютавтсть зярыя мероприятият аламо сталмо марто чачозь эйкакштненень (недоношенной) лездамга. Саранск ошонь округонь 25 ды 5 номерт школатнесэ ульнесть вастовомат содавикс писательтнень ды поэттнэнь марто, аволь весть тердтнизь эсест мероприятиятнес Госфилармониянь солисттнэнь.
– Минь аволь весть ульнинек промышленной предприятиятнесэ ды эрямонь-коммунальной хозяйствань управлениятнесэ, – пачтясь Лидия Сергеевна. – Эсенек сельмсэ неинек, кодамо условиясо важодить минек тейтерь-аватне.
Промкссонть башка кортамо мольсь «Союз женщин Мордовии» республиканской общественной организациянть вийсэ «Посылка солдату» Своих не бросаем» военно-патриотической акциянть ютавтомадо. Сон алтазель Ине Отечественной войнасо Изнямонь 77 иетненень. Теде пурнавозтненень пачтясь те вейсэндявксонь прявтось Ольга Игнатова. Ольга Викторовна ёвтась покш сюкпря те паро тевенть кисэ Пролетарской райононь авань советс совиця активисткатненень ды иневанькс Иоанн Кронштадтский лемсэ церьковань настоятелентень отец Владимирнэнь (Кугушевнень).
Эрьва лездыцясь бажась пурнамс казнеть прок эсензэ малавикс ломанентень. Посылкатнес мезе ансяк эзть путо, эдь кудонть эйстэ ве ёно солдаттнэ пек кенярдсть сыненст мелень явомантень.
Те акциясонть покш лезксэнь максомань кисэ республикань «Союз женщин Мордовии» общественной организациянь Почётонь грамотасо казезельть Пролетарской райононь авань советэнь прявтось Лидия Цаплина, «Центр эстетического воспитания детей» МУДО-нь прявтось Елена Давыдова, «Оценочные системы» ООО-нь руководителесь Валентина Гришанина ды лият.
Истя жо те чистэнть питней казне Россиянь тейтерь-авань вейсэндявксонь памятной медаль максовсь «Поликлиника № 2» МР-нь ГБУЗ-нь Мордовия Республикань заслуженной врачонтень, поликлинической отделениянь прявтонтень Ирина Ермакованень. Ирина Станиславовна ламо иеть важоди медицинасо. Пандемиянь шкасто вейсэ ялгатнень марто виень апак вансто идесь ламо эрямот апаро ормадонть.
Нама, эрьванть юткстонок ули важодема тарказо, кудоютконь тевензэ. Вана неть тейтерь-аватне, сиземанть лангс апак вано, эштё муить шка топавтомс общественной важодема, лездамс сетненень, кинень эрси пек стака, кие пшкади тенст ды энялды венстямс кедь.
«Союз женщин России» Общероссийской общественно-государственной организациянь Мордовской региональной отделениянть марто вейсэ кепсевсть ламо талновтыця темат ды корязост кемекстазельть эрявикс решеният. Неть: седеймарямонь тевть, сынь алтавсть кода од ломантненень, истя сыретнененьгак, лезэнь кандыця акцият. Сынст вельде кемекставсть семиятне, явовсть башка мель тейтерь-аватненень. Истя, анокстазельть ды ютавтозельть «Эстафета материнского подвига», «Я могу», «Женщины против наркотиков» ды ламо лия акциятне. Невтемакс, «Электровыпрямитель» ОАО-нть юрсо, вейсэ те предприятиянь авань советэнь прявтонть Надежда Сураева марто, эрьва иестэ ютавтозельть Авань кенярксчинтень, Семиянь чинтень, Заводонь чинтень алтазь мероприятият.
Валентина Юдина
Комсь иеде ламо шкань перть Пролетарской райононь авань советэнь прявтонь тевенть топавтсь седеймариця, ламо тевс бажиця ломанесь – Лидия Сергеевна Цаплина. Сон пурнась перьканзо виев команда, конась ютазь пингень 90-це иетнеде мейле, стака шканть лангс апак вано, тейсь ламо паро тевть Светотехстроень эрицятнень лезэс.
– Ледстневи, васень шкасто саезь, вейсэндинек здравоохранениясо, образованиясо, культурасо, эрямонь-коммунальной хозяйствасо ды промышленной предприятиясо важодиця тейтерь-аватнень, – пачтясь Лидия Сергеевна. – Минь лездынек ванстомс художественной самодеятельностень коллективтнень, путынек ушодкс Пролетарской райононь парконть теемантень, «Луч» Культурань кудонть одкстомтомантень, – поладсь Лидия Цаплина.
