Воскресенье, февраля 28, 2021
Важное

Ютазь недлясто МР-нь Госсобраниясо ютась вастовома сонзэ Прявтонть В.В. Чибиркинэнь республикань СМИ-тнень представительтнень марто.

Владимир Васильевич эсь кортамосонзо тешкстызе, кодамо стакакс ульнесь ютазь иесь ды кодашка покш талика налксесть газетатне, телевидениясь, социальной сеттне коронавирусонь инфекциянть ды сонзэ кувалма мелявкстнэнь лангс ливтематнень ды каршонзо «тюреманть» коряс. «Весе масторлангось малав уш ие теи весементь, штобу кезовось улевель изнязь. Покш тев теить СМИ-тне, конатне весе те шканть перть бажить видестэ ёвтнемс мелявкстнэде, кезовдонть идемадо, эсь прянь ванстомадо, врачтнеде, конатне бороцить сэредицятнень кисэ чинек-венек. Ули мелем ёвтамс тенк покш сюкпря МР-нь Госсобраниянть марто конструктивной ды лезэнь максыця важодеманть кисэ. Весеме ёндо невтезельть сессиятнень, комитеттнэнь роботаст ды лангс ливтезельть сеть кевкстематне, конатнеде кортавсь минек промкстнэсэ. Шкастонзо примазельть законт, конатне лездасть нужачисэ эрицятненень, ламо эйдень трицятненень. Тынь невтинк минек важодемань лия ёнкстнэньгак: мелят тешкстынек Мордовиянь Госсобраниянь 25 иетнень, приминек Россиянь Конституциянтень полавтоматнень. Тедедеяк роботась поладови весе вийсэ – сёксня кармить законодательной властень весе органтнэс кочкамот, эряви кочкамс 2700 депутатт. Арсян тенк, штобу тынь свал видестэ ёвтневлиде минек эрямодонть ды важодемадонть, лангс ливтевлинк паронтькак ды берянентькак», – мерсь Владимир Васильевич.

Истя жо мероприятиясонть тешкстазельть журналисттнэнь ютксо Мордовиянь Госсобраниянь пелькстамонь итогтне. Тедеде, «Закон и власть» номинациядонть башка, яволявтозель эштё вейке номинация – «Вместе – за жизнь и здоровье жителей Мордовии». Неть материалтнэсэ журналисттнэ ёвтнесть важодемадонть, конань ветить кезовонть каршо больницятнесэ, поликлиникатнесэ врачтне ды медсестратне ды кодамо лезкс иень перть макссть тенст республикань депутаттнэ. Кода тешкстызе В.В. Чибиркин, конкурсонтень 29 редакциятнень пельде кучозель 41 пурнавкс. "Эрзянь правда" газетась кармась изницякс "Вместе – за жизнь и здоровье жителей Мордовии" номинациясонть. Казнесь – планшетэсь ды 2-це степенень Дипломось – максозель главной редакторонтень М.Н. Девятованень. Владимир Васильевич Чибиркин тешкстызе минек редакторонть раськень оршамопелензэ ды ёвтась мель сыця иестэ саемс пельденек пример лия национальной СМИ-тнененьгак.

 

Марина Тикшайкина

О ГАЗЕТЕ "ЭРЗЯНЬ ПРАВДА"

Газета Эрзянь правда в настоящее время издается один раз в неделю на 16 страницах, четыре из них в цвете. Газета широко отражает вопросы общественно-политической, социально-экономической, культурной и духовной жизни республики, публикует международную информацию. «Эрзянь правда» распространяется в Оренбургской, Пензенской, Самарской, Ульяновской, Нижегородской областях, в республиках Татарстан, Чувашия, Башкортостан. Вместе с тем, для эрзян России вот уже не один год успешно функционирует электронная версия газеты, которую можно в настоящее время читать в Интернете. В этом большая заслуга всего редакционного коллектива газеты «Эрзянь правда».