Мордовия Республикава Россиянь Социальной фондонь Отделениянь Управляющеесь Владимир Василькин ды «Защитники Отечества» специальной военной операциянь участниктненень лездамонь Государственной фондонь филиалонь руководителесь Алексей Герасименко сёрмадстсть вейсэнь важодемадо вейсладямо.
Документэнть вельде организациятне теить СВО-нь ветерантнэнень лезксэнь максомань законодательстванть одкстомтомга мельтнень-арсематнень анокстамонть коряс робочей группа. Сынь истя жо кармить ветямо толковамонь робота максовиця государственной пандоматнеде ды льготатнеде.
Алексей Герасименко тешкстась, региононь филиалось уш важоди СВО-нь ветерантнэнь марто – лезды тенст ветеранонь удостоверениянь максомга документтнэнь пурнамонть, медицинской реабилитациянть коряс, тенст явови психологической лезкс.
Владимир Василькин ёвтнесь, Социальной фондонь региональной Отделениянь весе клиентской службатнесэ специальной военной операциянь участниктнень ды ветерантнэнь туртов теезь сынст примамонь башка лув, максови тенст эрьва ёндонь лезкс.
«Отделениясь теи весементь, социальной пандоматне ды компенсациятне максовольть шкастонзо. «Защитники Отечества» фондонь филиалонть марто вейсладямонть сёрмадстомась – те СВО-нь участниктненень, ветерантнэнень ды сынст семиятненень лезксэнть пирявкстомо ды эрязасто максоманть коряс важодемасонть эштё вейке эскелькс. Минь тейтяно вейсэнь тев – лездатано цёратненень, конатне велявтыть специальной военной операциястонть кудов. Неень шкасто те эрявикс задачатнестэ вейкесь», – тешкстась Мордовия Республикава СФР-нь Отделениянь Управляющеесь Владимир Василькин.