Неень шкане сон ёвты сюкпря весе лездыцятненень: Саранск ошонь ды Пролетарской райононь прявттнэнень. Сонзэ валонзо коряс, авань советэнь эрьва членэсь эсензэ таркасо ванкшнось ламо кевкстемат, конат токасть тевень муеманть, материальной лезксэнь максоманть, эрямонь-коммунальной стакачитнень витеманть.
Тейтерь-авань активенть покш путовксозо культурно-нравственной лувонть ветямосо, од ломантнень зыянов тевтнеде ванстомасо.
Важодемань кодат тевть ансяк эзть кочкакшно патриотической лувонть ветямга: вастовомат, презентацият. Ютавтозельть мужествань урокт: «И возвращаются имена», «Жизнь – подвиг», «Есть такая профессия – Родину защищать», «Великий подвиг Ленинграда». «Поиск» патриотической объединениянть марто вейсэ невтсть театрализованной представленият, конат алтавсть Воинской Славань читненень.
Перинатальной центрань прявттнэнь ушодксост шназь, вейсэ анокстасть ды ютавтсть зярыя мероприятият аламо сталмо марто чачозь эйкакштненень (недоношенной) лездамга. Саранск ошонь округонь 25 ды 5 номерт школатнесэ ульнесть вастовомат содавикс писательтнень ды поэттнэнь марто, аволь весть тердтнизь эсест мероприятиятнес Госфилармониянь солисттнэнь.
– Минь аволь весть ульнинек промышленной предприятиятнесэ ды эрямонь-коммунальной хозяйствань управлениятнесэ, – пачтясь Лидия Сергеевна. – Эсенек сельмсэ неинек, кодамо условиясо важодить минек тейтерь-аватне.
Промкссонть башка кортамо мольсь «Союз женщин Мордовии» республиканской общественной организациянть вийсэ «Посылка солдату» Своих не бросаем» военно-патриотической акциянть ютавтомадо. Сон алтазель Ине Отечественной войнасо Изнямонь 77 иетненень. Теде пурнавозтненень пачтясь те вейсэндявксонь прявтось Ольга Игнатова. Ольга Викторовна ёвтась покш сюкпря те паро тевенть кисэ Пролетарской райононь авань советс совиця активисткатненень ды иневанькс Иоанн Кронштадтский лемсэ церьковань настоятелентень отец Владимирнэнь (Кугушевнень).
Эрьва лездыцясь бажась пурнамс казнеть прок эсензэ малавикс ломанентень. Посылкатнес мезе ансяк эзть путо, эдь кудонть эйстэ ве ёно солдаттнэ пек кенярдсть сыненст мелень явомантень.
Те акциясонть покш лезксэнь максомань кисэ республикань «Союз женщин Мордовии» общественной организациянь Почётонь грамотасо казезельть Пролетарской райононь авань советэнь прявтось Лидия Цаплина, «Центр эстетического воспитания детей» МУДО-нь прявтось Елена Давыдова, «Оценочные системы» ООО-нь руководителесь Валентина Гришанина ды лият.
Истя жо те чистэнть питней казне Россиянь тейтерь-авань вейсэндявксонь памятной медаль максовсь «Поликлиника № 2» МР-нь ГБУЗ-нь Мордовия Республикань заслуженной врачонтень, поликлинической отделениянь прявтонтень Ирина Ермакованень. Ирина Станиславовна ламо иеть важоди медицинасо. Пандемиянь шкасто вейсэ ялгатнень марто виень апак вансто идесь ламо эрямот апаро ормадонть.
Нама, эрьванть юткстонок ули важодема тарказо, кудоютконь тевензэ. Вана неть тейтерь-аватне, сиземанть лангс апак вано, эштё муить шка топавтомс общественной важодема, лездамс сетненень, кинень эрси пек стака, кие пшкади тенст ды энялды венстямс кедь.
«Союз женщин России» Общероссийской общественно-государственной организациянь Мордовской региональной отделениянть марто вейсэ кепсевсть ламо талновтыця темат ды корязост кемекстазельть эрявикс решеният. Неть: седеймарямонь тевть, сынь алтавсть кода од ломантненень, истя сыретнененьгак, лезэнь кандыця акцият. Сынст вельде кемекставсть семиятне, явовсть башка мель тейтерь-аватненень. Истя, анокстазельть ды ютавтозельть «Эстафета материнского подвига», «Я могу», «Женщины против наркотиков» ды ламо лия акциятне. Невтемакс, «Электровыпрямитель» ОАО-нть юрсо, вейсэ те предприятиянь авань советэнь прявтонть Надежда Сураева марто, эрьва иестэ ютавтозельть Авань кенярксчинтень, Семиянь чинтень, Заводонь чинтень алтазь мероприятият.
Валентина Юдина