Саранск ошонь округонь коряс Россиянь УМВД-нь 3 № ОП-в пшкадсь 72 иесэ ава. Сон пачтясь ярмаконзо манямодо. Июлень 12-це чистэ тензэ гайневтсь а содавикс ломань, кона лемдизе прянзо банконь безопасностень службань важодицякс. Цёрась мерсь, келя, те шкастонть кие-бути саи лангозонзо кредит.

Сон путсь превс: ярмактнень эрявить ванстомс, картасо улиця весе таштазтнень кучомат ёвтавт реквизиттнэнь коряс. Теде башка, эряви тевс нолдамс приложения, кона теи блокировка лицевой счёттнэс (алкукс жо – смартфононь удаленной управлениянь программа). Истя, авась кучсь манчицятненень 570 тёжат целковойть, ютась ссылкаванть, конань кучизь тензэ, ладизе эрявикс программанть.

Гайневтицясь сеске дистанционной лувсо кармась нееме мобильной телефононть ды аванть пельде сайсь 456 тёжат целковоень покшолмасо кредит, ярмактнень салынзе счётсто. Манязь авась пшкадсь полицияв.

МР-ва МВД-сь эштё весть пачти! Бути тенк гайневтни асодавикс ломань, кона лемди прянзо банконь важодицякс эли правоохранительной органонь важодицякс ды:

– пачти картанк блокировкадо;
– карми ёвтнеме счётстонк ярмаконь саламодо ды кредитэнь саемадо;
– «личной кабинетс» кинь-бути совамодо;
– веши ёвтамс картань реквизиттт ды CVC- ды СМС-кодт;
– кармавты кучомс весе ярмактнень «безопасной счётс»;
– телефонозонк ладявты ярмаконь ванстомань программа эли ютамс ссылкава – сеске лоткавтынк мартонзо кортамонть! Тынсь гайневтеде банков.

Илинк максо прянк манямс!

Илядо сае телефононть, зярдо гайневтить асодавикс номерстэ!